المنتدى والغياب ... الحياة .. والموت !

**I'm Alive** · 12-09-2009 04:08 AM

أنا مش هقول الا كلمه واحده
نفسى أشوف المنتدى ده شغال زى الاول
وكمان فى الفترة الى سجلت فيها
فين الاعضاء الى كانو موجودين
رغم أنى معرفش حد فيهم معرفه قويه
بس كانو نشطين جدا
أتمنى أنهم يرجعو
وشكرا ليكى وهم على التوبك

**!..!** · 26-09-2009 04:16 AM

!!!!!!!!!!!!

وهم ؟

متأكد إن أنا اللى نزلت التوبيك ده ؟؟

كدا هتدخلنى فى مشاكل وقضايا حقوق ملكية وفكرية !

بعتذر لصاحب الموضوع (hot ice)

**!..!** · 26-09-2009 06:19 AM

إسمحلي أكتب مشاهد من مشاهد الحياة أو .. الموت

مشاهد مفيهاش أى كذب أو تمثيل

بدايته حلم .. زى أى إنسان ما بيحلم

بس الحلم وقته كان قصير اوى

ضاع الحلم .. وصاحبة الحلم إنتهت معاه

يوم ما فكرت تشكر أهلها .. وقفت أدامهم

قالت لهم إنتوا ربيتونا غلط !

علمتوني أسامح أى حد غلط فيّا

علمتوني أضيّع حقي .. ومعلش سيبيه لغيرك

علمتونى أجي على نفسي علشان غيري

سيبتوني في دنيا كلها كدب ومش عارفة أعيش باللى إتعلمتوا منكم

إنتهت محاكمتهم ..

المشهد التاني

يوم ماكنت صادقة جداً في كل حاجة ..

لاقيت الدنيا كلها خيانة وقسوة

لاقيت الماديات وكلام الناس والمظاهر أهم بكتير من المشاعر

أنا مش عايزة اى حاجة من دى

ربنا يرحم المشاعر .. اللى بقت وهم

ربنا يرحم اى معنى جميل فى الدنيا .. كل حاجة فعلا وهم

مكنتش عايزة حاجة أكتر من إحساس بجد صادق

المشهد التالت

كنت المفروض (أعصُر على نفسي لمون) وأوافق

وأعيش وهى عِيشة وخلاص .. مش مهم

كنت أعيش وضميري يموت ؟

برضة كنت هعيش وإحساسي ميت وضميري كمان ميت

مش مهم أظلم .. وأكذب .. وأنافق .. علشان الحياة تمشي

وأعيش زى ما أي حد بيعيش ...

بس مش هينفع أنسى الحلم !

طيب نبعد عن المطابخ وعصير الليمون

المشهد الرابع والأخير

حتى اللون الأسود اللى إخترته إستكتروه عليّا

ليه كدا اللون ده إنتِ عندك حالة وفاة ؟؟

... : لأ ليه ؟؟

ليه الكآبه والنكد ؟؟

ناس تانية : كفاية كدا روحي إتعالجي وخلصينا

و الشفقة والعطف والطبطبة اللى بكرههم يظهروا !

حتى اللحظة اللى بكون فيها مع نفسي بيستكتروها عليّا

بيصروا يقتحموا حياتي !!

..............

كل حاجة فى الدنيا فشلت فيها

حتى لمّا فكرت أهرب من بلدي فشلت ...

معلش مش هينفع تسافري

والغرور اللى جوايا .. إتهزم !!

...................

وفي الآخر أسمع ...

ياريت إنتِ كمان تعيشي و تضحكي و...............................

طيب إزاى ؟؟

ما أنا عمري ما هستغنى عن الحلم اللى حلمته

...........

الدنيا بكل قوتها كسرتنى ولسة بتكسرني

مع إنى مكنتش عايزة غير حاجه واحدة منها !!

...........

أسفة "مع انى عمري ما قولتها لأى حد "

عارفة إن كلامي بعيد عن موضوعك

ومالكش أى ذنب

بجد أسفة جداً .

**Hot Ice** · 11-10-2009 05:34 AM

الفرق مش كبير مين اللى عمل الموضوع

أنا شايف كدا ..

وبالتالى ليه الإعتذار ؟

ثانيا قيمة الموضوع بتكتمل بالموجودين فيه ومشاركتهم

وتواجدك دوما يثرى أى موضوع

دمتى فى حفظ الله ورعايته ،

..

**Hot Ice** · 11-10-2009 05:40 AM

بالعكس .. كلامك أو .. مشاهدك

فى صلب الموضوع .. فى صلب الحياة

وفى أعماق الحياة قبل أعماق الموت !

فى أعماق الوجود قبل الغياب ..

وإن كان التعليق على المشاهد لاتكفيه الصفحات

ورغم السواد القابع والمتمكن والمسيطر

تتوارى بداخلى ثقة لاأعلم مصدرها

بأنه سيأتى اليوم الذى ستشرق فيه

شمس باهرة ..

لأنك كنتى دوما مصدرها !

..

**| Bugs Bunny ●** · 11-10-2009 12:52 PM

هوت ايس !!!!
فينك من زمااااااان
حمد الله على السلامه
وحشنا مواضيعك الحلوه دى و ردودك
طبعا التوبيك حلو جدا و اسلوبك كالعاده رائع
تقبل مرورى