دفتر يومى ..... سجل يومك .!!

[Spider GirL(•'.'•)]

النهاردة هنعمل دفتر يومى للأعضاء
كل عضو يدخل يدخل الموضوع مايخرجش غيرلما يحكى لنا عن يومه من اول الصباح حتى النوم بالتفصيل الممل ..( الممل يا مفاكيك ) .. ما احنا فاضيين هنا بقى ههههههههه
يلا وكل يوم تحكوا لنا عملتم أية
يلا

مستنية دفاتر كتييير هنا
واللى هيدخل من غير ما يقول ... هو حر

[● TiTaNiC LoVeR ●]

أزيكم يا بنادمين
إليكم التقرير اليومي
هو تقرير غريب بس ده اللى انا عملته

10,30: صحيت من النوم الحمد لله
10,35 :اول كلمه قلتها فين الفطار
10,37:دخلت الحمام واتوضيت وصليت
11,00: قومت اخويا باسم الصغير من على الكمبيوتر عشان اقعد (بلطجه)
12,30: افتكرت انى كنت جعان فقومت حضرت فطار
12,50 : روحت عشان اجيب ازازه مايه وكبايه ازاز عشان اشرب ملحقتش اتهنى الكبايه وقعت اتكسرت الحمد
12,55 : امى سمعتنى كلمتين (انتى مروكش الا كل يوم تكسر فى البيت وخلاص والخ الخ الخ....) وانا طبعا كبرت دماغى كأنى مسمعتش حاجه
1.15:رجعت للكمبيوتر
حوالى 2,00 : قومت اودع امى عشان كانت مسافره رايحه عند اخوها فى القاهره طبعا انا مش قايم اسلم لله كنت قايم عشان اخد منها فلوس واخد الحمد الله على دماغى
2,15:هيست بقى روحت معلى سمعات الصب اللى عندى على الاخر روحت مشغل اغانى ومعتز بقى اخويا كان نايم مره واحد لاقيت كف نزل على قفايه بيقولى ( خضيته وهو نايم والخ الخ الخ )
3,00 :زهقت بقى وقمت روحت فتحت التليفزيون قلبت كده فى قنوات الدش ولا قناه عجبتنى فقفلت التليفزيون
4.00: قولت اخرج الف شويه فى مشتول
5.00: رجعت البيت وفتحت التلفزيون
5.30: لعبت انا ومعتز دور فيفا على حواوشى
وطبعا انا اللى كسبت
6.00: لحد الساعه 8.00: مش فاكر انا عملت ايه فى الوقت
8.05: خرجت روحت قعد شويه مع زمايلى
10.00: رجعت البيت وقفت قدام المرايا بتاع ربع ساعه ونسيت كنت بفكر فى ايه
10.20: نفسى هفتنى على فنجان قهوه عملت قهوه
11.00: قعدت على الكمبيوتر فضلت اقلب فى فكك شويه
11.30: دخلت على الموضوع ده
11.40 : خرجت من الموضوع ده
والله انا اختصرت حاجات كتير
ويلا بقى سلام عشان انا عايز اقوم عشان رايح اسماعيليه بكره