عارف ايه اكتر حاجه بتفرح الشاب المصرى .. !!!!

[Wezooo(•'.'•)]

عارف ايه اكتر حاجه بتفرح الشاب المصرى .. !!!!


لما ابوه يقوله على اي حاجه برافو عليك ايوه كده..

-لما ابوه يفتخر بيه قدام اي حد " عارفين الزباله اللي كانت قدام باب ---البيت تحت؟؟؟ ابني اللي لمّها" !!!!

-لما يكون بيكلم بنت على النت وتقوله انت ظريف اوي

-لما يعرف ان النهارده جاي فيلم جديد على روتانا مشافوش قبل كده

-لما يعرف انه كسب حتي علبه سجاير في اي سحب

-لما يجيب قميص جديد وينزل بيه اول يوم ويحس ان الناس كلها بتتفرج -عليه ..

-لما يدخل امتحان الكليه يلاقيه جاي من الصفحتين اللي ذاكرهم امبارح

-لما يكون قاعد على شات ياهو ويلاقي بنت باعتالو ممكن نتعرف

-لما يحب يروح اي مكان ويلاقي الاتوبيس جه بسرعه !!! ودي مستحيله حبتين ..

-لما يلاقي الاتوبيس ده فاضي ..!!!!!!!!!!!! ودي اكتر استحاله من اللي قبلها ..

-لما يكون متاخر مع اصحابه على القهوه ومش عارف هيروح ازاي ويلاقي فجاه ميكروباص بينادي جيزه اول الهرم

-لما يكسب ماتش على البلاي ستيشن او فيفا 2007

يوم عيد ميلاده لما يلاقي اقرب بنت ليه بتقوله الساعه 12.01 "كل سنه وانت طيب"؟

-لما واحده تقوله على فكره انت صوتك حلو اوي

-لما يدي معاد لبنت ويروح يلاقيها وصلت قبله .. ودي بنفس استحاله مجي الاتوبيس فاضي..

-لما يجيله مسج على موبايله ويلاقيه حاجه غير (كلمني .. شكرا ..بالاضافه لمعلومه مهمه جدا كان هيلوص لو مكانتش جت في المسج على غرار اربط الحزام تنجو من الحوادث.. او دلوقتي كروت الشحن بقت بنفس السعر المكتوب عليها !!!!)

-لما الاهلي يكسب ..

-لما الزمالك يخسر ..

-لما يكسب اول فلوس من شغل ..

-لما حد يقرا حاجه هو كاتبها ويقوله عليها انها حلوه اوي ..

-لما يقول نكته لصحابه ويضحكو من قلبهم ..

-لما يحب اول مره ..

-لما يحرج بنت في الشارع ادام الناس بعد ما هزاته..

-لما يقنع باباه بحاجه عمره ما كان هيوافق عليها .. انه ينزل بالقميص على اللحم مثلا ..

-لما يروح يشتري حاجه ويفاصل فيها وياخدها بالتمن اللي هو عايزه مع انه عارف ان البياع كده كده كسبان...!!!

-لما فلوسه كلها تخلص ويكون مش عارف يجيب فلوس منين وفجاه يلبس الجاكيت اللي كان متشال من فتره يلاقي فيه عشرين جنيه !!!

-لما ينزل الحسين والازهر ويشوف البلد بالليل وهي في العصر الفاطمي ويلاقي الانتكخانه والاجزخانه وباب زويله وباب النصر وباب الخلق بشكلهم القاهري اللي بجد .. ولما يسافر اسكندريه يستجم بعد الامتحانات ولما ينجح في الامتحانات ولما امه تدعيله ولما ياكل اكله

حلوه من عند بحه او ابو طارق او لما يكون عطشان ويلاقي كولدير ساقع اوي او لما يجيله مسج من حبيبته او لما يكسب واحد صاحبه في ماتش شطرنج طويل او لما يكون مخنوق ويلاقي صاحبه بيكلمه بيقوله ماتيجي ننزل ولما يقف على كوبري قصر النيل ويتفرج على

لمعان صفحه المايه بسبب القمر او انوار شبابيك النيل هيلتون ...

-الشاب المصري بيكون مبسوط لما يحس ان ربنا كارمه ...
-
الشاب المصري بينبسط من اقل حاجه

[Spider GirL(•'.'•)]

والله من حقه يفرح انا لو مكانه من فرحتى هنسى الصفحتين اللى انا مزاكراهم
دة ع اساس ان كل شباب مصر اهلاوية بيفرحوا بهزيمة الزمالك لسة فى شويا شباب زمالكوية يعنى

ومن غير شكرا

[Messi]

ايه يعنى ؟انا مش فاهم حاجه من الموضوع
ماشى ايه الجديد يعنى فى موضوعك يا كابتن؟




موضوعك ممتاز الله يباركلك يا شيخ

[Vet.Medo]

شكرا يا ويزو على الموضوع
وانا مع امانى فى الرد اللى قالته

[..●●آه...لو●●..]

مش قلتلكو سباب بيفكر له مستقبل لا احنا قاعده ولا تنظيم
تسلم يا ويزو والشباب المصري ده احلى شباب وخيره الارض لها ويا بختها اللي تجوز مصري
ويا تعاستو اللي حماتو ومراتو مصريه مالهم اللبنانيين هاه مالهم

[Wezooo(•'.'•)]

ههههههههههههههههههههههههه ههههههههههه
ههههههههههههههههههه
شكراااااااااااااااا ليكى يااماانى وبعدين فيه ايه يعنى
ما كل الشباب اهلاويه

[Wezooo(•'.'•)]

ههههههههههههههههههه
الله يخرب عقلك يا ميسى انا عارف انه هيعجبك
لما تقرا للاخر

[Wezooo(•'.'•)]

هههههههههههههه
وشكراااااااااااااااا ليك يا عم ميدو بس يعنى اماانى مش قالت حاجه
علشان تبقى معاها على عموم
نورت انت واماااااااانى الموضوع

[Wezooo(•'.'•)]

هههههههههههههههههههه
شكراااااااااااا ليك يا تيفه
ومش هقول اكتر من اللى قالته نانسى
انا مصرى وبويا مصرى

[Karmouty]

اية ياعم مفيش لما المنتخب يكسب

ولا اية هى مش مصر هى ماما بردة

ههههههههههههههه

كدة عيب خالص

تسلم ايدك يا جميل