اول مشاركة ليا وربنا يستر.................

**Sokara W Bas** · 22-10-2008 10:48 PM

سلا م وأحلى مساء على أحلى شباب

ندخل فى الموضوع لأنه فعلا مستفز وأى حد بيحس

أكيد مخليه محتار
وهو
.
.
.
.
.
.
.
ان العرب بيختلفوا على كل شئ ويبقى العلاقة بين الرجل والمرأة أو

حتى مابين النوع نفسه هو مايوحدهم..
ودى حقيقة يؤكدها أشهر شوارع القاهرة جامعة الدول العربية
وشهرته تأتى من أنه يجمع على أرصفته مختلف الجنسيات العربية
الذين جاءوا من المحيط للخليج طمعا فى اقتناص فتاة ليل ترتدى الشورت الساخن أو فتاة عربية أتعبها الهوى فراحت تبحث عن شاب مفتول العضلات ليروى ظمأها من المتعة الحرام..

............

وهذا ليس كلام مرسل المحاضر الرسمية وكلام الشهود يثبتان
أن شارع جامعة الدول العربية هو شارع التحرشات
واصطياد فتيات الليل الأول فى مصر.
وتنشط الحركة فيه خاصة فى الصيف
لكن هذا ليس قاصرا على فتيات مصريات فقط بل هناك من الخليج
وشرق آسيا وبعض فتيات افريقيا
وبنات روسيا والبشرة البيضاء والعيون الزرقاء
فالكل سيلقى طلبه وحتما سيجد مآربه طالما يمتلك الثمن..

................

محاضر الشرطة تقول أن الصيف المنقضى والذى مايزال يسحب ذيله ببطئ تحرر فيه عدد من المحاضر وصل الى 23 محضر
منها 13 تحرش جنسى بفتيات فى عرض الشارع
و7 محاضر محاولة اختطاف فى عز النهار و3 محاضر تحرش بفتيان
آه والله شباب ..
............

الغريب ان معظم تلك المحاضر بتنتهى بالتنازل
طبعا خوف من الشوشرة وسمعة البنت لما تكمل فى القضية
واللى بتتعرضله كمان جوه قسم الشرطة من ضباط الشرطة
أثناء التحقيق معم..
وللأسف أصبح ذلك مألوفا فى شارع الهوى
قصدى شارع جامعة الدول العربية سابقا..

...............

موضوع وشئ بقى غريب علينا على مصر بلد العفة والكرامة
والأمن والأمان ولا خلاص دى بقت شعارات فاضية
وشهامة ولاد البلد والنخوة والمروءة بقت برده كلمات منقرضة
ليس لها وجود ولا ايه الحكاية بالظبط..
سؤال هاسيبه مابين ايديكم لنجعل منه دعوة للنقاش

دى اول مشاركة ليا فى المنتدى وحبيت ابتدى بالموضوع دة لانة بجد مستفزنى بطريقة رهيبة
ومستنية ارائكم

**Criss Angel** · 22-10-2008 10:58 PM

بجد موضوع مهم جدا و خطير جدا يا سكره
بس أنا أحب أقول قبل كل حاجه يا جمااااااااااعه بلاش نشوه شكل مجتمعنا
الظاهره دي مش عاديه و مش متفشيه فينا
دي حاجه غريبه جدا علينا و إن شاء الله تكون موجه و تعدي و نرجع لطبيعتنا
يعني إحنا كلنا شباب أهو في حد لما قرى أو عرف الخبر أعتبره شيء عادي
طبعا الكل إستغرب و تعجب و قال مش معقول
و إحنا الجيل اللي المفروض بتحصل فيه أو منه الحجات دي يبقى الكلام ده مش ظاهره متفشيه أو حاجه مسلم بيها موجوده في المجتمع

أما بقى أسباب المشكله و إزاي نعالجها فأعتقد دي كل الناس عارفه لرد عليها
أولا محبش ألقى بالإتهام على أحد الطرفين ولاد أو بنات فالخطأ مشترك من الإتنين
يعني محدش يقول الولاد بقوا قلالات أدب و بيعملوا كذا و كذا
و محدش يقول البنات همه اللي غلطانين عشان بيلبسوا كذا و كذا
الغلط من الطرفين لو كل واحد إحترم نفسه و مشي في الشارع بأخلاق دينه مش حتحصل أي مشاكل

شكرا يا سكره على أول مشاركه جامده
و يا رب تستمري بنفس المجهود الجميل و أحسن كمان

**Wezooo**(•'.'•) · 22-10-2008 11:00 PM

موضوع وشئ بقى غريب علينا على مصر بلد العفة والكرامة
والأمن والأمان ولا خلاص دى بقت شعارات فاضية
وشهامة ولاد البلد والنخوة والمروءة بقت برده كلمات منقرضة
ليس لها وجود ولا ايه الحكاية بالظبط..
سؤال هاسيبه مابين ايديكم لنجعل منه دعوة للنقاش

بدايه اقدرا قول عليها بدايه جامده جداااااااااا لان الموضوع جامد ولازم يبقى فى حل
كل بقى اللى بيحصل ده مش بقى ليه غير تفسير واحد ان الجيل اتغير وخلاص حته العفه والكرامه والشهامه دى بقى نادر جداااا لو لاقتيه علشان كده
لازم نواجه ده يعنى مش اعاوز حد يدخل يقول لا دى فيه الشهامه
علشان لو حبينه نصلح غلط لازم نعترف بيه وفى الاخر الموضوع مش بقى ليه حل
غير ان الناس تعرف دينها
المشكله مش بقت فى ان الشباب مش معاها فلوس لان اللى بيعمل كده
هما الفئه اللى معاها التمن
يبقى الموضوع بقى موضوع دين واخلاق
لازم نربيه بيه اولاد اللى جايين عليه اما فى المشكله دى
دى بقى لازم نحط حل ليها وهى ان مافيش حاجه اسمها تنازل عن المحضر
وان القانون يحمى حق المراه فى النقطه بحيث انها مش تضر لما تحب تجيب حقها
وشكراااااااااااااا على الموضوع

**..●●**آه...لو**●●..** · 22-10-2008 11:03 PM

يخرب عقلك يا سكره
ايه الموضوع الشرس ده
بجد انا مش عارف اقول ايه
بس طبعا انا زي ناس كتير سمعت وبس
ومش اقدر اقول غير ربنا يستر على بناتنا وبنات المسلمين اجمعين وكمان الشباب
وعاوز اقول ان الشارع ده يا جماعه متكدس امن وع الرغم من ذلك متعرفش الكلام ده بيحصل امتى والزاي ؟!!!
ده استهبال والله بس انا مش عارف الوم مين الصراحه
بس اعتقد ان الملام هو مصر صاحبه شارع جامعه الدول العربيه
حتى ولو كان الناس اللي مشتركه في الموضوع ده مش مصريين بس مصر اللي عليها اللوم كلو
ويا رب يزودوا الحراسه او يغيروها اصل الحراسه شكلها ضعفت من اللي بتشوفوا تقريبا وبقوا بيعملوا زي بقيت الناس
بجد مش عارف ارد كويس نرفزتيني
بس شكرا ع الموضوع

**..●●**آه...لو**●●..** · 22-10-2008 11:06 PM

انت ايه يا ويزوووووووووووو
يا ابني ارحم الجيل
ابوس ايدك
احنا زي الفل
ولو عاوز تتكلم متجمعش

**| **Silent Guardian** ●** · 22-10-2008 11:18 PM

23 محضر بحااااااااااااااااااااااا االهم؟
يا خبر
بجد كتير جدا
انا مبهور
ازاي من وسط 20 مليون شاب يوصل عدد المحاضر 23

************************

و الله الشباب مظلومة

و الشابات طبعا

أولا سوري على الاستظراف

ثانيا الموضوع طويل و يستاهل الكلام
بس انا رأئي في التحرشات عموما .. ان مفيش ولد بيعاكس بنت
كده من نفسه
ان شاء الله ارجع تاني لما النت يساعدني
و اكتب رد احسن
و سوري يعني اني قلبتها هزار بس انا بحب اشوف المواضيع من كل زواياها مش من الزاوية التقليدية بس

**Dr_Matrix** · 22-10-2008 11:25 PM

NO comment

**Vet.Medo** · 22-10-2008 11:30 PM

بجد تسلمى يا سكره {بسمه} على الموضوع الجميل ده وفعلا انتى عندك حق دى بقت مهذله وظاهره مشينه فى حقنا وفى حق بلدنا بس على فكره السبب فى الظاهره دى فى اعتقادى هو المجتمع نفسه لانه بقى بعيد عن الدين والاخلاق وبقى منغمس فى المسكرات والمخدرات ومعدش بيفرق معاه سينا من سونيا ولا ابيض من اسود بقى كله عنده واحد وبقى بالظبط عاد اقبح من الحيوان لان حتى الحيوانات عمرنا ماسمعنا عنهم مره ان فيه حيوان اغتصب او تحرش
وختاما شكرا يا بسومه على موضوعك وياريت ما اكنش طولت عليكم

**Sokara W Bas** · 23-10-2008 04:08 PM

criss angle
شكرا يا جميل على رايك ومرورك.بس انا مختلفة معاكى فى نقطة ان الموضوع دة بجد بقى ظاهرة موجودة وبقت مش حاجة غريبة علينا ولا حاجة ومع زيادة نسبة البطالة بتزيد نسبة الجرايم فى البلد .ودة رايى.وفى الاخر ربنا يستر علينا
وشكرا مرة تانية لمرورك

وفتك العافية