هل يحق للاهل التفتيش بموبايلات ابنائهم؟!

[| لولا ●]

بعد ان اصبح الموبايل شي مهم وكل صغير وكبير يستخدمه واصبح ذات اهميه كبيره..
وطبعا له الكثير من الايجابيات والسلبيات..
والسؤال هو:-
هل يحق للاهل التفتيش بموبايلات ابنائهم؟!
ام ان الحريه قفص مقدس لايمكن دخول الغير اليه..!

السؤال ده محيرني اووووي عاوزة اعرف رايكم ؟؟؟؟

[الماجيك]

فعلا سؤال مهم جدا يا باشا بس انا من وجهه نظره هو يجوز وميجوزش
يجوز لو لسه اللي شايل الموبايل ده في مرحله المراهقه
وميجوزش ان كان ده بقي شخصيه ناضجه ويقدر انه يعادل في اموره وتوازنه
وشكرا يا قمر

[| لولا ●]

شكرا لمرورك يا ماجيك وتقبل تحياتى

[I'm Alive]

بصى يالولا أنا هقولك حاجه حصلتلى شخصيا
أول ما دخلت الجامعه السنه دى
واول يوم لما رجعت من الجامعه
والدى خد منى الموبايل وأعد يفتش فيه رغم ان كان الواحد فى رمضان
أنا بصراحه أضايقت جدا جدا
وكمان ميصحش يفتش تليفونى
.....................................
شكله كان عاوز يطمن على مستقبل ابه ويشوفه مدردح ولا لا
ههههههههههههههههههههههههه ههههههههههه


.......................
مش موضوعنا
فى جميع الاحوال غلط أن ولى الامر يمسك موبايل ابنه ويفتشه حتى لو كان البنت او الولد بيمرو بمرحله مراهقه غلط
طيب هما عارفين أنهم فى نيله مرحله مراهقه يجبولهم موبايلات ليه من كتر الفلوس
الولد أو البنت مش هيحتاج الموبايل الا فى التعليم الجامعى غير كدا أنا مش مقتنع تماما
ودى وجهه نظرى المتواضعه ويارب اكون وفقت فى توصيل معلومه
والتكوبك فكرته جامده يالولا فعلا وموضوع محتاج يتوسع اكتر وأكتر ويتناقش اكتر من كدا
وتسلملنا دماغك ياكبير

[| لولا ●]

عندك حق يا محمد فى كل كلمة قولتها ومن المفروض الولد او البنت ما يجبش موبايل الا فى مرحلة الجامعه انما دلوقتى بشوف ناس فى ابتدائى ومعاهم موبايل
شكرا لمرورك يا جميل وتعليقك على الموضوع

[| Tears Of The Moon ●]

شوفــى يا لولا

انتى لو شايفــة ابنك فى السليم
عمرك ما هتشكى فيه
انما لو حسيتى انه مشى فى سكة مش ولا بد
يبقــى أكيد عاوزة تتطمنى عليه
وعاوزة تعرفى هو وصل لفين؟
يعنى بمعنى أصح
ده بيبقــى متوقف على شخصية الابن نفسها

[| المقصرة في حق الله ●]

لا يجوز طبعا مش هو لو ابني يعني مسئول مني وهتحاسب عليه سواء ابتدائي او جامعة يجوز التفيش طبعا من وجهة نظري

عشان اطمن عليه

بس بصراحة مش هفتش قدامه عشان محسسوش انه صغير
هفتش في السكرت

[..●●آه...لو●●..]

لا مش من حقهم طبعا دي اول حاجه خاصه بتحسسني اني ليا شخصيه مستقله
اكتر حاجه فرحت بيها بعد لما خلصت الثانويه ودخلت الجامعه هي الموبايل
وبجد احساس جميل لما يبقى جرس الموبايل يرن لان حد عاوزك انته وانته وبس
من وجهه نظري

[matata]

هو يعني ايه حريه على ابويا وامي او بالاصح يعني ايه حريه على حاجه انا مملكهاش حتى لو شاريها من فلوسي اللي شغال بيها
نا اللي اعرفه انه عادي جدا مع اني متعرضتش للموقف بصراحه
بس بدال مبتعملش حاجه غلط يبقى ايه المشكله لكن لو بتعمل حاجه غلطيبقى تشيل على دماغك وانت ساكت

[| لولا ●]

شكرا لكم جميعا لمروركم وتعليقكم على الموضوع وشرفتوا التوبيك