الخــــــــــــــــــــــ ــــــوف ؟؟!!!

**Spider GirL**(•'.'•) · 11-10-2008 10:19 PM

الخوف........أحساس قوى .....مؤلم......قد يؤدى الى الموت فى بعض الحالات........

وقد يصنع منك هذا الأحساس أجبن رجل فى العالم............

يجعلك تتنازل عن (حقوقك .... أرادتك....... مبادئك......وكل ما لديك) !!!.......

..............................الخوف لا ينجو منه أحد........................................

فالخوف يصيب كل الناس ......حتى العظماء حسوا بالخوف !!!

***.................لكل فرد منا شىء معين يخاف منه.................***

فهناك من يخاف من الحشرات وبعض الحيوانات .....

وهناك من يخاف من والديه.....

وهناك من يخاف من مديره أو رئيسه فى العمل !!!!

ومعظمنا من يخاف من نظرات الناس أليه .....وكلامهم اللى مالوش نهايه

ومنا من يخاف من الظلام والأماكن المرتفعه...............!!!

وأحسننا هو من يخاف الله**..... ما أجمل هذا الخوف

.........................*قد يكون الخوف أحساس طبيعى*..........................

قد يكون الخوف أحساس طبيعى ولكن أذا زاد عن حده ..... يصبح شىء مرعب مثل الكابوس..... وقد ينتج عنه عقد نفسيه تؤدى ألى الموت

..........................الأن بترك موضوعى للمناقشه معكم...................................

قد يكون النقاش سبب فى التغلب على مخاوف أحدنا بالمواجهه ...... والتفكير.......والتحليل....... والوصول لمعرفه أسباب هذا الخوف

قد تكتشف أنك أقوى من ذلك الخوف : ........

لأن هناك أشخاص يعيشون حياتهم دون معرفه ما يريدونه ......أو ما يجعلهم يخافون....؟ !!

...........................الأن سؤالى للجميع................................

**_ هل علينا أن نستسلم لهذا الخوف؟ ام علينا مواجهه هذا الخطر الذى يهدد حياتنا؟

**_مما تخاف أنت وأنتى ؟ ولما تخاف؟

**Dr_Matrix** · 12-10-2008 12:12 AM

طبعا الفين سلام وتحيه على موضوعك الهايل ده يا مونه يا قمر

يعني تقدري تقولي بعد الخوف من ربنا
وهو خوف مش من العقاب على قد ما هو خوف من التقصير في حقه وخوف من معصيته

اقدر اقول انى بخاف انى اخسر او الحاجه اللي عايزها تضيع منى
والمشكله ان بكون خايف اكتر ان الحاجه دي تضيع بسبب خطأ الغير
بس بحاول بقدر الامكان اظبط اموري
وفي النهايه دعواتك بقي لينا يكون ربنا معانا

**Vet.Medo** · 13-10-2008 01:23 AM

شكرا ليكى يا د/ امانى على الموضوع الجميل ده وانا بصراحه بخاف من حاجه كتير يااااااااااااااااااه ما تعديش على سبيل المثال خدى عندك :
1- الخوف من ربنا انه يعذبنى ويدخلنى النار
2- الخوف من نفسى ان انا فى يوم افقد السيطره عليها
3- الخوف من الحب
4- الخوف من جيجى "وده اخطر انواع الخوف" بس اوعى تعرفيها ان انا بخاف منها
ههههههههههه
ميرسى ليكى يا دوك مونه على الموضوع

**عاشق البحر** · 13-10-2008 11:50 AM

شكرا على موضوعك الجميل
اولا الخوف من الله عز وجل
ثانيا الخوف من الوالدين وهو خوف احترام ليس جبن
واخر حاجه الخوف من الحب
وشكرا

**| Nadooosh ●** · 13-10-2008 01:07 PM

هل علينا أن نستسلم لهذا الخوف؟ ام علينا مواجهه هذا الخطر الذى يهدد حياتنا؟

اكيد الواحد بيحاول على قد مايقدر انة يقاوم الخوف او على الاقل يتشغل بحاجة تانية عشان ينساة

بس احيانا بييجى لحظات بيبقى الواحد جاب اخرة وخلاص مش قادر يقاوم الخوف دة

**_مما تخاف أنت وأنتى ؟ ولما تخاف؟

اكيد طبعا اول حاجة
عقاب ربنا وربنا يسترها علينا كلنا والى مستنينا يكون هين شوية

غير كدة الخوف من الضلمة

وبصراحة انا بعتقد فى العفاريت

واكتر حاجة بقت بتخوفنى الايام دى انى اعمل حادثة واموت

بصراحة بحس انى عندى فوبيا من الحوادث

وربنا يستر

شكرا يا امانى على التوبيك

**Prince of Persia** · 14-10-2008 11:42 AM

والله هو طبعا الخوف من ربنا ده اساسى

اما حكايه الخوف من العقاب (بعيد عن عقاب ربنا)

فدى مبتفرقش معايا ولو مش مسدقنى اسئلو سنووو وهى تقولوكو

الحاجه الى بخاف منها بقى هى المستقبل بكل ما يحمله من سعاده او حزن

انا بخاف من انى انجرح من حد بحبه

بجد دى بتأثر فيا اكتر من اى حاجه تانيا

**| Bugs Bunny ●** · 14-10-2008 01:42 PM

فكره الموضوع تحفه اوى يا امانى

انا بخاف من حاجات كتير و فى كتير من الاحيان الخوف ده بيتحول لفوبيا
هو طبعا انا بخاف من ربنا كتييير جدا جدا و من عقابه
و بخاف كتييييير من الموت , مش من موتى انا و لكن من مووت حد غالى عليه و بحبه
عشان كده بخاف من الحروب جدا جدا و كتييييير بتخيلها و بحس بيها جدا , و بحلم بيها و بكل تفاصيلها , و ده طبعا كان مأثر فيه اوى , و بحاول انى مش اشوف اى منظر من مناظر الحر دى و لا حتى دبابه
و بخاف كمان كتيير من بكره , بس بحاول اسيبها على ربنا

شكرا يا قمر على التوبيك الرائع

**!..!** · 19-11-2009 03:33 PM

الموضوع يستحق إن الناس تشوفوا تاني يا أماني

ـــــــــــــــــــــــــ ـ

أكيد كلنا مُشتركين في خوفنا وخشية الله

وبالنسبة لخوفي من بعض الحاجات بتكون بنسب مختلفة

بخاف جداً أفقد حد قريب مني ..

سواء موت أو فراق أو حد يحصل له حاجه

بخاف من الظُلم ..!

وبترعب من الأماكن العالية والأسانسير

وزمان كنت بخاف من الضلمة بس دلوقتي هزمت الخوف ده

لو إفتكرت تاني هكمل

..

**viRuS3** · 20-11-2009 01:03 AM

تسلم اديك على الموضوع التحفة دة

**noname** · 20-11-2009 12:08 PM

اول الحاجة الخوف من المولى عز و جل لان لو مفيش حد بيخاف ربنا يبقى بقى يروح يدفن نفسه ثم الخوف من الوالدين و هو خوف احترام و تعظيم لهم و بعد كدة الحب و اه من الخوف من الحب وشكرا