نكت غلسه مووووووووووووووت

**| **Alyaa** ●** · 29-01-2009 01:04 PM

قمة الهدوء........انك تسمع شريط فاضي وقمة الرخامة.......انك

تقلب الشريط وقمة التناحة....... انك تعيد حتة عجبتك

واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية
* مرة مدرس رياضة اتجوز مدرسة رياضة خلفوا ولد متساوى الساقين

* ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

* هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

* واحد أحول راح يجيب أبوه من المطار باس الشنطة وشال أبوه

* جماعه صعايده بيلعبوا على الطريق الصحراوى واللي تخبطه العربية مرتين يطلع برة اللعبة

* تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

* مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك
)

* سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك ياحيوان

* واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح و ....

* اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

* محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

* واحد واقف على الكوبري بيقول ,36,36,36,36 راح واحد سأله ايه حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37

* * واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور

* * واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر

* ,احد بيقول لصاحبه ... الحق الثعبان دخل غرفة حماتك ... قاله: سيبه يستاهل
* ثعبان نظره ضعيف يوم ما حب واحده..... طلعت خرطوم

* بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

* بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

* واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى
مرة واحد بيسأل صاحبه: تعرف الاستاذ دبوس؟
قال له : بدون شك

مرة سمكة غبية غرقت

مرة واحد غلس وقع ، قام قال لنفسه: احسن

**● **Moataz FoKak Meny Shoman** ●** · 29-01-2009 03:49 PM

ههههههههههههههههههه
والله فيها نكت جامدة مووووووووووووووووووووت
ثانكس علياء

**MONY_LOVE** · 29-01-2009 04:46 PM

* جماعه صعايده بيلعبوا على الطريق الصحراوى واللي تخبطه العربية مرتين يطلع برة اللعبة

* تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع

* محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق
ههههههههههههههههههههههههه ههههه
جامدين دووووووول موت
نكت زى الفل
تسلم الايادى
تحياتى
mony

**● **TiTaNiC LoVeR** ●** · 29-01-2009 05:27 PM

ههههههههههههه
نكت جامده
موز موز موز
مانجه مانجه مانجه
تفاح تفاح تفاح
كوكتيل كوكتيل كوكتيل
شكرا يا علياء

**| Tears Of The Moon ●** · 29-01-2009 05:34 PM

جمييييييييييلة اوى النكت دى

**| **Alyaa** ●** · 29-01-2009 07:07 PM

العفو يا جماعه
ومرسى يا جماعه على ردودكم
ونحو مزيد من الغتاته

**زوزة123** · 29-01-2009 08:35 PM

ههههههههههههههههههه
والله فيها نكت جامدة مووووووووووووووووووووت

**Spider GirL**(•'.'•) · 29-01-2009 11:02 PM

ههههههههههههه
كلهم غلسين اوى ياعلياء بس بيضحكوا يعنى

شكرا ياقمر

**mekano2010** · 29-01-2009 11:38 PM

begad nokat gamda wa merci

**7oDa_elray2** · 30-01-2009 01:21 AM

طب خدوا دى
ايه الفرق بين التلاجه والعمود ؟
التلاجة: سيت بيت
انما العمود: تربية شوارع
غيرها!!
ايه الفرق بين الحفره والاتوبيس ؟
الحفره: حاسب لتقع
الاتوبيس: حاسب يا اسطى
تسلمى يا عليا على مواضيعك الجنان دى
ليك مستقبله والله يا بنتى