بمناسبة عيد الحب:-" أزاي تبقى رومانسي". -

[هــــً1جــــٍر]

1- لما تكون شريكة حياتك مسافرة كده او رايحة مشوار بعيد شوية تقولها وأنت بتسبل بعينك كده
حبيبتى انا قلقان عليكى من المشوار ده وعلشان كده أنا جيبتلك بودى جارد يحرسك
وتبتسم ابتسامه حلوه كده وتطلعلها دبدوب صغير كده من أبو50 او 100 جنيه.

2_ فى أي مناسبه عاطفية كده عيد الحب مثلا أشتري كام ورده حمرا بس تكون حقيقيه يعنى 10 او 20 كده وهات واحده بلاستيك وحطها فى النص وكارت صغير من المكتبه اللى على اول شارعكو واكتب هافضل احبك لحد اخر ورده ما تدبل.

3_ طبعا اكتر الطرق لاسعاد حبيبتك لو بتشتغل ابعتلها فى مقر شغلها باقة ورد كده جميله وكلمتين حلوين برضه فى كارت اكيد طبعا فى الشغل بقى زمايلها هيقولوا شوفتوا الحب يا ولاد وتعليقات حلوه كده هتخليها تحبك اكتر.

4_ لو حبيبتك عندها قط صغير كده بتحبه وكل ما تيجى تقولها كلمتين حب تقولك اسكت ده القط بتاعى عمل كذا النهارده يبقى انت فى عيد ميلادها وانت جايبلها هديه هات للقط الغلبان ده هديه كمان.

5_ طبعا معظم البنات مش بيعرفو يطبخوا.....
يعنى احتمال كبير مراتك تكون زى الفل فى الطبيخ وتقضوها تيك اواى
المهم فى مره وانت بتطلب بيتزا مثلا اطلب منهم يقطعوها على شكل قلب.

6_ يعنى لو مراتك تعبت فى البيت كده دور برد خفيف بس همه بيحبو يتدلعو علينا
خدلك انت اجازه من الشغل وخليك جنبها واعملها شوربه (لو بتعرف) وشغلها
فيلم رومانسى كده وطبعا متنساش شويه عصير ليمون او برتقال.

7_ فى حركه عجبانى بقى
طبعا فى ويوم اجازه كده هاتلك شويه بالونات من اللى بيطيروا لوحدهم دول (فيهم غاز الهيليوم) واربطهم فى شنطة العربيه من جوه طبعا واطلع انت ومراتك رحله رومانسيه كد يعنى شوفلك مكان رومانسى هادى كده وانزلو من العربيه واعمل نفسك مشغول فى اى حاجه واديلها مفتاح الشنطه بتاع العربيه قولها هاتى اى حاجه بقى الجاكيت بتاعك ولا اى حاجه طبعا هيه اول ما هتفتح البالونات هتطلع على طول وياسلام لو كنت رابط كارت كبير شويه كده مكتوب عليه بحبك ولا اى حاجه حلوه منك كده.

8_

عارف ياسلام عليك لو فى يوم كده صحيت انت بدرى وحضرت الفطار وجبتهولها فى السرير

ياسلام عليك تبقى فنان.

مع تحياتي

HAGAR

[Wezooo(•'.'•)]

شكراااااااااااااااا ليكى يا هاجر على الموضوع الرائع بس انا عندى تعليق
بسيط على كل طريقه وبمناسبه عيد الحب
- لما تكون شريكة حياتك مسافرة كده او رايحة مشوار بعيد شوية تقولها وأنت بتسبل بعينك كده
حبيبتى انا قلقان عليكى من المشوار ده وعلشان كده أنا جيبتلك بودى جارد يحرسك
وتبتسم ابتسامه حلوه كده وتطلعلها دبدوب صغير كده من أبو50 او 100 جنيه.
علشان مش اكدب عليكى هى اخرها دبدوب من ابوا 5 ج
وبعدين انا هجيب بوبى جارد هههههههه
2_ فى أي مناسبه عاطفية كده عيد الحب مثلا أشتري كام ورده حمرا بس تكون حقيقيه يعنى 10 او 20 كده وهات واحده بلاستيك وحطها فى النص وكارت صغير من المكتبه اللى على اول شارعكو واكتب هافضل احبك لحد اخر ورده ما تدبل
دى فكره كويسه اهوا الواحد يحبها بقى اسبوع لحد ما الورد يدبل
3- دا مش هيحصل

5_ طبعا معظم البنات مش بيعرفو يطبخوا.....
يعنى احتمال كبير مراتك تكون زى الفل فى الطبيخ وتقضوها تيك اواى
المهم فى مره وانت بتطلب بيتزا مثلا اطلب منهم يقطعوها على شكل قلب.
ممكن شكل قلب بس هكتب فيه حسبى يالله ونعم الوكيل
6_ يعنى لو مراتك تعبت فى البيت كده دور برد خفيف بس همه بيحبو يتدلعو علينا
خدلك انت اجازه من الشغل وخليك جنبها واعملها شوربه (لو بتعرف) وشغلها
فيلم رومانسى كده وطبعا متنساش شويه عصير ليمون او برتقال
فلم رومانسى وليمون كمان اه ممكن اعمل العصير واحط فيه ثم خلينا نخلص منها بقى
شفتى مافيش احسن من كده رومانسيه

وكفايه كده
شكراااااااا ليكى يا هاجر

[هــــً1جــــٍر]

ههههههههههههههههههههههه دا انت طلعت جامد موت ى الرومانسيه
يالهوي عليك

شكرااااااااااا ليك ووجهة نظرك الى مش هتخليك تحب ابدا دي هههههههههه

[Prince of Persia]

سيبك من وسام ده الى هتجوزه هتشوف الويل
خليك معايه د انا محمود بتاع الرومانسيه كلهها

فاضيه بعد الظهر عايز درس خصوصى

شوفى بقى لو مراتى زعلانه مثلا وغضبانه بقى والحوارات دى وقاعده عند اهلها
هو اكيد انا هبقى السبب عشان انا بتنرفز بسرعه المهم انا عايز اصالحها
هاروح لهم البيت نشوف حد من اخواتها يظبتلنا الموضوع
واحنا راجعين هتلاقيها لسه واخده على خاطره اكون انا بقى محضرلها حاجه حلوه كده سفره وعشوه كده والحوارات دى
ويا سلام بقى لو ع السرير قلب كده حاجه من ابو خماشر جنيه
يعنى على اساس انها مش هتعبر السفره وتدخل تنام

يجى منى ولا لازم درس خصوصى؟؟؟
انا عايز اقفل الماده عايز ارتب ع الدفعه

[Vet.Medo]

ياسلام يا هاجر على الرومانسيه
بس ياترى هيبقى فيه وقت لكل ده
وبعدين ايه الرومانسيه اللى تخرب البيت دى يعنى انا هقبض المرتب عشان اجيب بيه هدايا ههههههههههه
ميرسى على التوبك

[هــــً1جــــٍر]