قالى الوداع قلتلة اشطة!!!

**● **TiTaNiC LoVeR** ●** · 21-03-2009 03:00 PM

ولا دمعه نزلت
ولا قلب انجرح
ولا وساده خاليه زي بتاعه عبد الحليم تمزقت من كتر التفكير في الحبيب الضائع اصبحنا في عالم جاف خالي من المشاعر الحقيقية عالم اختفت منه الرومانسيه والصدق والوفاء ناقش نفسك كم مره وقعت في قصه حب وماذا تركت في نفسك من اثرها هل علمت معك هل تركتك مهموم ومحطم
الاجابه في الاغلبيه لا
الولد متفرقش معاه فلانه او علانة والبنت اهو اي شاب لطيف وخلاص
هل نحن في عصر الجفاف في كل شيء حتي المشاعريحب الولد الفتاه ويمنيها سنين بالعش الجميل وعند ما يكون قادر علي الزواج يذهب لوالدته تخطب له مجهوله لا يعلمها مع ان المجهوله بيفتكرها معرفتش غيره كانت بتحب واحد بردو وسابها لنفس السبب!!!!!! طيب مانت كان معاك الي ملكك والي مكنتش بتحب غيرك!!!!!بس تعمل ايه في عصر اختفي منه المشاعر الصادقه!!!!لنلقي نظره علي حب دام اكتر من سنه

احمد:دودو سوري انا مش هاقدر اكمل معاكى انامضطر اساف
ردودو::طيب استناك
احمد:لا يا بيبي ممكن مش ارجع
دودو:طيب وحبن
ااحمد:حب ايه بس يا بنتي هو انا لاقي اكل علشان احب واتجوز
دودو:يعني كنت بتهزر ومكنش حب!!!
احمد:لا طبعا كنت معجب ومازلت بس هاعمل اية
دودو:اوك ربنا يوفقك<<<<<<<
وكل واحد مشي في طريق>>>>>>>لا قلب اتحطم ولا عيون دمعت احمد هيحب تاني وتالت ودودو هتحب او تستني العريس
ونموذج تانى
تامر:نانسي انا مضطر اسيبك
نانسي :ليه يا تيت
وتامر:ماما جابتلي عروسه ولازم اتجوزها
نانسي:طب وانا
تامر:معلش يا نانو احنا بردو هنفضل صحاب
نانسي:انت شايف كده
تامر:سوري يابيبى
نانسي:عادي ولا يهمك اي دونت كير ههههههههههههههههههههههههه ههههههههههههههه
ولا عين بكت ولا قلب انجرح ونماذج كتيروانا متاكد انكم تعرفوا كتير عنها وممكن تكونوا ابطالها
يلا الله يرحم زمن عبد الحليم وروميو وجوليت وكل قصص الحب الرائعه واهلا بزمن الجفاف والفتور والعلاقات البارده الزائفه وقصص حب التيك اواي وحب اليوم الواحد وحب الشواطيء والنت وغيره!!!!!!!!

**Dody Doda** · 21-03-2009 07:53 PM

ايه يا عم الموضوع الحلو ده
كل ده كان فين بس
يا عم الامير
ههههههههههه

**● **TiTaNiC LoVeR** ●** · 22-03-2009 01:31 AM

كويس انه عجبك
وشكرا على مرورك يا دانا

**Muslim.Girl** · 22-03-2009 01:43 AM

جامده والله

**OFF_LINE** · 22-03-2009 01:52 AM

ايه يا عم شريف اليأس والاحباط ده كله

عندك حق والله بس احنا اللى هما اللى اختاروا الشيطان وليهم ودى نهايه طبيعيه لاى ذنب او معصيه لله ان القلب بيتجرح
لوعملنا زى ما ربنا امرنا ولا هنتعب ولا هنتجرح ولا اى حاجه من الكلام ده
الحب اللى فى طاعة الله ربنا بيبارك فيه

**..●●**آه...لو**●●..** · 22-03-2009 02:06 AM

تبت يداك يا ولد
اكيد لسه في حب طاهر وفي النور
وبينتهي نهايات سعيده والناس بتتجوز وكلو تمام
وبعدين مهو الناس بتستهبل يا شيري
تلاقي الواحد رايح يحبيلي واحده قدو ولا اصغر منو بسنه
مينفعش لازم يفكر في بكره لو حب صادق زي مبيقول عشان يقدر يتخرج ويخطبها وهي لسه بتدرس ويكون نفسو برضو
وتبقى الحياه
بمبي بمبي بمبي بمبي
ع راي الست ام كلثوم
سلام يا عثل