انت مدمن نت .. ؟

**| لولا ●** · 24-10-2008 08:32 PM

سلامى لكل الاعضاء ..

طبعا كلنا عارفين أدمان النت ..

وهو يشبه ادمان المخدرات بالللللللظبط ..

عاوز تعرف انت وصلت لمرحلة الادمان ولا لاء ..

أقولك انا ,,,

1. اول لما بتقوم من النوم بتقوم تشغل الكمبيوتر .؟؟
2. أول لما تشغل الكمبيوتر بتدخل على اميلك وتفتح صفحة نت ؟؟؟؟
3. لو مالقتش نت بتضايق وتتنرفز ؟؟؟
4. مابتقدرش تصبر وبتقوم تتصل بصاحب الشبكة أو بالشركة علشان تعرف النت هايرجع أمتى؟؟؟
5. بتحب تاكل أدام جهازك؟؟؟
6. ساعات بتأجل الصلاة أو غيرها وانت على النت؟؟؟
7. لما بتعمل أى حاجه غير قعادك على النت بتبقى مخنوق ؟؟؟
8. لما بتبقى فى خروجه مع اصحابك أو أهلك بتتمنى مع نفسك أنك كنت قاعدت فى البيت احسن؟؟؟
9. لو حد من أخواتك قاعد على الكمبيوتر بتفضل تستعجله انه يخلص ويقوم وساعات بتتنرفز عليه؟؟؟
10. بتسهر كتير على النت ؟؟؟؟
11. مش بتزور اصحابك وتفضل ان تجلس امام الكمبيوتر ؟؟؟؟
12. مش بتزور اقاربك وتفضل ان تجلس امام الكمبيوتر ؟؟؟؟

لو كل الحاجات دى او معظمها انت بتعملها يبقى (((انت للاسف مدمن نت )))

انا كنت كدا (مدمن نت) .. ولاكن بعد العمل بدأ اهتمامى بالكمبيوتر يقل مع مرور الوقت
وبدات انشغل فى العمل ,,
وبدأت حاجاتى له على قد متطلباتى ,, وبدأت ان استفيد من الوقت اللى يقعده على الكمبيوتر
عن طريق تعلم شئ مفيد مثل قراءة مواضيع مفيده والاستفاده منها ,,, تعلم(فوتوشوب) البرنامج الرائع . ودى حياتى
واكيد لازم يكون فيه وقت لزيارة الاصدقاء والاقارب ومتخليش الانترنت يلهيك عن هذا العمل

شوفلك انت كمان حاجه مفيده فى حياتك وابحث لها عن دروس واكيد هتلاقيها
وتعلم منها لكى تجعل الكمبيوتر وسيلة مفيده
وبكدا يكون استخدامك للكمبيوتر صحيح
فيه ناس بتضيع وقتها فى الشات ,, البحث عن الاغانى ,,, وإلخ

لازم تلحق نفسك والا حياتك هاتدمر ومش هاتتحرك للاحسن أبدا زى مأنت مش بتتحرك من على الكرسى... وأدعى ربنا يصلح حالنا كلنا ويهدينا لطاعتة...

**Dr_Matrix** · 24-10-2008 08:38 PM

انا المدمن اللي بتتكلمى عنه ده
واااااااااااااااااااااااا ااااااااااااااااااااااااا ااااااااااااااااااااااااا ااء

بس سيبك احسن حاجه في الموضوع الدعوه اللي في الاخر دي

**Dr_Matrix** · 24-10-2008 08:39 PM

ربنا يصلح حالنا كلنا ويهدينا لطاعت

**| Mannora ●** · 24-10-2008 08:41 PM

ايوه بأقعد على النت بس حالتى مش لدرجه ديه فى اولويات بردو

شكرا يا قمر الموضوع رائع

**● **TiTaNiC LoVeR** ●** · 24-10-2008 10:34 PM

زى ما تكونى قاعده معايا وعارفه اللى بيحصل
شكرا يا لولا
بس انا مش مدمن نت اوى

**..●●**آه...لو**●●..** · 25-10-2008 06:01 PM

نوت ات اول
لا انا مش مدمن بس ممكن في البدايه ربنا يستر
بس لو في خروجه مع اصحابي ولا عزومه مفيش احلى من اللمه
وخاصه لما كريم يطلبلي كوكاكوكا
ههههههههههههه
تسلمي يا لولا عالموضوع