الشعر الحلمنتيشي

[Messi]

طبعا الكل مستغرب من العنوان

الشعر الحلمنتيشي هو شعر بيجمع بين الفصحي والعاميه وبيخاطب عامة الناس

من قصائد سيد حجاب

لواااا قلبى وقولوا لى الجوابا...لماذا حالنا أضحى هبابا؟!
لقد زاد الفساد وساد فينا...فلم ينفع بوليسٌ أو نيابة
وشاع الجهل حتى ان بعضاً...من العلماء لم يفتح كتابا
وكنا خير خلق الله صرنا...فى ديل القايمة وف غاية الخيابة
قفلنا الباب..أحبطنا الشبابا...فأدمن أو تطرف أو تغابى
-----
أرى أحلامنا طارت سرابا...أرى جناتنا أضحت خرابا
وصرنا نعبد الدولار حتى...نقول له(إنت ماما وانت بابا)
وملياراتنا هربت سويسرا...ونشحت م الخواجات الديابة
ونُهدى مصر حباً..بالأغانى...فتملؤنا أغانينا اغترابا
وسيما الهلس ِ تشبعنا عذابا...وتشبعنا جرائدنا اكتئابا
-----
زمان يطحن الناس الغلابة...ويحيا اللص محترماً مهابا
فكن لصاً اذن أو عش حمارا...وكل مشّاً اذن أو كل كبابا
ودس ع الناس أو تنداس حتى...تصير لنعل جزمتهم ترابا
أمير الشعر عفواً واعتذارا...لشعركَ فيه أجريت انقلابا
وما نيل المطالبِ بالطيابة...دى مش دنيا ياشوقى بيه... دى غابة!!!

-------------------------------------------------------------------------------------------




يا مصرى ليه دنياك لخابيط...والغلب محيط
والعنكبوت عشش عل الحيط...وسرح عل الغيط
يا مصرى قوم هش الوطاويط...كفاياك تبليط
صعبه الحياه والحل بسيط...حبة تخطيط

فتحت باب إستيرادك
وصرفت فوق ضعف إيرادك
حلىٍِِ للخواجه إستكرادك
سابك بتقرا فى أورادك
وده أشطك ونزل تشفيط

ومهولاتى تحب تزيط
ساعة الفرح زغاريط تنطيط
وفى المياتم هات يا صويت
وفى المظاهرات سخن تشيط
وفى الانتخاب تنسى التصويت

وليه بترشى وتتساهل
وتبيع حقوقك بالساهل
تستاهل النار تستاهل
ياغويط ويحسبك الجاهل
ساهل وساهى وغبى وعبيط

يا مصرى يا اللى الغلا عصرك
والنهب فى عصرك حاصدك
قوم للحياه وأسبق عصرك
ولا حاجه هاترجع مصرك
إلا أن تكون شغال ونشيط

-------------------------------------------------------------------------------------------


أصل الجراد أشكال وألوان

يا معلقين ع المراجيح والحبل مستورد فاخرليلتنا فاتت زي الريح...ما هي كل حاجة وليها آخربس الحقيقة المذهلة ان الجميع في السلسلةوفوق الرقاب يا معلمين...أحبال قطيفة مدلدلة



أصل الخواجة ابن ماريكا لما بيدخل حواريكا
يا إما ياخدك في بطاطه يا إما يا ابني هيأذيكا
حاكم الخواجة ابن ماريكا هو اللي بدع الشيكابيكا



افتح عيونك فنجل
لكل من جه يتحنجل
أصل الجراد أشكال وألوان
حاطط على الأخضر بيحش
وبألف ماركة وألف دراع
وكل يوم بيبدل وش


يا ابن العرب ياللا يا ويكا اعرف بقى مين أعاديكا
ده أنت إذا كفوفك ضمّت ما حد يقدر يساويكا


افتح عيونك فنجل
لكل من جه يتحنجل
أصل الجراد أشكال وألوان
حاطط على الأخضر بيحش
وبألف ماركة وألف دراع
وكل يوم بيبدل وش

-------------------------------------------------------------------------------------------


هنا القاهرة الساحرة الآسِرة الهادرة الساهرة الساترة


هنا القاهرة الزاهرة العاطرة الشاعرة النيّرة الخيّرة الطاهرة


هنا القاهرة الساخرة القادرة الصابرة المنذرة الثائرة الظافرة



صدى الهمس في الزحمة و الشوشرة


أسى الوحدة في اللمة و النتورة


هنا الحب و الكدب و المنظرة


نشا الغش في الوش و الإفترا


هنا القرش و الرش و القش و السمسرة


هنا الحب و الحق و الرحمة و المغفرة



و انا ف قلب دوامتك الدايرة بينا


بصرّخ بحبّك يا أجمل مدينة


يا ضحكة حزينة .. يا طايشة و رزينة


بحبّك و اعفّر جبيني في ترابك


و اعيش في رحابِك و أقف جنب بابك


جنايني أروي بالدم وردة شبابك


يا زينة جنينة حياتنا اللعينة


بحبّك يا بنت اللذين


بحبّك:X

-------------------------------------------------------------------------------------------

و دى حاجه كده بقى إيه عربى و إنجليزى


أيا ذا القلب لا تحزن فذاك الحبInfection




فلن تجدي عقاقيرا ولن يشفيك Injection




فكم من عاقل فطن مضى بالحب Direction




ستنكره وتنساه ولن يبقى له Mention




فلا تكتب له شعراً ولا تكتب له Section




ولا يحزنك من باعك فقد أخطأت Selection




ولا تبدي له أسفاً ولا تبدي له action




فإن الحب منزلةٌ لبعض الناس exception




وبعض الناس إن هجروا فلا حزنٌ ولا tension




وبعض الناس إن هجروا يظل ويبقى* **connection*




فوصل الروح له مفعول وما أحلاه *reaction*




*بدعوة في جوف ليل لها تأثير و** affection*


*فان لم يبق لي شيء فلا حب و لا **affection



فلا أسف على دنيا لك اليوم وغدا عليك *conversion

----------------------------------------------------------------------


ابيات متفرقه

يامن أهواك ولاتدري
وأسير وراءك ع الكوبري
داهواك يضعضع في صدري
ويشيل القلب ويهبده
-------------------------------------
شم الهيروين خلاني مسكين
مناخيري بترف وقلبي حزين


يـلا كفايه كده

[Wezooo(•'.'•)]

ههههههههههههههههههه
الله يخرب عقلك
موضوع مش حلوا خااااااااااااااااااااااال ص ايه ده دمك تقيل ياواد

[| Tears Of The Moon ●]

الــلــه علــك
بتفكرنى بالحلزونة يا ما الحلوزونة

[Messi]

وانت مالك بدمى؟
هنتصاحب يعنى وللا ايه؟
وبعدين انا مطلبتش منك انك تدخل وتقولى رايك فى الموضوع
اخرج فانت غير مأسوف عليك

[● TiTaNiC LoVeR ●]

يخرب عقلك يا ابو حميد
هههههههههههههه
انت ببتقول كلام زى الفل

[● Moataz FoKak Meny Shoman ●]

تسلم يا حمد
سيبك من الواد وسام ده مايفهمش حاجة

[fokak]

لا بجد جامد يا ميسي
تسلم يا جميل

[● Snow White ●]

إيه الكلام الأهبل ده

[Messi]

[بسمة]

سيب الشعر لي اصحاب الشعر ياكابتن وخليك في الكوره
قال حلمنشي ( مع احترامي الشديد للكتاب )