هم دول اللى سيادتك بتعاكسهم .. طب على ايه ؟

[Esaf Maher]

سالخير ع الشباب اللذيذ

ها اخباركو ايه كله تمام ؟
انا جاى النهارده عشان ندردش شويه عن البنات
عارف انكوا بتموتوا وتتكلموا عن البنات

انا ياسيدى هوريك حقيقه البنات القمامير اللى بيغسلوا سنانهم و رجليهم بليل قبل ما يناموا

يلا جميل منك له له

معظم بنات مصر
انا بقول معظم(مش كلهم) علشان ربنا يسترها معانا منهم
اما تيجي الاجازه تلاقيهم

ماسكين التليفون وهات ي

ا رغي

ود ود ود ود ود
ويك ويك ويك ويك

وخد بقى يامعلم
شفتي الواد حمص كان لابس ايه النهارده
التيشرت كان جميل بس الشوز كان مقطوع

بيقولوا البت الح ما ره اتقدملها عريس كويس
اه فعلا ..بس رفسته ؟؟

شفتي فستان اليسا الجديد

هو صحيح البت زعبله اتخطبت
لا.. اصل عريسها مكنش شبه تامر حسني

اما شفت حته واد النهارده
زي القمر وقعد يبصلي كتيــر
(دا على اساس انه عبرها انسى )

وبعد اما تقفل التليفون مع صحبتها او بعد ما تسبها
تقول البت دي كدابه كدب ؟ (شوفت الكهن)
دي اكيد بتفشر عليا في اللي قالتله
وهيا في وشها ازيك يا قمر .. ازيك يا روحي .. .ازيك يا حبيبتي
ويا دوبك تديها ضهرها
البت دي انا مبقبلهاش بس هيا اللي مصممه تكلمني

ال ايه ويقولك علاقه البنات ببعض اقوي من علاقه الشباب مع بعض هع هع (هموت واعرف مين اللى طلع الاشاعه دى)

والواحده من دول اما تتعارك مع صحبتها
يالهووووووووووووووووووووو وي

تلاقي الملايه اتفرشت واللسان الجميل تحول اللي مجارى ضاربه

وعلي راي حبيبى عادل امام
فجاه لقيت النسر طار يا خال
والنور اللي في وشه انطفي
وقالي ملكـش فلـوش عنـدي

تخلص مع اصحابها تخش علي الام الغلبانه
ومفيش غير كلمه(لا) علي لسانها و(اشمعني انا)
متخلي فوزيه اختي هيا اللي تعمل
وياليله سودا لو اخوها قالها اعمليلي حاجه كدا يبقى لعب فى عداد عمره

واما تكون عايزه حاجه منه
اخويا حبيبي (اه يا كهينه)
فاكر لما قلتلي اعملك شاي من سنتين وعملتهولك
ويا سلام لو ماسكه عليه حاجه
اول ما يزعقلها تقوله مش فاكر لما خلتني
روحت كلمتلك البت اياها (اهلا هى بقت كدا )

هتنفذ الامر ولا اقول لبابا ولماما اخليهم يطينوا عيشتك
ونظرا للضغط الرهيب من الاخت بيرضخ(يا نهار اسمر ع الكلام هى وصلت ليرضخ)الاخ البري.. الوديع..الحالم.. المطيع..الركيك. .لطلبات الاخت المفتريه
خلاص خلصت علي ماما واخوها واصحابها (ليكى يوم يا ظالمه)

تخش علي بابا عشان تنكد عليه
عايزهاجيب شنطه جديده
عايزه اغير الموبايل
عايزه واحد كشري بالكبده
المهم انها تقرفه وتقوله هات فلوس بأي طريقه
ويقولك البنات حنينين علي اباهتهم (طب ازاى ؟)

و طول اليوم بقى من المطبخ للنت للسرير ل melody لـ ستار اكاديمى
واما تلاقي نفسها اتخنقت من اللي عملته
تخش علي المطبخ وهات يا .....؟
كأنها مكلتش من ميت سنه وشويه
وهيا تلاقيها قدامك في الجامعه
منتهي الركه والطيبه (بس على مين)
وتقولها متاكلي تقولك انا ساندويتش واحد يشبعني
بالزمه فى كدا ركه (ركيكه ع الاخر)
مش مهم تاكل ايه
وتقولك انا بطلع زهقى في الاكل

حتي تلاقي الواحده من دول في سنك
تشوفها قدك 9 مرات..
ههههه
بس يا سيدى هى دا بقى الى انت هتموت وتكلمها
انا بقول معظم(مش كلهم) علشان ربنا يسترها معانا منهم

[Spider GirL(•'.'•)]

الاخ البري.. الوديع..الحالم.. المطيع..الركيك. .لطلبات الاخت المفتريه

مين الناس دى مين البرئ الهادى الوديع دة دة الولاد انت بتكذب ع فكرة يا إيساف
احنا رمز الرقة والهدوء ولا نعرف يعنى حتى افترى لية تظلمنا ؟؟؟؟؟!!!!!!!!!!!!

جرحتنى يا إيساف
هههههههههه

[Esaf Maher]

انا بئول معظم(مش كلهم) علشان ربنا يسترها معانا منهم
بس شكلك كدة رقيقه وطيبه يعيني وعندك اكيس سودة فى البيت ربنا يستر
علينا هههههههههه

[● Snow White ●]

الله يسامحك

[Esaf Maher]

ايه الرقه دى :"> ربنا يسامحنى ليه بس انا بئول معظم مش كلهم
بس انت بتئولى كدة وشكلك عايزة تفترسينى
هههههههه

[Wezooo(•'.'•)]

انا بقول معظم(مش كلهم) علشان ربنا يسترها معانا
يابنى كلهم انت هتخاف ليه دى حقيقه
وشكرااااااا ليك ياعم ايساف على التوبيك الجميل ده

[Esaf Maher]

لا ويزو فى بنت جميله جداً ورقيقه جدأ بس قله جدأ فى العصر دة ويبخت من يقبلهم
وكمان حترس ويزو منهم دول مشكله من مشاكل الزمن مش كل البنت فيه وفيه

[M@GO]

hhhhhhhhhhhh

gamda ya esaf

[Esaf Maher]

انت فرحان مأجو هاااااا شكلهم هيضحو بينا فى العيد يا ماج
و انت متعرفش الناس دة مفترين ههههههههه

[● TiTaNiC LoVeR ●]

يا عم اسئل استشير
زى ما قال عمو وسام
البنات كلهم
واوعى تخاف
اوعى تصدق رقتهم
من جوه هباهبا ومن بره يعلم الله
بهدى النفوس
شكرا يا ايساف