من هو المصرى؟

[| MonyanA ●]

- اللّى بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد.


- بيحط الريموت كنترول في كيس0 بلاستيك كعادة فرعونية.


- يقف يتكلم على الباب نص ساعة بعد إنتهاء الزيارة .


- لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد.


- ييجي بعد معاده بساعتين ويفتكر إن ده عادى.


- لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه.


- بيعتبر نفسه أفضل واحد في الشراء والفصال وبعد كده يكتشف إن الحاجة في المحل اللي جنبه أرخص من غير فصال.


- بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش .


- عنده صينية مكسرات متقسمة لتلات او أربع أقسام لزوم المزاج وعمره ماإستخدمها.


- ممكن يعدي التلاتين ولسه عايش مع أمه وأبوه وماعندهومش مشكلة.


- بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش.


- بيكون عنده شواية لزوم الرحلات أقصى استخدام لها كان مرة واحدة في العيد.


- بيشيل طابع البريد من على الظرف لو الختم ماكانش عليه.


- بيفتكر إن أي حد بيشتغل في الخليج بيغرف فلوس من غير حساب.


- بيكون مشغول بقيمة التيبس أو البقشيش طول العشا ياترى ربع جنيه ولا نص جنية.


- برده بيتخانق ساعة دفع الحساب بحرارة شديدة على إنه هو اللي لازم يدفع.


- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا .


- والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية.

الاهم بقى
انى لما قريت الرسالة دى اتضحلى ان كلنا بنعمل كده ههههههه

[Wezooo(•'.'•)]

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد
ههههههههههههههههههههههههه هههه
يابنتى كلنا مصريين
ودى يدل على الاصاله وارتبط بالمكان وبالملايه وب برطمان المربه
وبالفلسفه

[| Mannora ●]

هههههههههههههههه

جامد الموضوع يا منى....

وبصى ومن غير مجاملات 4\3 الشغب المصرى بيعمل كده وفى اى بلد وعلى رأى وسام ده يدل على ارتباط المكان والملايه والبرطمان والفلسفه الرهيبه بتاعت المصرين
ياماما احنا شعب نادر لايوجد مثيل له....ههههههههه
ومن هنا يجى التفرد....

[| please smile ●]

انا مقدرش اقولك انه مبيعملش كدة

بس وقت الجد صدقينى مبيبقاش فى حد زيه

احنا يمكن زى ما بتقولى عندنا بلادة وكلام من دة

بس المصريين خير اجناد الارض

[Haneen]

صح طبعا الك كل الحق متل ماحكي رسولنا الكريم صلي الله عليه وسلم

[Messi]

ملوك الجدعنه ودى حاجه فى دمهم b-)
ثانكيو

[..●●آه...لو●●..]

ههههههههههههههههههههههههه ه
بجد بجد
نحن نختلف عن الاخرين
عشان كده ااحنا الفراعنه كانو اجدادنا سابو الدونيا كلها وجم عندنا عشان يبقى اجدادنا
كل شيئ مدروس بعنايف فائقه

[| سندباد ●]

ولو ان ليا تعقيب على كلام تيفا

بس بجد المصريين زى العسل



وموضوع جميل منك يا دلوعة

[!..!]

فى أى مكان فى العالم هتلاقى لكل شعب عادات معينه ،

أغلبهم بيشترك فيها .. والبعض بيختلف " فى الشعب الواحد"

بس إحنا المصريين زى الـــــفل مفيش بعد كدا .

[● همسة ●]

انا مصرى وابويا مصرى
توبيك جميل وواقعى اوى
تسلمى