ادخل امتحن يا غير مسجل وعلى جثتي لو نجحت

**● **TiTaNiC LoVeR** ●** · 05-10-2008 09:38 AM

وزارة هنديك بالشبشب

أختبار اللغة العربية
ان شاء الله هنشوفك السنة الجاية يا باشا

وقت الاجابة : خلص نفسك و اجري
=====================
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================

هذا الامتحان برعاية بيبسي كولا
دلوقتي .. بيبسي الصاروخ بجنيه واحد بس ... ((هيفضل يغلى لغاية ماتبطله))ا

==================================================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).

ملاحظة: عجلة الجاذبية 9.8..في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))

==================================================
السؤال الأول 20 علامة

==================================================
قال ريكو في أغنية (( خلي الشعب يعيش )) مايلي :

راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش

================================================== الأسئله

==================================================
1- اشرح الآبيات الاربعة الاخيرة من النص بما لا يقل عن 90 سطرا باختصار شديد
2- لماذا أكد الشاعر على القصد الشريف و النية الصادقة ، و علام يدل قوله
(( هزيها بشويش بشويش ))

3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 علامات)

4- استخرج من البيت الثالث صورتين فوريتين مبينا نوع الكاميرا

==================================================
مساحة خالية للإعلان- ت : واحد اتنين .. الجيش العربي فين

==================================================
السؤال الثاني 8 علامات

==================================================
أعط أسباب ما يلي مع شرح وافي :

تم نقل السوق المالي إلى سوق السمك ؟ -

إقبال الناس الى شراء نوكيا 9990 و عدم شراء نوكيا 9900 ؟ -

إغلاق شبكة الأخبار Pnn بعد زواج شارون ستون -

أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ -
==================================================
*** أخي الممتحن أقلب الصفحة: والله لتندم عالساعة اللي دخلت فيها المدرسة ***

================================================== السؤال الثالث –اختياري

اكتب الاسم المستوفى من السؤال

ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟

( ورد ذكر اسم هذا الرجل في اكثر من مسلسل تليفزيوني )

================================================== فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))
================================================== السؤال الرابع (8 علامات

==================================================
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :

" احكيلك ايه خلاص ما انت شايف من غير ما اقول
اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "

الأسئلة

==================================================
1 ماذا كان يريد ان يقول عمرو دياب للمزة ؟

2- ما نوع الكنبة اللي كان قاعد عليها عمرو في الاغنية , و ما إسم عامل السفنج
في المصنع ( مع التوضيح ) ؟
3- ما اسم صبي الخياط بتاع ام الموديل اللي كانت مع عمرو في الكليب
==================================================
السؤال الخامس (20 علامة)

==================================================
موضوع تعبير

قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "

أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاج زعبولا عن هندامة (( زوجته الاولى ))

==================================================
بيبسي كولا

المشروب الرسمي لهذا الامتحان

==================================================

*** أخي الممتحن أقلب الصفحة أحسنلك (( اصلك مش عارف اللي فيها )) ***

==================================================
السؤال السادس ( 19 علامة )

==================================================
اجب عن أربعة فقط من الأسئلة التالية

==================================================
1- ما رأيك بتصرفات " رفيع " و " فرحة " في مسلسل الضوء الشارد ؟
مبيناً ماذا سيحدث في فيلم ( تيتو ) بعد مقتل ( تيتو )
في الفيلم و افتتاح مطعم ( تيتو )

2- ما رأيك بموقف "حسام" من "سرية" في مسلسل الحقيقة و السراب ؟

3- من برأيك أقوى وأفضل بوكيمون - هل هو – بيكاتشو ؟؟؟

4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجدفي كأس العالم الأخيرة في كوريا و اليابان 2002.

==================================================

عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً

==================================================
سؤال المساعدة ( لرفع العلامة ) ( 20 علامــة)
و ملهوش لازمة اساساً

==================================================
أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية
ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء

==================================================

انتهت الاسئلة و نلقاكم في امتحان الدور التاني انشاء الله
ربنا يعينكم علينا

مع تحيات بيبسي كولا الراعي الرسمي للأمتحان

ملطوووشه

ايه رايكم يا جماعه

مع حبي
المدرسه الاولى
TiTaNiC LoVeR

**Messi** · 05-10-2008 04:45 PM

ده انا مستنى النتيجه يا حلو

**Vet.Medo** · 05-10-2008 06:22 PM

ايه يا عم شريف الامتحان السهل ده ياعم الامتحان ده مش من مستواى حرام اضيع فيه وقت وبعدين الحاج ميسى جاوب الاجابه النموذجيه

يالا بيس يا مان

**عاشق البحر** · 05-10-2008 07:01 PM

هههههههههههههههههههههه
على العموم ميسى باشا رد على كل
اسئلتك
مش محتاج ارد على اسئله سهله زى
دى العب غرها
جامد يا مان

**H-Dabo0or** · 05-10-2008 08:36 PM

ايه يا باشا يعنى احنا نرد عالاسئله دى على العموم الاسئله سهله جدا وانا مش فاهم منها اى حاجه بس بردو ماضيعش وقتى فى اسئله سهله زى دى ياريت تنزل اسئله اسهل شويه

شاو

**Spider GirL**(•'.'•) · 05-10-2008 09:08 PM

برافو يا احمد
مش انت قولت مسموح نغش
انا هغش من ميسى والواد باين عليه مزاكر

**● **TiTaNiC LoVeR** ●** · 06-10-2008 12:51 AM

هههههههههههههههههههه
نسلم يا حبيب هارتى على اجباتك النموذجيه

وشكرا يا جماعه على مروركم الجميل
ان شاء الله كلكم ساقطين
واستنوا بقى امتحان الدور التانى