*** اسئلة صريحة اوووووي ***

[| لولا ●]

الاسئلة طويلة شوية اه... بس هترتاح بعدها اوووووي وقت سعيد للكل

يلا بينا نبدأ

*القسم الاول:اسئلة دينية:-

1-بتتخيل (بتتخيلى)نفسك فى الجنة اكتر ,وله فى النار اكتر؟
2-اما بتزور المقابر او بتعدى عليها ,احساسك بيبقى عامل ازاى؟
3-حاسس ان ربنا بيقف جنبك فى مواقف صعبة كتير و انت بردة حاسس انك "ندل حبتين"؟
4-انت حاسس ان ربنا راضى عنك اصلا؟
5-بأمانة,,حلمت بالرسول قبل كدة؟طب لو حلمت او حلمتى قال لك اية؟

:

القسم الثانى:اسئلة نفسية:-

1-بأمانة برده,,انت شخصية نكدية؟
2-بتبكى قدام الناس و له بتستكبر تعمل كده؟
3-انت شخصية ضعيفة وله قوية؟
4-طب دلوقتى ,انت مكتئب و له فرحان؟و له بين البنين؟
5-بتسمعى كلام اخوكى و تتفهميه و له "اخوية اية و بتاع اية مفيش اضمن من الصحاب"..بتسمع كلام اختك و تتفهمهاو له"انا اسمع كلام بت و اختى كمان ايه الهبل ده"!!!!!!!!!!!!!!؟
6-انت معجب بشكلك و انت حاسة ان شكلك حلو؟

:

القسم الثالث:اسئلة الحب:-

1-انت شخصية محبوبة من الناس..وله الناس بتسترخمك؟
2-عمرك حبيت من طرف واحد قبل كدة؟
3-نفسك تتحب؟
4-مريت بقصة فاشلة؟
5-قد اية بتتنازل علشان اللى بتحبه؟
6-هو فى كرامة فى الحب,يعنى انت مع العبارة دى؟
7- اللى حتتجوزها نفسك يبقى اسمها اية؟اللى حتتجوزيه نفسك يبقى اسمه ايه؟
8-بزمتك بتحب اسمك؟
9-بتحب على روحك؟طول ما انت ماشى عمال تحب فى الناس؟!

:

القسم الرابع:اسئلة عامة:-

1-نفسك فى ايه علشان تكون سعيد و راضى؟
2-لو شفتى اخوكى بيعاكس البنات فى الشارع,,اتفاجئتى,,اية حيبقى موقفك؟
3-لو عرفت ان اختك "مصاحبة" اية حيبقى رد فعلك؟
4-لو لقيت 7شبان بيعكسوا بنت بطريقة فظيعة,,بأمانة شديدة و صراحة حتعمل اية فى الموقف ده؟(خد بالك ان هم 7 شبان طول بعرض و بلطجية يعنى ممكن يشحوروك)!!!!!!!!!!!!!!!!!!
5-نفسك تعتذر لمين انت غلط فية؟
6-تقول لمين "ارجوك انا عاوزة احبك و احترمك,حسن صورتك عندى شوية"؟
7-بتقول لمين"تملى معاك"؟
8-بتقول لمين "هو فى ايه؟!!!!!!!!!!!"؟
9-بتكره الخيانة قد اية؟
10-يعنى ايه كلمة "وطن"؟ (بالنسبة لك)

/

بس خلاص

[Lovely Boy]

اول حاجه تسلم ايدك يالولا اسئله جميله
بس بجد نجاوب عليها فى دمغنا ولا نكتبها
تقبلى تحياتى

[| لولا ●]

تسلم لمرورك يا احمد بس يا ريت تجاوب عليها علنى يعنى يلا ورينا اجابتك يا بطل

[| Tears Of The Moon ●]

ابقــى اجاوب عليها بعدين بقــى

[| لولا ●]

براحتك يا احمد جاوب وقت ما تحس انك تقدر تجاوب عليها شكرا لمرورك

[| Tears Of The Moon ●]

شكرا على الأسئلــة

[| لولا ●]

شكررررررررررررررررررا يا احمد على اجابتك على الاسئلة وصراحتك ومنور التوبيك واسفين لتعبك يا باشا

[| please smile ●]

اولا اسئله فعلا طويله جدا

*القسم الاول:اسئلة دينية:-

1-بتتخيل (بتتخيلى)نفسك فى الجنة اكتر ,وله فى النار اكتر؟
لا مقدر ش احدد ولو حددت حرام عليا انا مصيرى مش بايدى

2-اما بتزور المقابر او بتعدى عليها ,احساسك بيبقى عامل ازاى؟

تصدقينى لو قلتلك انى كل يوم هناك بحس بالراحة
وكل الناس سكته بعيد عن دوشة الدنيا وراحة اعصاب

3-حاسس ان ربنا بيقف جنبك فى مواقف صعبة كتير و انت بردة حاسس انك "ندل حبتين"؟

اكيد طبعا ربنا بيقف معانا كلنا بس غلط كلمة ندل هو احنا بنلعب مع ربنا احنا اة مهما نعمل هنكون مقصرين

4-انت حاسس ان ربنا راضى عنك اصلا؟

بردة مقدرش احدد لكن مادام انا محافظ على طاعتة اكيد ربنا راضى عنى


5-بأمانة,,حلمت بالرسول قبل كدة؟طب لو حلمت او حلمتى قال لك اية؟

لا ونفسى بس ليا واحد زميلى حلم به بس شافه من ظهرة

لو شوفته من هول الموقف مش هتكلم

((خير هانت امتى هنوصل))

القسم الثانى:اسئلة نفسية:-

1-بأمانة برده,,انت شخصية نكدية؟

بالعكس انا مرح جدا ونكد اية مش مستهله الحكاية
فان اظلمت الدنيا امامى سأضيئها بمصابيح قلبى



2-بتبكى قدام الناس و له بتستكبر تعمل كده؟

أكيد لأ لان مفيش حاجة بتبكينى ومش احد حد يبكى

3-انت شخصية ضعيفة وله قوية؟

انا الحمد لله شخصية سوية وقوية

4-طب دلوقتى ,انت مكتئب و له فرحان؟و له بين البنين؟

انا بين البينين لان الامتحانات قربت تخلص

5-بتسمعى كلام اخوكى و تتفهميه و له "اخوية اية و بتاع اية مفيش اضمن من الصحاب"..بتسمع كلام اختك و تتفهمهاو له"انا اسمع كلام بت و اختى كمان ايه الهبل ده"!!!!!!!!!!!!!!؟

أكيد انا اختى دى حبيبتى بشوف كلامها لو كان صح اكيد هقبله ولو غلط هرفضة والقرار فى الاخر ليا

6-انت معجب بشكلك و انت حاسة ان شكلك حلو؟

دى مقدرش احددها لانى لو قلت هبقى مغرور

:

القسم الثالث:اسئلة الحب:-

1-انت شخصية محبوبة من الناس..وله الناس بتسترخمك؟

انا الحمدلله كل زمايلى بيحبونى ودة فضل من ربنا

2-عمرك حبيت من طرف واحد قبل كدة؟

لا لان الحب من طرف واحد عامل زى السلك العريان
لا السلك دارى بيا واول ميحصله حاجة هيكهربنى

4-مريت بقصة فاشلة؟

الحمدلله مفيش قصص فاشله

5-قد اية بتتنازل علشان اللى بتحبه؟

انا لو بحب بجد مستعد اتنازل عن روحى علشان اللى بحبه يعيش سعيد
لان الحب اخلاص وتضيحة ومنح اكثر منه اخذ


6-هو فى كرامة فى الحب,يعنى انت مع العبارة دى؟

اكيد واكيد مليون الميه


7- اللى حتتجوزها نفسك يبقى اسمها اية؟اللى حتتجوزيه نفسك يبقى اسمه ايه؟

لا دا اسم احتفظ بيه لوحدى واكيد انا مححده ومحددها كمان وان شاءالله ربنا يوفقنى واتجوزها


8-بزمتك بتحب اسمك؟

انا اكيد الحمدلله اسمى حلو مش وحش


9-بتحب على روحك؟طول ما انت ماشى عمال تحب فى الناس؟!
اكيد بحب روحى
بس ازاى طول ما انا ماشى بحب هههههههههههههههه
لا سؤال مضحك
مفيش حد بيحب طول ما هو ماشى ليه واخد الحب ايجار مفروش طول عمرة
اللى يعمل كدة اكيد عند انسياب عاطفى وفلااغ عاطفى كمان

:

القسم الرابع:اسئلة عامة:-

1-نفسك فى ايه علشان تكون سعيد و راضى؟

بصراحة ومن غير ضحك ابقى معيد فى الكلية
محدش يضحك [-o<[-o<

3-لو عرفت ان اختك "مصاحبة" اية حيبقى رد فعلك؟

مش هيبقى رد دا هيبقى ضرب يعنى اية مصاحبة مفيش حاجة اسمها صحوبية

4-لو لقيت 7شبان بيعكسوا بنت بطريقة فظيعة,,بأمانة شديدة و صراحة حتعمل اية فى الموقف ده؟(خد بالك ان هم 7 شبان طول بعرض و بلطجية يعنى ممكن يشحوروك)!!!!!!!!!!!!!!!!!!

هههههههههههههه صدقينى والله هسيبهم
لان الشباب مش بيعاكس الا لما تكون البنت مبتمشيش كويس او لبسة لبس وحش
اما فعلا لو هى محترمة اكيد هدخل ولو هضرب ايه يعنى


5-نفسك تعتذر لمين انت غلط فية؟

انا مش بعتذر تؤتؤ حتى لو كنت غلطان مش عارف
محدش يقول تكبر لكن فعلا مبعتذرش

6-تقول لمين "ارجوك انا عاوزة احبك و احترمك,حسن صورتك عندى شوية"؟

مفيش حد لان مفيش رجاء فى الحب فى تمنى
اتمنى انها تغير من نفسها وفى الاخر دى حاجة ترجعلها


7-بتقول لمين"تملى معاك"؟

دى بقولها من كل قلبى للاسم اللى فى دماغى

8-بتقول لمين "هو فى ايه؟!!!!!!!!!!!"؟

بقولها لمحمد فؤاد واحمد أدم ههههههههه

9-بتكره الخيانة قد اية؟

اولا مفيش خيانة فى الحب بس الخيانة عموما وحشة جدا اوى

10-يعنى ايه كلمة "وطن"؟ (بالنسبة لك)

وطن روح عمر رايح وعمر جاى

وان لم يضمنى شوق اهلى فهناك شوق اهم من شوق اهلى هو وطنى



((ورينى بقى درجتى انا هستنى اشوفها ههههههههه))

[| لولا ●]

لالالالالالالالالالالالال الالالالالالالالالا بجد 10 على 10 تسلم ايدك لردك على الاسئلة دى ومرورك وتشريفك الموضوع ومنور التوبيك يا محمود

[I'm Alive]

ملاك برئ يالولا ولا كأنك عملت حاجه
يافرج الله كل ده وبتقولى بس خلاص ايه الحلاوة دى
عثل
فكرتينى بالسيد زيان فى مسرحيه سيدتى الجميلة
ماعلينا
بس شويه أسأله كفاءة والله كفاءة
تسلم الايادى الى عملت التوبك
الله ينور ,عاوز اقول حاجه أخيرة أنا دماغى ويرمت