اكتب اللى عايز تكتبه وقول اللى عايز تقوله

**● **Alone** ●** · 14-12-2009 12:53 PM

غريبة الناس غريبة الدنيا ديه

**● **MiSs. NeRmOo** ●** · 14-12-2009 01:52 PM

اعز الناس بيتغير عليااا

**!..!** · 15-12-2009 01:32 AM

خلاص هكتب .. بس أهو كلام

المكان : مجهول

الزمن : وقف بيهم

الأشخاص : ناس كتير في الدنيا .. شخصيات منفصلة هدفهم واحد

الهدف : مش مهم أكيد هيتعرف

مشهد خارجي خارجي

ناس ماشيين في مكان أول مرة يشوفوه ..

مستغربيين من الناس اللي حواليهم ، مش عارفين حد منهم ..

ملامح غريبة ..

مش مألوفة بالنسبة لهم ،بيركزوا أوي فيهم يمكن يلاقوا حد

يعرفوه ..!

بس مفيش فايدة

أغراب عن المكان .. حسوا إنهم أغراب عن الدنيا كلها

كملوا طريقهم .. في هدوء

يمكن وقتها من شدة إحساسهم بالخوف من وحدتهم في المكان

دموعهم خلاص قربت (تفِر) زي ما بيقولوا !!

هما مين اللي بيقولوا ؟؟ أهو بيقولوا وخلاص

نرجع للطريق والناس اللي ماشين وتايهين ..

أهُم لسه تايهين ومش عارفين هيروحوا ولا يجوا منين

ومش عارفين يسألوا مين .. ولا هيسألوا يقولوا إيه ؟؟

حاسوا إنهم ماشين في طريق ضلمة .. ومحدش معاهم

ولا لاقين حد يدلهم على الطريق

شافوا ضوء من بعيد .. يمكن هو ده اللي بيدوّروا عليه ؟؟

أكيد هو .. وقربوا منه اوي ..

وقت ما شافوا الضوء ده .. حسوا بالأمان اللي إفتقدوه .. حسوا

إن ده أكيد اللي هينقذهم من الدوامة اللي هما فيها ..

حلموا إن حياتهم هتتغير وقت ما يوصلوا للضوء ..

وف لحظة الضوء .. إنطفى !!

طيب ليه ؟؟

وراح فين الضوء ده ؟؟

مفيش رد

خلاص

يبقى الحال كما هو عليه

وهما لسه في نفس الطريق الضلمة

مستنين !