ناقش العضو اللى بعدك بسؤال محيرك

**Messi** · 28-07-2007 09:02 PM

السلام عليكم ورحمة الله وبركاته

بصوا يا جماعه انا جايب موضوع عجبنى على منتدى

والموضوع هو انه يجي عضو

ويطرح سؤال قابل للنقاش

ويجي اللي بعده ويناقش

ويحط سؤال قابل للنقاش

وهكذا.....

سؤالي هو:

هل تؤمن بانك ممكن تكون صدقات حقيقيه من على النت؟؟

مش عارف يا جماعه الموضوع ممل ولا ايه بس ان شاء الله يعجبكوا.

نحو مزيد من الحريه

**حياتى من دونك عذاب** · 18-08-2007 09:06 PM

طبعا الحمد لله والدليل اهوة الترابط بينا فى المنتدى

**7oDa_elray2** · 19-08-2007 12:11 AM

مشكور جدا يا باشا

**● **همسة** ●** · 21-08-2007 12:52 PM

اولا الموضوع هايل يا messi فعلا
سؤالى بقى مدى حميمية الصداقات على النت ممكن توصل لاى مدى ؟

**Messi** · 21-08-2007 02:11 PM

شكرااااااااااااا يا روكى ويا استار على المرور
اما بالنسبه ليك يا همسه فالف شكر وبالنسب لسؤالك
فالصداقه على النت ممكن توصل لابعد الحدود زى الارتباط بس ده بيتهيالى بيكون فى حالات قليله اوى واكيد هيكون فى صداقات جامده
وبعدين الناس الى بتقعد على النت بشر عاديين زى اى حد احنا نعرفه فاكيد ممكن نكون صداقات جامده معاه
للى بعدى
انت شايف انك بتستفيد من الشغل فى المنتدايات ولو الاجابه ايوه ايه اللى استفدته؟
نحو مزيد من التواصل

**| **Alyaa** ●** · 22-08-2007 04:42 AM

موضوع حلو اوى يا messi
اكتر حاجه استفدت منها فى المنتدى هو تبادل المعلومات والتعارف بناس كويسين زى اللى فى المنتدى ده
سؤالى هو
ليه الواحد مش بيحب البنت اللى بتجرى وراه او تقوله بحبك؟؟؟؟

**● **همسة** ●** · 22-08-2007 04:47 AM

مع انى بنت لكن هقول وجهة نظرى لكن مش هكتب سؤال تانى وهسيب السؤال ده نفسه لولد يدخل يرد عليه
بالنسبه للسؤال
هى الحكايه نسيبه بصوره بحته
بتعتمد على عقلية الولد وتفكيره
وفى رجاله كتير جدا بيتكسفوا يقولوا كلمة بحبك وبيستنوها تتقال ليهم
وفى رجاله بتعتبرها جرأه زايده وانها بنت مش محترمه
بس انتى عارفه البنت دى المفروض انها ملكه تستنى اللى يجيلها مملكتها مش هى اللى تروح تدور بنفسها
لكن السبب بقى دى محتاجه لرأى راجل لانه لامس الموضوع اكتر
يلا بقى يا شباب المنتدى ادخلوا ردوا على سؤال عليا

**Messi** · 22-08-2007 01:55 PM

شكراااااااااااااااااااا يا همسه
شكراااااااااااااااااااا يا علياء على المرور
وبالنسبه لسؤالك
المفروض ان البنت تبقى هدف الراجل يسعى ليه وبالذات فى مجتمعنا وده اللى احنا اتعودنا عليه
اما لما الراجل يلاقى البنت بتجرى وراه فهيبدأ يتقل وعارف ان البنت ضعيفه بطيعتها
والواحد خد على انه لما يتقل على البنت هتجرى وراه زى متكون بقت نظريه خلاص .
انا مش عارف اقول اكتر من كده علشان السؤال مش سهل .
سؤالى للبعدى " ليه بقى البنت هى اللى بتحب تتقل على الولد لغايه متطفشه والمشكله هى بتكون بتحبه"؟!!
نحو مزيد من التواصل

**ERIKA** · 23-08-2007 07:51 PM

موضوع لذيذ موت ياجماعه بجد so sweeet
بالنسبه لسؤال ميسى احب اقولك انها بتكون حاجه من اتنين :إما اول مره تحب فخايفه لان اول مره تختبر الاحساس ده وده طبيعى طبعا
إما معقده وعندها عقده وبنصح اللى بيحبها يخدها براحه زى البيبى لغايه لما يخليها تتعود على الشعور ده ...ده رأيى
الى هايجى بعدى بقى السؤال ......ايه رأيك فى المنتدى واعضاؤه؟؟؟؟؟

**Messi** · 24-08-2007 03:41 AM

شكرااااااا يا ARIKA
اما راى فى المنتدى فالمنتدى والله بقى بيت الاول قبل حتى بيتى الحقيقى ودمه خفيف ومنتدى طيب وروش وابن حلال حاجه من الاخر يعينى
اما بالنسبه للاعضاء مع انهم عددهم لسه صغير بس شويه اعضاء من الاخر والله وبيتهيلئ انه المنتدى الوحيد اللى انا شوفته مش عليه اعضاء دمهم تقيل ده غيرى طبعا
سؤالى للى بعدى"انت ايه تقيمك للمنتدى من الاخر ايه رايك فيه كمضمون (مواضيع وردود وتقدمه)كده يعنى ؟"
نحو مزيد من التواصل