مـــا تبكيـــش علــــــيه !!!!!

**| لولا ●** · 15-04-2009 11:08 PM

بسم الله الرحمن الرحيم
السلام عليكم ورحمة الله وبركاته

معلش اسم الموضوع غريب انا عارفة بس حبيت ان اشوقكم ليه
الموضوع هنتكلم فيه عن الناس اللي بتبيعنا بالساهل ومع العلم ان احنا كنا مقدرينهم وبنحبهم ايا كان حبيب صديق .
هناقش دا مع بعض النهاردة ؟

في ناس كتير منا بتزعل علي صديق سابههم وباعهم لأسباب مجهوله وغير معلومة بالنسبه ليه مع العلم ان الصاحب او الصديق دا .
كان من المقربين له طب ايه جري علشان تبيع عشرة ايام وشهور وسنين ايه خلاك تنهي صدقتك بينك وبين صديقك .
محدش عارف ليه اي سبب تافه بيحصل بيفركش كل حاجة بين اي اتنين سواء كان حبيب او صديق .
هل دا من عدم الثقه في الطرف التاني ولا ايه بالظبط ..؟؟
وكمان انت حبيت حد بجد وكان بالنسبه ليك الدنيا وما فيها وفي الاخر باعك او خانك او بعد عنك .
ليه تقهر قلبك وتضلم الدنيا وتقفلها في وشك ليه متكملش حياتك وتمحيه من ذاكرتك
ليه متحاولش تعيش من جديد ودي مش نهايه العالم .
بجد في حجات متستاهلش تبكي عليها واحنا بنكي عليها ليه كدا .
بجد انا شوفت ناس كتير باقيه علي ناس خانوهم وناس باعوهم ليه دا كله بنعمله في نفسنا .
انا مش هقول الي باعك بيعه بس دا شخص مقدرش هو كان بالنسبه ليك ايه
ليه تبكي عليه .
مستني تعليقاتكم ومناقشاتكم الجامدة

**الماجيك** · 16-04-2009 11:44 AM

فعلا يالولا عندك حق

تسلم ايدك

**| لولا ●** · 16-04-2009 12:00 PM

شكرا يا ماجيك لمرورك ودومت بكل الخير

**Dody Doda** · 24-04-2009 12:34 PM

ميرسي لولا علي الموضوع الحلو ده
بس زي ما ان الحب مش في ايدينا الكره برضه مش في ايدينا
وحكاية النسيان ده تختلف من شخص لاخر
ممكن شخص ينسي في يوم واحد وممكن واحد يعيش طول عمره فاكر وميقدرش ينسي

**| لولا ●** · 24-04-2009 02:48 PM

شكرا دانا لمرورك الجميل دومتى بخير

**Lovely Boy** · 24-04-2009 03:26 PM

تسلم ايدك يا لولا على الموضوع الجامد ولكن اللى يبعك بيعه

**| Mannora ●** · 24-04-2009 03:37 PM

احنا عايشين فى الدنيا....وكل يوم بنقابل ناس ونمر بتجارب...

والانسان الذكى مش يضيع عمره فى الحسره والزعل والحزن

والتمسك بحد ما يستهلش...

الواحد ليه حياه واحده فليجعلها رائعه ويعيش حياته لان الحظه اللى

بتمر مش يترجع تانى

بس لازم الانسان الذكى يأخد التجربه دى ويحاول يتعلم منها...

ويشوف اخطائه.....واللى يعيش ياما بيتعلم...

وشكرا ليكى لولا موضوع جميل جدا