لماذا نخجل من كلمة أحبك ؟

[Esaf Maher]

[Messi]

بص يا حج انت هنا خلطت بين حاجتين الحاجه الاولى حب الواحد لواحده
والحب التانى حب الواحد لاهله اللى هى امه واخته وبنته وابنه ومراته
موضوع ان الواحد يقول لامه او اخته او قرايبه اللى هم مش محرم يعنى بحبك دى حاجه غريبه ليه بقى ؟لانه الطبيعى انه بيحبه ومش محتاجه كلام يعنى
يعنى مثلا انا مش هقول للحجه انى بحبك ليه ؟لانى من غير ما اقول دى حاجه اكيده مليون فى الميه فبالتالى مش محتاج انى اعبر عنها بكلمه

بالنسبه للان الواحد يقول لواحده محرمه عليه انه بيحبها فخوفه بيكون من رد الفعل وده اللى بيخليه يتوتر ويجيب الوان
واساسا المفروض انه ميقولش لها الكلمه دى عشان ده اللى المفروض اننا كناس مسلمه عربيه متعودناش على كده يتجوزها الاول او يخطبها وبعدين يبقى يقولها
وبعدين بيتهيالى ان فى افعال بتعبر عن الحب اكتر من مليون كلمه بحبك

ثانكيو يا باشا
اسف ع الاطاله

[بسمة]

عشان أحنا تربينا على كده ان الحب افعال مش كلام


وانا عن نفسي بحب اقولها لي اي حد بحبه لبابا واخواني وصحباتي
وبحب اسمعها منهم شكراااااااااااا

[Vet.Medo]

بصراحه انا رايى من رأى ميسى
وشكرا على الموضوع

[| Tears Of The Moon ●]

والله يا ايساف فعهلا انت اخلطت بين حب الأهل وحب الأصدقاء وحب الحبايب
فمثلا مش هتقابل والدتك وتقولها بحبك
او اختك وتقولها بحبك
او اخوك وتقوله بحبك
لأنها حاجة مش محتاجة كلام
نيجى لنقطة الحبايب
مش كل واحد او واحدة تقولها بحبك تخجلك
دى بتبقــى متوقفة على الشخص ذاته
إما بتبادله نفس الشعور
اما ما يبادلوش
لو يبادله اكيد هيعترف هو كمان
لو مش بتبادله فيها اكتر من احتمال
اما انه يعرف ازاى يقنعه انه حبه فى مش فى محله
او انه يستهزأ بيه
او يستغلها فرصــة
اسف على الاطالة

[I'm Alive]

أولا ب أحييك ايساف على فكرة التوبك لأنى كنت مستنى موضوع زى ده بالنسبه للخجل فده شىء طبيعى بس فى حاله واحده لو أنت هتقولها للأنسانه الى أنت بتحبها غير كدا معتقدش انها صعبه ان الواحد ينطق بيها لأهله او اصدقاءة ممكن لو لصديقاته تبقا صعبه شويه ايضا رغم ان الانسان لو كان بيحبهم زى اخواته وعاوز يوصلهم الكلمه دى بس دلواتى مبقاش فيه حاجه اسمها خجل شباب دلواتى بقا جرئ جدا ايساف مبقاش يهمه حواجز ولا حتى تربيه والله ينور يابرنس على الموضوع