:: عرفتوا ليلة القدر امتى ؟؟ ادخلوا وشوفوها ....

**| سندباد ●** · 23-09-2008 02:51 AM

بسم الله الرحمن الرحيم

آسف انى خدعتكم

وأكيد انتوا عارفين ،،،بس ياريت تكملوا للآخر

هو الموضوع اللى انا كنت هكتبه
معلومة & نصيحة

أولا طبعا احب نفتكر ان احنا فى العشر الأواخر من رمضان

" المعلومة "

وهى الكل يعرفها :

ان الرسول – صلى الله عليه وسلم – قال :" تحروا ليلة القدر فى الوتر من العشر الأواخر من رمضان "

وهو متفق عليه

وعشان أحيانا ممكن يكون فيه خطأ فى بدء الشهر فيحسن التحرى عنها فى العشر الأواخر كلها

المهم //

ان اكيد الكل بيعرف ان أعمار أمة سيدنا محمد ما بين الستين والسبعين

وان كان فى أزمان أخرى أعمار الناس فيها ممكن يزيد عن 200و400 وبيوصل لــ700 وزيادة

ومعروف بأننا عند دخول الجنة بأمر الله هنزاحم الناس دى عليها

فكيف لنا أصحاب الستين والسبعين ان قضينا عمرنا كله عبادة ،،ان نساوى ونزاحم أصحاب مئات الأعوام من العباد ؟؟؟

فقد عوضنا الله عنها بأشياء

ومنها ،، مضاعفة الأجر والثواب وما الى آخره

غير ان أهمها فى ايامنا تلك هى " ليلة القدر "

"" ليلة القدر خير من ألف شهر ""

بالحساب

1000 شهر = 83 سنة و4 شهور

تخيل !!!

عبادة ليلة واحدة تعادل عبادة 83 سنة

"من قام ليلة القدر ايمانا واحتسابا غفر له ما تقدم من ذنبه "

ألا تستحق ان يتفرغ لها العباد حتى ينالوا عظيم الأجر

ويلحقوا بمن سبقهم من الصالحين من لدن آدم عليه السلام الى يومنا هذا

** اصدق نفسك وحاول ان لم يكن لديك مانع الا تدعها تفوتك **

" النصيحة "

اكيد عرفتوها :

يلزم كل امرئ يريد النجاة ان يلتمس فى هذه الأيام من نفحاتها المباركة وألا يرتد منها مخذولا

فلكل منا لابد ان يكون له نصيبه من الاعتكاف

أفضل الاعتكاف ان تلزم المسجد من( مغرب يوم 20 الى فجر العيد أو ليلته)

وهو المسنون عن النبى – صلى الله عليه وسلم –

>>> ومن كانت لهم أعذار فى هذا

فعليهم بالاعتكاف بالليل فقط من بعد صلاة التراويح الى شروق شمس اليوم التالى

فان لم يتمكن

فيواظب على ذلك فى الليالى الوتر (الفردية)

او حتى المواظبة على صلاة التهجد من الليل

فان لم يتمكن فيلتمسها فى

ليالى 25 ،،27 ،،29

وفي صحيح البخاري عن عبادة بن الصامت قال: خرج النبي صلى الله عليه وسلمليخبرنا ليلة القدر فتلاحى (أي تخاصم وتنازع) رجلان من المسلمين، فقال: )خرجت لأخبركم بليلة القدر، فتلاحى فلان وفلان فرُفعت، وعسى أن يكون خيرالكم، فالتمسوها في التاسعة والسابعة والخامسة(

وهذه أقلها .........

وان لم يتمكن فعليه بليلة 27 حسب ترجيح بعض العلماء ،،والله أعلم

***********

وان لم يغتنمها أيا منا فقد خسر خيرا عظيما

والله نسأله ان يبلغنا ليلة القدر

وان يجعلنا من عتقائه من النار فى هذا الشهر

يا مفكوكين

آسف ع الأطالة

..........................

عايز وعد من كل من يقرأ الموضوع ان يجتهد فى ادراك ليلة القدر

ربنا يوفقنا جميعا

**| سندباد ●** · 23-09-2008 02:58 AM

أه ،،للعلم

رجح بعض العلماء أنها تتنقل
وليست في ليلة معينة كل عام.
وإنما أخفى الله تعالى هذه الليلة ليجتهد العباد في طلبها، ويجدوا في العبادة، كما أخفى ساعة الجمعة وغيرها.
فينبغي للمؤمن أن يجتهد في أيام وليالي هذه العشر طلبا لليلة القدر، اقتداء بنبينا صلى الله عليه وسلم، وأن يجتهد في الدعاء والتضرع إلى الله.

الدعاء المأثور فيها عن عائشة رضي الله عنها قالت: قلت: يا رسول الله أرأيت أن وافقت ليلة القدر ما أقول ؟ قال: قولي: [اللهم إنك عفو كريم تحب العفو فاعف عني]

************

**Messi** · 23-09-2008 03:09 AM

شكرا يا سندباد باشا على التوبك

وربنا يجايك عليه كل خير

وحكايه ان اربنا بيساوى بينا وبين الناس اللى عاشوا عمر طويل اول مره اعرفها

شكرا يا باشا مره تانيه

**| سندباد ●** · 29-09-2008 02:16 AM

اشكرك يا كابتن أحمد لمرورك
اللى هوّن عليا عدم دخول حد

انا مش متخيل ان مفيش حد مهتم
!!!

يمكن يكون العيب فيا
.............

**Dr_Matrix** · 29-09-2008 02:22 AM

اللهم إنك عفو كريم تحب العفو فاعف عني

**Dr_Matrix** · 29-09-2008 02:22 AM

شكرااااااااااااا يا حوده على التوبيك الروعه

**| Nadooosh ●** · 29-09-2008 02:35 AM

ربنا يباركلك ياسندباد

وتسلم يارب على التوبيك دة

والواحد حاسس انة مقصر كتير لان مهما عملنا بردو هنكون مقصرين
بس احنا طمعانين فى رحمة ربنا

وزى ما المولى عز وجل قال (انا عند ظن عبدى بى)
فانتمنى انة يتقبل مننا