لو كنت قليل الأدب..هتكسب قلوب من دهب

**| Tears Of The Moon ●** · 02-01-2009 06:31 PM

هكذا هم اغلب الناس دوماً .. يفسروا طيبتك وتعاملك برفق معهم على أنه ضعف..

هكذا يظن الكثير ... وعلى هذا المقياس يعاملك الناس .....!!

عندما تتنازل عن حق لك ... فقط لكي لاتؤذي مشاعر الشخص الآخر ...

أطلقوا عليك لقب الضعيف ....

وصرخوا في وجهك .ألا تستطيع أخذ حقك منه ... كم أنت جبان..!!!

لم هذه النظرة ؟

عندما تعطي شيئاً مما تملك لأحد ما ... ليس لشئ بل رغبة في عدم إحراجه ...

فسر ماعملت بأنه ضعف ..

عندما تصفح عن من أخطأ عليك ... فقط لكي لا تدب الكراهية بينكما ... قيل عنك الجبان ....!!

عندما يكشر البعض عن أنيابه باتجاهك ... وتقابلهم بالإبتسامة ... قيل عنك لايملك سواها...!!

عندما تتلطف ،، فـ بالأسلوب تستخدم العبارات الرقيقة تجاه الآخرين ....... قيل عنك مراوغ ..!!

إ
ذاً .. فإليك بالحل الوافي .. والدواء الشافي ..والجواب الكافي ..وإنتظر النتائج ...

فلتقل أدبك ...وتتهمج في أسلوبك ... وتسلب الآخرين حقوقهم إضافة إلى حقك ...

وتكشرعن انيابك في ظل الآخرين متبسمين ... ولاتعطي بل تمنع ... ولاتتهاون بل تصرخ ...

ولاتغفر الأخطاء بل أنعت من فعلها وعليك بالزجرفإنه لهم رهبه وخوف ... !!

وإستخدم أقبح العبارات في النقاشات .. وتلفظ بأوقح الألفاظ في الحوارات ...!!

عندئذ ... سيعمل الآخرين لك ألف حساب ... سيخافوا منك ... سينتظروا ردة فعلك ...

لن يحاولوا إيذائك ولو بكلمة ... يترقبون ماتريد .. ينفذون دون طلب ...

هكذا هو مجتمعنا... يأبى بأن نكون ذا أدب وإحترام ... !!

ويحرضنا على أن نكون من ذوي الكره والإنــتــقام ...!!

**LoLo_TmaTem** · 30-01-2009 12:44 AM

انا مش معاك في دة يااحمد بالعكس الحمد لله مجتمعنا في محترمين وبيحبوا الإحترام وبيتمنوا الطيبة كتير اوي بس سعات بيبقى ابتلاء من ربك انك تتحط قدام ناس مش منك او مايستهلوكش وتعاملك معاهم المفروض انه بيخليك اقوى لأنك بتلاقي نفسك بتقول يااااااااااااااه الحمد لله دة انا في نعمة وهما يعيني عليهم انا قلبي نضيف ومن رضا ربنا عني انه نجاني منهم وان شاء الله الاقي الي يستحق معاملتي هو دة الصح يااحمد مش انك تبقى منهم وزيهم لأن الخير مابيقبلوش شر ولو قابله يبقى لحكمة الإبتلاء مش اكتر والمطلوب مننا نقول الحمد لله احنا في نعمة وكان عندهم حق فعلا جدودك لما قالو ( يابخت من بات مظلوم ولا بتش ظالم )

**● **TiTaNiC LoVeR** ●** · 30-01-2009 03:46 PM

موضوعك حلو اوى
وفعلا الطيبه فى الزمن دة بتتعيب وكمان فى ناس بتقول دى موضه قديمه
لازم عشان نعجب بعض الناس لازم نكون معندناش ادب ونكون بنعرف نلف وندور وبنعرف نتلئم وننبقى خبثه
وكدة نبقى فى نظرهم نصحيين ومش بينضحك عليننا كدة بقى نعجب يا؟؟؟؟؟؟؟؟؟؟؟؟؟ على الدنيا
الطيب فيهها مينفعش بييعبوا عليه واللى بيحافظ على مشاعرهم يبقى عبيط
بس انا هقولك حاجه هو احنا لما نكون طيبين هما اللى هيدونى الثواب ؟لاء بجد المعامله الكويسة دى ارضاء لله مش للعباد
واكيد طيبت الواحد بتكون سند ليه فى كل شئ بتنجينا من شر النفوس لان ربنا رحمان رحيم عارف نيت عباده وبيجزانا على اعمالنا ولو فكرنا ثانيه نغير معاملتنا مش هنقدر لاننا ربنا ادينا نعمه كبيرة اسمها راحة البال وبعد عننا مرض اسمه شر النفوس
تفتكر لو بقينا واحشين هنكون راضين عنى انفسنا طبعا لاء احنا لازم نفتخر بطيبه قلوبنا
ونتعامل مع الناس بالمعامله اللى ربنا يرضى عنها
وشكرا يا ابو حميد على موضوعك

**● **Moataz FoKak Meny Shoman** ●** · 30-01-2009 04:51 PM

انا مش فاهم اى حاجة

**| لولا ●** · 30-01-2009 04:56 PM

بشكرك جدا يا احمد على موضوعك الجامد وبجد الطيبة اليومين دول بقت وحشة
لازم نكون نعرف نرد ونشتم ونبهدل عشان نعرف ناخد حقنا بس اللى فى طبع مش بيغيره مش كل الناس كده فى كده وفى كده وبشكرك جداااااااااااااا

**| Tears Of The Moon ●** · 31-01-2009 04:22 PM

شكرا يا جماعــة على المرور
زيا رب الموضوع يكون عجبكوا

**abdo_elking** · 31-01-2009 05:35 PM

بشكرك على موضوعك التحفا الرئع

**Messi** · 01-02-2009 12:21 AM

اولا انت بقيت راجل مشرف اد الدنيا يعنى اما تحب تنقل موضوع ياريت تختار الحاجه الكويسه واللى تفيد اللى يقراها
دلوئتى الموضوع بيقولنا من الاخر خليكوا مش محترمين او قليلى الادب
قال ليه بقى اصل الناس بقت تحترم قليل الادب؟!!!!!!!!!!!!
يا حلاوه يا ولاه
طب ايه رايك لو شتمتك دلوئتى وقولتلك انا واد معايا مطواه وممكن اعورك هتخاف منى وهتحترمنى؟...............
اكيد هتقول لاء يعنى ده لو انت طبيعى
طيب ازاى انت بقى بتقول على الناس الهمجيه وقليله الادب واللى صوتها عالى انها ناس محترمه فى زماننا ده؟
بص يا بوحميد المحترم بيجبر اللى قدامه انه يحترمه ودى حاجه مفيهاش كلام
احنا مش هنخترع فى الدنيا وللا هنالف ليها قوانين

انا برضو مش عارف الناس اللى داخله موفقاك على موضوعك ده هم يعنى هيفرحوا لما يبقوا قليلات الادب؟
وللا بيردو سد خانه وخلاص؟

يعنى ياريت نفكر قبل ما نتكلم
عشان كلام كل واحد بيعبرعنه

**Jasper** · 01-02-2009 10:09 PM

شكرا يا احمد على الموضوع بس اغلبيه الحاجات دى مبتحصلش فى مجتمعنا الا قليل علشان احنا مسلمين وبنراعى النقطه دى انما الحاجات دى يتحصل اكتر فى المجتمع الغربى

**| Tears Of The Moon ●** · 02-02-2009 07:39 PM

ميسى

شكرا مرورك
كلامك صح
بس الكلام ده لو انت عاوز تفهمه من اى ناحية يبقــى هتفهمه من اى ناحية
اوكى؟
تسلم ايدك
احب اقول لحضرتك ان الموضوع معمول من قبل ما ابقــى مشرف
انت مش سوبر وعارف المواضيع بتتعمل امتى ولا ايه؟
وما اتعقدش ان الاشراف ليه دعوة بالموضوع
كل هدفى فى الموضوع بورى الناس اللى زيى اللى زيك الدنيا وصلت لانحطاااااااااااااااااااا اااااااااط اد ايه
تشكر يا كبير

جاسر

فكك

شكرا للمرور
ويا رب اللى فى دماغى انا يكون وصل للكل
بيس يا ناس