اتفضل موبايلك معانا

**Banotaa** · 22-09-2008 02:47 AM

السلام عليكم ورحمه الله وبركاته

سامعه حد بيقولى يا ستى خلصى هو إيه اللى موبيلك معانا ده

أقوله اصبر شوية يا باشا كل حاجة هتعرفها

يقولى طيب وأخرتها أقوله طيب هنبدأ الشغل الرسمى أهو

احم احم

بسم الله الرحمن الرحيم

معاكم النهاردا موضوع جميل جدا مليان ترفيه وفضايح

وأنا فاضيه كدة فكرت وقلت إعملى حاجة

فيها ترفيه وكل الأعضاء يشاركو فيها

وقلت خلينا (ندعبس ) فى موبيلات

الناس بموافقتهم أحسن من عدم رضاهم ونعرف فى إيه فى موبيلهم

وخفاياه وأسراره ....... سامعه واحد هناك بيقولى بس ده تطفل أرد عليهX(

وأقوله ان ده حب استطلاع يا بابا ليس إلا .. يعنى على الأقل عرفت أرد عليه

يا عم خلصنا بقى طيب ندخل فى الموضوع

هيتم اختيار ضيف أو ضيفة يشرفنا ويأنسنا ويجاوب على شوية أسئلة

بسيييييييييطة أوى عن موبيله بس بشرط تمشى معايا على طول الخط

بس بشرط يجاوب بصراحة متناهية وطبعا أى حد ليه الحق إنه يرفض

اللى هيستضاف بقى معانا هنا هنعرف حاجات غريبة عنه

من جمال اسلوبه

وروعة شخصيته

وجمال طلتـــــه

وهنعرف أسرار موبيله وكل حاجة عنه

وطبعا اللى هيشرفنا هيعطر المكان بما يحمله من خفايا

من أخرها هيخلى ريحته حلوة لإخوانا اللى عايزين تبسيط

وطبعا هيشغل أفكار الأعضاء كلهم عشان يعرفو الخلبوص

ده بيعمل إيه

ويا رب الضيف يمتعكم ويسعدكم

ملاحظة

العضو اللى موبيله معانا هيختار الضيف القادم

ونبدأ الأسئلة

_ نوع موبيلك إيه ؟

2_ اخر صورة صورتها ؟

3_ مسجل كام رقم عندك ؟

4_ أخر رسالة إستلمتها ؟ لما نشوف بس بلاش فشر ومن غير ماقولك نصها؟

5_ ايه الرسالة رقم 5 اللى عندك؟ ولاحظ رقم 5 بالتحديد ؟ وماتنساااااااش النص بتاعها؟؟

6_ لو عندك إسم مضحك أو غريب لأى حد من أصحابك مسجله على موبيلك

أو أى حد قولنا إسمه

7_ أعلى كارت شحن شحنت بيه كام ؟ ولا غلبان زى حالاتنا وبتحول رصيد

8_ اسمك إيه فى البلوتوث ؟ يا روشنتك

9_ ايه الثيم الحالى لموبيلك ؟ يا لذيذ يا رايق

10_ ايه أكتر حاجة بتستخدمها فى الموبيل ؟ يعنى مثلا المنبه الاستديو او المنبه او الحاسبة او الالعاب ؟

11_ اخر بلوتوث استقبلته ؟ بصراحة بقى ها

12_ كام عدد الرسايل اللى عندك فى صندوق الوارد وكام فى الصادر ؟ ولا بتمسح خوفا من الشبهة

13_ رسالة مش هتمسحها أبدا ابدا ؟ من مين ؟ ونصها ايه ؟

14_ إيه الإسم رقم 13 اللى عندك ؟

15_ ما هى أخر رسالة قمت بإرسالها ؟ وذكر نص الرساله ؟؟؟

وبكدة نكون إنتهينا من الأسئلة كلها وأنا اختار أول ضيفه
وهيه صديقتى العزيزه

minni
انا عارفه انى هضرب ربنا يسترها

ورينا الهمه يا مينى وياريت متنسيش تختارى العضو اللى بعدك

**| **Silent Guardian** ●** · 22-09-2008 02:50 AM

قشطات
اتكلي على ربنا يا ميني
و انا هستناكي

**| Nadooosh ●** · 22-09-2008 02:55 AM

فين مينى
هاتواااااااااا مينى

اولا الموضوع جامد موووووووووووووووووووت
وبجد اسلوبك ف كتابتة لذيذ قوى

منتظرين مينى بقى لما تيجى وتجاوب

تسلمى يا بنوتة

**Banotaa** · 22-09-2008 03:04 AM

اى خدمه
والحمد لله انه عجبتكم الفكره
يلا بقى يا minnie

**Spider GirL**(•'.'•) · 22-09-2008 03:43 AM

طيب حد يقولها بقى عشان تيجى هنا
وانا منتظرة يا مينى

**Dr_Matrix** · 22-09-2008 05:08 AM

الشارع المفكوكي يسال
اين ذهبت ميني ................؟؟؟؟؟؟؟؟؟!!!!!!!!!!!!

عايزين ميني ...عايزين ميني ..عايزين ميني

واحد اتنين ميني راحت فين

موضوووووووووووووووووووع جامد يا ماي ليدي

**| **المقصرة في حق الله** ●** · 23-09-2008 01:09 AM

ايه ده انا العب كده
ههههههههههههههههه
طب كنت خدي رائي الاول ماشي ماشي

**| **المقصرة في حق الله** ●** · 23-09-2008 01:24 AM

لا مقلب جامد بجد اتعمل فيا انا ادبست كده
كلها اجباري انا هجاوب بعيدبن بقه
وهرشح ميسي

**| سندباد ●** · 23-09-2008 01:29 AM

بصراحة هى فكرة حلوة وظريفة
ولو مش............ مكنتش رديت......

بس بصراحة لذيذة
تسلمى يا بنوتة

**********

**Messi** · 23-09-2008 03:06 AM

انا مكنتش اعرف انها كده والله

ع العموم ماشى
نجاوب

ونبدأ الأسئلة

_ نوع موبيلك إيه ؟

انا معايا جوز يعنى اتنين واحد مرحوم وراقد فى الدرج وده 6630 او ابوكرش والتانى اللى فيه الصحه معرفش نوعه:"> بس هو عادى يعنى

2_ اخر صورة صورتها ؟

كانت لبعدو ابن خالى وهو راكب العربيه وراسم نفسه عامل فيها كريم عبدالعزيز
الحمد لله مش معانا على المنتدى

3_ مسجل كام رقم عندك ؟

175

4_ أخر رسالة إستلمتها ؟ لما نشوف بس بلاش فشر ومن غير ماقولك نصها؟

كانت من ايمن بيقولى "انت يا عم اول لما تفتح تليفونك ابقى اتصل بيا"دى النهارده الصبح

5_ ايه الرسالة رقم 5 اللى عندك؟ ولاحظ رقم 5 بالتحديد ؟ وماتنساااااااش النص بتاعها؟؟

اللهى تجعلها سنه بيضه عالكريم
سوده عالئيم
منيله بنيله عللى ينكد ع الحريم
دى من حجازى:X

6_ لو عندك إسم مضحك أو غريب لأى حد من أصحابك مسجله على موبيلك

Zoromba ده واحد صاحبى من كليه تجاره بورسيعد

وفى عمرو فرخه ده معايا فى الفريق

7_ أعلى كارت شحن شحنت بيه كام ؟ ولا غلبان زى حالاتنا وبتحول رصيد

لااااااااااااااااااا انا بشحن هو انا اى اى انا اخرى ابو 25

8_ اسمك إيه فى البلوتوث ؟ يا روشنتك

Messi

9_ ايه الثيم الحالى لموبيلك ؟ يا لذيذ يا رايق

لاء مهو مبيشيلش ثيمثات دلوقتى هو ابيض واسود

10_ ايه أكتر حاجة بتستخدمها فى الموبيل ؟ يعنى مثلا المنبه الاستديو او المنبه او الحاسبة او الالعاب ؟

المنبه تقريبا

11_ اخر بلوتوث استقبلته ؟ بصراحة بقى ها

والله مفاكر بس غالبا كان اغنيه

12_ كام عدد الرسايل اللى عندك فى صندوق الوارد وكام فى الصادر ؟ ولا بتمسح خوفا من الشبهة

الوارد :36
الصادر:40

13_ رسالة مش هتمسحها أبدا ابدا ؟ من مين ؟ ونصها ايه ؟

كانت من اختى بقالها تقريبا سنه

14_ إيه الإسم رقم 13 اللى عندك ؟

اسماء بورسعيد

15_ ما هى أخر رسالة قمت بإرسالها ؟ وذكر نص الرساله ؟؟؟
اواحد صاحبى اسمه ميكى قولتله هات الشراب اللحمر معاك

ده شراب كوره وبتاعى كمان عشان محدش يفتكر حاجه

معلومات الموضوع

اتفضل موبايلك معانا

الموضوع: اتفضل موبايلك معانا

أدوات الموضوع