خش يابنى منك ليها هنا خلينا نشوف المشكله دى

[Messi]

سلامو عليكم

ازيكم وعاملين ايه وكل شويه ايام وانتوا طيبين

انا النهارده وعلى غير العاده يعنى عاوز اتكلم فى حاجه.حد عنده اعتراض؟


طويب ع البركه
بصصوا يا رجاله ويا بنات اه قبل لما تبصصوا
نسيت اقول ان الموضوع ده مش مكانه القسم العام هو مكانه الصح القسم الدينى او ينفع اننا نحطه فى الكافتريا بس بما اننا ما شاء الله مبنروحش كتير هناك فانا قولت احطه هنا عشان الناس تاخد بالها من الحكايه دى

الموضوع هيكون عن السلام اه السلام السلام السلام

مش السلام بتاع التلفزيون اللى بيجى على الجزيره او قناه العربيه لاء انا اقصد السلام التانى اللى هو السلام بين الاتنين اللى بيتقابلوا
ومش قصدى اللى هو القاء السلام حلوه القاء السلام دى لاء انا قصدى السلام بالايد والكل سعيد المصافحه يعنى
ومش قصدى ع المصافحه بين الرجلين او الستيتين قصدى يعنى الستات اللى هم النساء~X(

بصصوا بقى من الاخر انا عاوز اتكلم عن سلام الراجل للمراه وتحريمه او بلاش الراجل للمراه عشان احنا بنفهم الكلام ده على اساس انه الراجل الكبير والمراه اللى هى الست الكبيره انا اقصد بين اى مذكر ومؤنث بينا احنا كشباب صاحب وصاحبه فى الكليه فى الجامعه بين القرايب يعنى بينك وبين بنت عمك بنت خالك ابن عمتكِ ابن خالت مرات عمكِ


انا شايف ان فى بنات كتير بتسلم على صحابهم الولاد بالايد

بصصوا ملحوظه صغيره كده فى نص الكلام مش عاوز حد يقول عليا انى بستشيخ عليك وللا عاوز اعمل انى الشيخ ميسسى لاء يا عم انا بتكلم للمصلحه وربنا اللى يعلم

نكمل موضوعنا دلوئتى

الكلام للولاد هو السلام مينفعش غير لما بتسلم على صاحبتك وللا قريبتك اللى مبتحلش ليك اللا بايدك وكده يعنى وللا هو السلام بالايد ده يعنى هيزيد المعزه وتعرفها انك بتعزها اوى وكده بقى وحركات متقولها ازيك يا فلانه وخلاص..... ماشى يا كوتش؟ عيب يعنى تسلم على واحده انت اكيد ليك اخت ومترضاش ان حد يلمس ايدها حتى لو كان بالسلام وبعدين الرسول عليه الصلاه والسلام قال نحن قوم لاا نصافح النساء
مظنش انك بتفهم اكتر من الرسول يعنى


نخش على الآنسات

ليه يعنى تسلمى ع صاحبك او قريبك ده بايدك متقوليش انك بتتحرجى وانه مد ايده الاول وكده يعنى انتى لو قولتى ليه مره انى مبسلمش على ولاد مهما يكونوا بقى قريبك مش قريبك هو مش هيكررها تانى ولو بيعزك صحيح هيفرح بكده مش هيزعل ولو زعل ما يشرب من البحر
هو يعنى انتى تعصى ربنا عشان متحرجيش المحروس
حفظوا على نفسكم يعنى

انا جيبت ليكم شويه احاديث عشان تثبت ان كلام السلام بالايد ده حرام وليه عذاب كبير

تحريم مصافحة المرأة
الرسول عليه الصلاه والسلام بيقول
" لأن يطعن في رأس أحدكم بِمخْيَط من حديد خير من أن يمس امرأة لا تحل له "

والرسول بيقول كمان

"مَن مسَّ كف امرأة ليس منها بسبيل وُضِع على كفِّه جمرة يوم القيامة"

وفى معلومه بتقول ان زنا الايد هو السلام بالايد انا مش متاكد بس يعنى انا بقول احنا نريح نفسنا ونبعد عن الشبوهات ونخلينا فى سلام اللسان احسن بلاش نشيل بعض ذنوب ومعاصى ع الفاضى

ياريت محدش يسترخم الموضوع او يسترخمنى وياريت نعمل بيه

عاوزين نغير من نفسنا شويه شويه لحد لما نتغير لاحسن ان شاء الله
وياريت كل واحد يشوف حاجه مش عجباه يبقى او شايف انها غلط يبقى يتكلم فيها ونغير شويه من نمط المنتدى نتكلم فيه عن حياتنا احنا ونتكلم بدماغنا احنا مش نكتفى باننا نقل المواضيع وخلاص

فى نهايه الموضوع انا بشكر الناس اللى ساعدتينى فى فى الجانب الدينى من الموضوع وربنا يجازيهم خير

اخر حاجه انا بشكر اللى ساعدنى فى التوبك فى الجزء الدينى وربنا يجازيه خير

[رايق]

ههههههههههههههههههههههههه هه


جميل اوى يا ياعم الكبير بس انت مش شايف ان بعض كلامك غلط وانا اسف انى بقولك كده بس ...انت مكملتش الادلاء ...من السنه زى ...السلام بالسان والايدى وانا معرفش الحديث بس ده الى فهمه ...

الرسول عليه الصلاه والسلام بيقول
" لأن يطعن في رأس أحدكم بِمخْيَط من حديد خير من أن يمس امرأة لا تحل له "

ومااعتقد على شان مش افتى انى معنى الحديث مش الى فدماغك على العموم كلام كتير حول الموضوع ده وانشاء الله هنعرف بعدين المهم انى بقولك ...مشكور ولا اقولك بلاش مشكور دى تسلمى ...وخلاص على التوبيك ....

(لكى كل الشكر والتقدير )

[Vet.Medo]

شكرا على الموضوع الجرىء ده يا احمد وعلى فكره انا عارف الموضوع ده بس كويس انك نزلته على المنتدى عشان كلنا نستفيد

[Messi]

هو ايه اللى غلط فى كلامى؟انا مش فاهم؟
وبعدين لو فى غلط عدله انت يا عم الحج
وبالنسبه لمعنى الحديث فبيتهيالى ان السلام على واحده بالايد متحلش لك هو يعنى لمسها

انا معترض على حاجه يعنى وللا ايه؟

شكرا يا باشا نورت والله

[هــــً1جــــٍر]

[Messi]

[Sokara W Bas]

بجد شكرا على الموضوع يا ميسى .لان فى ناس كتير كدة ومش بتاخد بالها من حاجة زى دى.
وتسلم ايدك يا جميل

[..●●آه...لو●●..]

معلش اعذرني يا ميسي انا حاسس ان ردود الناس مش متفقه معاك
بس بقى انا بضم صوتي لصوتك وبقوه كمان
وبقول ان الواحد مننا له حد احمر مش بيعديه حتى لو الطرف التاني عداه يعني
انا مش بسلم ع البنات بالايدين لو بنت مدت اديها تسلم عليا
لا انا مش بسلم ومش هغير الكلام ده عشان حد
وده طبعا ما بينا كشباب لكن الناس الكبار بسلم عليهم ومعتقدش ده في حاجه
حاجه كمان عاوز اقولها كف الايد في ملايين الخلايه الحسيه اللي ممكن لما تسلم ع بنت تعمل نشوه غصب عنك مهو انت مش قاصد طبعا
وممكن بردوا تخلي البنت تفكر انك معجب بيها خاصه لو في سن المراهقه وكده
و ده بيحصل كتير مع القرايب
وعلى راي الزعيم عادل امام
هو عشان قلتلك السلام عليكم في بير السلم يبقى اتخطبنا خلاص
امال لو قلتلك مساء الخير هتيجي تقوليلي انا حامل
هههههههههههههه
متخدوش الموضوع من ناحيه دينيه حتى لو ده غلط
بس ع الاقل بلاش جراثيم خليك واد هاي كلس ايه القرف ده اسلم على ناس بيلعبوا مع الضفادع والفران وناس شغالين في الخرسانه والطوب والرمل والزلط ولا بيشرحوا جثث
يع انا عن نفسي بقرف اصل انا هاي كلس
ويا شماتت ابله طازه فيا
واحمد ربنا يوفك ويكرمك وانت صح الصح يا باشا

[بلا هوية]

ششكرا كتير ع موضوعك الجرئ
وانا معاك فعلا
فى حدود للعلاقة بين البنت والولد مش بس بسبب احكام المجتمع لكن كمان عشان احكام ديننا اللى لو اتبعنها هنكون افضل البشر

وزى ما حضرتك قولت السلام من بعيد لبعيد زى الفل وبيأدى الغرض وزيادة كمان .. لية بقى نحط نفسنا فى موضع شبهات
شكرا ليك مرة اخرى

[Messi]

ثانكيو يا تيفا
بس انا تقريبا كده اللى عرفته ان السلام على الكبار او الصغيرن الاتنين على حد سواء حرام يعنى والله اعلم

نورتنى يا معلم