الموضوع ده عن الحب يا جدعان :)

[Messi]

انا م الاخر كده هتكلم عن الحب
اه يا عم مانا شاب برضو وليا مشاعرى واحسايسى:">


بصصوا بقى بما ان الناس شيفنى غريب فى الموضوع ده بالذات فاحنا هنتكلم فيه وياتقنعونى يا اقنعكم ايون عشان ايه بقى كده يعنى


كلنا طبعا بنحب دى مفيهاش كلام بس فى واحد بيحب واحده الجو يعنى
وواحد بيحب صحابه وواحد بيحب اخواته و واحد بيحب امه وواحد بيحب القطه بتاعته وواحد بيحب الاكل وهكذا كذا


انا بقى عاوز اتكلم عن حب المراهقه اللى هو بتاعنا ده بتاع وقتنا او يعنى بتاع المرحله بتاعتنا مرحله المراهقه اللى هى من 16 لحد 21 اشطه كده؟

طيب اولا عشان الموضوع فيه كلام كتير انا هختصر وهنتكلم فى المختصر المفيد
فى حد عنده اختلاف فى ان الحب بتاعنا ده اللى هو حب الواحد لصاحبته فى الجامعه ومقابلته لها وكلامه معاها وخروجه معاها من ورا الاهل ومن غير ماتكون حلال له حرام وربنا مش راضى عنه؟
حد عنده اعتراض ع الكلام ده؟....طيب لو محدش عنده اعتراض يبقى تمام لو حد عنده اعتراض يبقى يقول وجهه نظره


طيب نخش بقى على اللى بعد كده
انت دلوئتى عايش قصه حب؟
لو لاء يبقى تمام اركن انت على جمب
لو اه يبقى تعالاا انت بقى يا عم الحج انت البت اللى ماشى معاها دلوئتى هتتجوزها؟متقوليش اه
اقولك انا ليه بقى متقولش اه عشان انت اكيد مشيت مع واحده قبلها وقولت هتتجوزها وبعدين يومين وزهقت وهى زهقت وكل حى راح لحاله ومتقوليش دى بقى حاله استثنائيه متحللش كل حاجه لنفسك

نبص بقى من جمب تانى دلوئتى ترضى لاختك انها تمشى مع واحد؟
كل اللى هيقرا السؤال ده هيقول اه وماله مدام واد محترم وانا اعرفه

طيب اشطه ماشى يا عم معاك انا طب هو انت يعنى مش واد محترم ؟هتقول اه محترم طيب متروح بقى زى الراجل كده واقول لاخوها انك بتحب اخته وشوفه هيقولك ايه؟

سؤال كده ع الماشى
بامانه يعنى انت لو كنت مظبط المسائل كده وماشى مع الجو او المدام مستقبلا هه واخد بالك انت ورايح تعزمها على كشرى فى التحرير وقمت مقابل اخوها او ابوها شفته من بعيد كده وهو مش واخد باله وهى صوتت انت اول حاجه هتعملها ايه؟اكيد هتسيب ايدها وتقولها امشى بعيد دلوئتى عنى وتعمل نفسك وللا اكنك تعرفها .
هتحس انك بتسرق صح؟اكيد والله هيبقى شكلك وحش قدام نفسك الاول قبل اى حاجه طب ليه يعنى؟

انا مبقولش متحبوش وللا كده لاا يا عم انت وهو انا بقول حب اللى انت عارف انك ممكن تتجوزها او اللى تقدر تروح تقول لابوها انا عاوز بنتك يا عمو لما تبقى واحد تقدر تفتح بيت يعنى

عيب يعنى وحرام تقعد تحب فى بنات الناس وتخلى بنات الناس تحب فيك وفى الاخر تقلبوا بعض لاا الدين وللا العادات بتقولنا كده

واحد كان بيكلمنى فى الحب بتاع المراهقه ده قالى كلمه حلوه اوى وكلامه عجبنى والله
اه ادخر (ادخر يعنى حوش يعنى) الحب بتاعك للست اللى هتتجوزها بلاش تخلص الحب بتاعك على كل واحده شويه لحد لما تيجى تتجوز متلاقيش فاضل فى قلبك حب لمراتك

وبرضو قالى حاجه كمان قالى انك لما تكلم دى ودى ودى وبتحب دى وبتحب دى هتلاقى نفسك واخد انك تتكلم كذا نوعيه من البنات عشان كل واحده من اللى بتكلمه غير التانيه ده هيخليك لما تتجوز عاوز تحب حد غير مراتك عشان انت مش متعود انك تحب عقليه واحده ودى طبعا كارثه انك تحب على مراتك

دلوئتى بقى انا جايب لكم شويه كلام من شويه مواضيع عن حب المراهقه يعنى من ع النت

حد عنده اعتراض ع الكلمه دى؟

وعلى راى السيد عمرو واهو بكره نقول كانت ذكرى وعيشنلنا يومين

انا يا جماعه مش هتكلم فى اى جانب دينى عشان انا مقدرش افتى فيه اوى
فياريت اللى عنده تاكيد لكلامى فى القران او السنه يقوله او اللى عنده معارضه لكلامى برضو يقوله


ياريت يعنى رجاءا تتكلموا كلكم بيتهيالى محدش مبيفكرش فى الكلام ده او بيتعرض ليه
كل واحد يقول اللى فى نفسه

[● Snow White ●]

كلام جميل و موزون

بص يا عم أحمد أنا معاك فى كل كلمه والله و الحمد لله مقتنعه بالكلام ده من
بس عندى تعليق صغنون
أولا مينفعش نقول على إللى بيمشى مع واحده وأول ما يشوف أبوها أو اخوها يجرى أنو حب لأن الحب أنك ديما تشوف إللى بتحبه كبير فى نظرك مش عيل و من أول أفه يقر و يعترف
* طب إزاى تقولى انا بحب فلان و هوا بيساعدك على أنك تاخدى سيأت
*طيب إزاى يبقى ده راجلك كده و تتسندى عليه و هوا جبان
*طيب مش الحب أنك تحترم حبيبك هتحترمه إزاى و هوا مش محترمك أصلا وشايفك سهله
*طيب أزاى هوا هيثق فيكى وأنتى كدبتى على أهلك يبقى طبيعى لو بقيتى مراته من السهل أنك تكدبى عليه ؟
*طب يا عم الحج إللى بتكدب على أهلها و تحور دى ينفع تربى أولادك ؟؟؟
*هما الناس دول مبيحسوش أنهم غلطانين فى حق أهلهم ؟ يعنى مبتحسيش أنك مستغفله باباكى ولا ضحكه على مامتك و هما أكتر ناس عملينلك عزه و كرامه

حاجه كمان
دا رأى و الله أعلم بيه
الحب مش حرام لكن طريقة أستخدام كلمة بحبك هيا إللى حرام يعنى أنا معجب بفلانه وانا عندى مثلا 19 سنه وشايف أنها أكتر واحده تنفع أم لأولادى لو ممكن تعرف أهلها و أهلك يبقى خير و بركه مع أنو صعب معرفتش يبقى تحافظ عليها مش تخلى سريتها على كل لسان دى ماشيه مع فلان دى خارجه مع علان أسأل عليها بأكتر طريقه تبقى حلال و مفيهاش خوف من أهلها و تريح ضميرك و فى الأخر كل شىء أسمه و نصيب

شكرا يا أحمد بجد موضوع مهم و ياريت مكنش بخرف:">

[Messi]

كلامك زى الفل وتمام
بس تعالى بقى فى الحته اللى هى دى

انا مقولتش انه حب انا قولت بيمشى معاها تفاريحى كده يعنى

تعالى بقى على الحته دى

حوار ان الواحد ميحبش سيره البت بتاعته ده مستحيل لازم مع صحابه هيتكلم عنها وشويه وهتلاقى واحد من صحابه هيقوله ايه اخبار الموزه بتاعتك هو هيقوله يا عم دى قرفانى وم الاخر لازم هيخبط فى الكلام والناس هتتكلم عليها فحوار ان حد ميجيبش سيرتها ده مستحيل

[● Snow White ●]

مش ده قصدى يا عم الحج انا قصدى ميمشيش ولا يكون فى حاجه تربطهم يعنى و الحوارات دى عشان محدش يجيب سريتها

[Messi]

هائوئو وده بقى هيبقى حب ازاى؟
الحب ده مش موجود حضرتك لسه منزلش فى الاسواق

[..●●آه...لو●●..]

يا حبيبي تعالى الحقني شوف اللي جرالي من حبك
انا في السليم يا معلم
ووالله انا واد محترم وفشكلت الحوار بتاعي عشان كل الكلام اللي انته قلتوا كلمه كلمه
ودلوقتي بحب واحده بس بقالي سنه ونص بدور عليها
ولو سمحتم يا جماعه اللي يلاقيها منكم بقولوا
حد يقولها بسال عليها ازيها وعامله ايه ويبقى يسلملي عليها
و ياااااااااااااااااااه يا عم احمد
ده انا هقطع مراتي حب
بس جوزني انت بس
وانا اقعد احبلك فيها 50 سنه

[LovelyGirl55]

موضوع حلو جدا وكبير جدا يا احمد باشا
اولا حب الواد لزميلته فى الكلية او العكس دى كله هبل
او حرام وعلى ما اظن انتوا بتشوفوا
يعنى هو الحب مينفعش الا بمسك الايد والجلوس والركبة فى الركبة
وغير كده حاجات تانيه كتير
دى ما اسموش حب دى اسمه قله ادب
وكلنا فى الجامعه بنشوف مناظر افظع من دى
وبعد فترة تلاقى الاتنين اللى كانوا عاملين زى القلم والغطا بتاعه
كل واحد فيهم ماشى مع مز جديد
سورى فى اللفظ بس الموضوع مستفز لدرجه كبيرة
ونبقى قاعدين ولازق جمبك اتنين من دول وانت نازل عليهم تريقه ويبصولك وكانهم مبيعملوش حاجه غلط
بالذمه ده اسمه كلام

طولت عليكوا بس غصب عنى

شكرا يا احمد مرة تانيه ع الموضوع

[lostangel]

علي فكره انتي عندك حق
بس المشكله مش ف الحب ذاته
المشكله في ان احنا فاهمين الحب غلط
سلامي للجميع دي أول مشاركاتي

[Messi]

هه؟مين؟

[| سندباد ●]

حب مين اللى انت جاى تقول عليه !!

اشرب يا صاحبى وانسى الدونيا


هههههه

لا يا خويا انا لسه صغير ع الحاجات دى


وانت عارف اكيد يا أحمد رأيى فى الكلام ده



أشكرك لجرأتك فى عرضك للموضوع


***********