هوه احنا شباب تافه..؟؟؟؟؟؟؟!!(نائر ونئير)

[Jasper]

بسم الله الرحمن الرحيم

السلام عليكم ورحمة الله وبركاته

ندخل فى الحواااااااار على طووووول

شوفوا نائر ونئير بيقولوا ايه لبعض
نائر: أنا عاوز اكلمك يا نئير في موضوع من مواضيع النقد الذاتي

نئير: أزاي يعني؟؟

نائر: أنا شايف اننا اتفه جيل جه البلد دي

نئير: ايه يا عم ؟؟ براحة علينا احنا ملنا يعني ما أحنا شباب زي الفل؟

نائر: لا انا حاسس ان الشباب اليومين دول تافه جداً

نئير: لا دي مشكلة الشباب على مر العصور من حاجة خاصة بالجيل ده يعني و بعدين بطل تردد كلام الأجيال اللي قبلينا دول بيقولوا كده عشان كان اللي اكبر منهم بيقولوا كده عليهم معقدين يعني ،نفض يا عم

نائر: خلينا نتكلم بموضوعية الشباب دلوقتي ثقافته محدودة جداً و ده في منهم في الجامعة و مبيعرفوش يكتبوا عربي كويس

نئير: بالعكس بقى الجيل ده أحسن من اللى قبله دلوقتي في مصر حوالى 12 مليون مستخدم انترنت معظمهم شباب يعني مستوى الثقافة في ارتفاع

نائر: انته بتشتغل نفسك ، اغلب الشباب بيدخلوا على النت عشان الشات و الفيس بوك و بيحملوا أغاني و افلام أو حتى بيدخلوا مواقع اباحية ده اللي اغلب الشباب بيعملوا ، ده ممكن يكون النت سبب تخلف الجيل ده

نئير: يا بني ده حال الشباب في اي وقت ، لما كنا صغيرين كان كل الشباب مثلاً بيلبس تشيريت اسود عليه صورة واحد أجنبي كنيش كده مش عارف اسمه ايه

نائر: يخرب بيت الجهل اللي انته فيه ، قصدك جيفارا؟!!

نئير: الله ينور عليك ، انا عاوز اقولك ان معظم الشباب اللى كانوا عاملينه البب بتاعهم مكنوش يعرفوا هوه مين

نائر: مع التحفظ ان يكون قدوة الشباب اي شخص مش نابع من تاريخنا و حضارتنا و اسلامنا ، بس لما يبقي جيفارا قدوتك انته متعرفش هوه مين بالظبط و عمل ايه لشعبه ، احسن بكتير لما يبقي قدوتك واحد زي نجم الجيل اللي انته عارف كويس هوه مين و ايه التفاهه اللي هوه فيها و انه هربان من التجنيد

نئير: انته بتتكلم بسواد زي بتاع جرايد المعارضة، مش عيب ان الشباب يكون له اهتمامات كتير زي الفن و الرياضة ، اقعد مع اي شاب و شوفه فاهم ازاي في الحاجات اللي بيحبها

نائر: المشكلة ان الشباب مبقاش بيتابع غير الكورة و اللي انته بتقول عليه فن ده فن هابط أو مش فن أصلاً الشباب حالته في الضياع

نئير: مفيش فايدة فيك مش ناوي تقلع النضارة السودة ابداً

[viRuS3]

والله عندك حق احنا جيل فاشل
تسلم ياكبير

[● MiSs. NeRmOo ●]

ههههههههههههههههههههههههه ه
انتو ادرى طبعاا ياامينو ولامو معااة حق

[Jasper]

مش للدرجه يا عم اسلام
على العموم شكرا لمرورك

[Jasper]

هو انتى ما بتصدقى تمسكى فى اى حاجه على الشباب

[الهضبــــــــــــــــــه]

احنا احسن جيل جه في جمهورية مصر العالميه

[CRASH]

[| Za3ya ●]

ههههههههههههههههه
ايه ياجماعه مين اللى قال احنا جيل فاشل
احنا الجيل الصح وحنا مش فاشلين ولا حاجه

[| Amino2 ●]

مين قال اننا جيل فاشل
هى كل المشكله ان البنات موديانا فى داهيه شويه
بس لو مفيش بنات كنا بقينا اجمل جيل
عموما ربنا يخلصنا منهم يارب
بلا بنات بلا نيله
والمشكله فاكرين نفسهم بنات
وهما اصلا .....ولا بلاش
اوووووووووووووف

[viRuS3]

معلشلى ياعم جاسر هما كدة ما بيصدقوا يمسكوا فى الكلمة اعوذ بالله