*** اسئلة صريحة اوووووي ***

[| لولا ●]

شكرا لمرورك يا محمد وتسلم لردك الحلو على الاسئلة ردك واقعى جدا جدا ومعلش يا قمر تعبناك بس اسئلة حلوة وبشكرك لتانى مرة

[..●●آه...لو●●..]

*القسم الاول:اسئلة دينية:-


1-بتتخيل (بتتخيلى)نفسك فى الجنة اكتر ,وله فى النار اكتر؟
ان شاء الله في الجنه ويمكن لو تخيلت اني في الجنه ربنا يرفق بيا ويدخلني الجنه
2-اما بتزور المقابر او بتعدى عليها ,احساسك بيبقى عامل ازاى؟
تنهيده من غير كلام
ودمعه ع خالي ودمعه ع جدي ودمعه عليا لما اموت والناس تنساني
3-حاسس ان ربنا بيقف جنبك فى مواقف صعبة كتير و انت بردة حاسس انك "ندل حبتين"؟
اه
4-انت حاسس ان ربنا راضى عنك اصلا؟
منا لو راضي عن ربنا واللي بيدهولي هيرضى عني
رضي اله عنهم ورضو عنه
5-بأمانة,,حلمت بالرسول قبل كدة؟طب لو حلمت او حلمتى قال لك اية؟
مش عارف حلم ورؤيه او اني يمكن كنت عاوز اشوفو
كل اللي فاكرو اني شفت كتله نورانيه بس مشفتش وشو
وزعلت جدا
وبجتهد علشان اقابلو تاني او اول
بحبو

:



القسم الثانى:اسئلة نفسية:-


1-بأمانة برده,,انت شخصية نكدية؟
سعات سعات
لا
مش نكدي ولما ببقى نكدي باخد جنب
2-بتبكى قدام الناس و له بتستكبر تعمل كده؟
بستكبر
3-انت شخصية ضعيفة وله قوية؟
قياديه باساليب ثانويه
يعني بحرك اللي حواليا بس مش من خلالي دايركت
قويه
4-طب دلوقتى ,انت مكتئب و له فرحان؟و له بين البنين؟
الحمد لله فرحان
5-بتسمعى كلام اخوكى و تتفهميه و له "اخوية اية و بتاع اية مفيش اضمن من الصحاب"..بتسمع كلام اختك و تتفهمهاو له"انا اسمع كلام بت و اختى كمان ايه الهبل ده"!!!!!!!!!!!!!!؟
نظريه مقتنع بيها ومش بفرضها ع حد
الاخوات والام والام
بحبهم بس
الاشخاص دول مفروضين عليا
انما الاصحاب فانا بحبهم انا اللي مختارهم واقدر اعتبهم واخاصمهم واصالحهم
الاصحاب في وجهه نظري احسن
6-انت معجب بشكلك و انت حاسة ان شكلك حلو؟
هههههههههههههههههه
الحمد لله
ربنا مديني شكل مقبول وجميل ومن نعم ربنا عليا

:


القسم الثالث:اسئلة الحب:-


1-انت شخصية محبوبة من الناس..وله الناس بتسترخمك؟
لا بيحبوني والحمد لله ع ما اعتقد اصل مفيش داعي للنفاق يعني لو مش يحبوني مش هيعاملوني
2-عمرك حبيت من طرف واحد قبل كدة؟
اعجاب
اللي من طرف واحد بيبقى اعجاب مش حب
3-نفسك تتحب؟
لا مش نفسي حد يتعلق بيا
الا
لما انا اتعلق بيه
4-مريت بقصة فاشلة؟
مفيش قصه حب فاشله
5-قد اية بتتنازل علشان اللى بتحبه؟
ههههههههههههههههههههه
طول النهار بعمل اللي هو عاوزه وطول الليل بعمل اللي هو عاوزو برضو
6-هو فى كرامة فى الحب,يعنى انت مع العبارة دى؟
اها
7- اللى حتتجوزها نفسك يبقى اسمها اية؟اللى حتتجوزيه نفسك يبقى اسمه ايه؟
زي ميكون طبعا حلوه دي
8-بزمتك بتحب اسمك؟
انا مصطفى
يعني
مصطفى
في اجمل من كده اسم
9-بتحب على روحك؟طول ما انت ماشى عمال تحب فى الناس؟!
اه بحب الناس كلها
بس مش رومانتيكي يني



:



القسم الرابع:اسئلة عامة:-


1-نفسك فى ايه علشان تكون سعيد و راضى؟
رضى ربنا
2-لو شفتى اخوكى بيعاكس البنات فى الشارع,,اتفاجئتى,,اية حيبقى موقفك؟
3-لو عرفت ان اختك "مصاحبة" اية حيبقى رد فعلك؟
ااذا كانت هتعمل كده من ورايا غصب عني فانا احب انها تعرفني ع الولد
وافهمها ان اي ولد هيجي يقول لبنت انا بحبك ومقدرش استغن عنك وهو قدها في السن او اصغر منها ومعندوش النيه انو يتجوزها يبقى ده غلط ومينفعش
والحمد لله اخواتي البنات مش مصاحبين
ولا انا

4-لو لقيت 7شبان بيعكسوا بنت بطريقة فظيعة,,بأمانة شديدة و صراحة حتعمل اية فى الموقف ده؟(خد بالك ان هم 7 شبان طول بعرض و بلطجية يعنى ممكن يشحوروك)!!!!!!!!!!!!!!!!!!
بصي يا ستي طبعا البنت هي سيده الوقف الاله الوحيده للتدخل لو المعاكسه تطوره لتحرش
كده يا قاتل يا مقتول
5-نفسك تعتذر لمين انت غلط فية؟
لا محنا اتصالحنا خلاص
6-تقول لمين "ارجوك انا عاوزة احبك و احترمك,حسن صورتك عندى شوية"؟
للشخص اللي عاوزني احبو واحترمو
7-بتقول لمين"تملى معاك"؟
محمد فؤاد
8-بتقول لمين "هو فى ايه؟!!!!!!!!!!!"؟
للامتحانات ونظام التعليم في مصر
9-بتكره الخيانة قد اية؟
ع قد الخيانه مهي الخيانه انواع منها ما يغفر ومنها ما لا يغفر
10-يعنى ايه كلمة "وطن"؟ (بالنسبة لك)
يعني
م ص ر
ها جبت كام من عشره ؟

[| لولا ●]

طبعاااااااااااااااااااااا اا 10 على10 رد حلو واجابة رائعة شكرا لمجهودك يا تفاتيفى ومنور التوبيك بردك على الاسئلة يا قمر