هل تقبل بالواسطه ام ترفضها ؟

**Messi** · 16-09-2008 12:46 PM

م الاخر كده هل تقبل بالواسطه ام ترفضها ؟

دلوقتى الكل واخد باله ان الواسطه بقت حاجه اساسيه عندنا فى البلد
عاوز تشتغل عاوز تلعب عاوز تطلع رصخه عاوز تاكل عيش انا باكل عيشنا بالواسطه

كل حاجه بقت بالواسطه والكل خلاص سلم بيها واقتنع بيها

انت دلوقتى مثلا بتحضر ورق التجنيد وفجأه وانت ف الكشف لقيت واحد جنبك بيكلم ابوه ( برغم ان الموبايل ممنوع ) دخل بيه ازاى الله اعلم

ايوه يابابا كله تمام وطلع عندى انقلاب فى الموازين وطلعت غير لائق ( والواد ماشاء الله يقدر يحارب لوحده )

ايوه يابابا سيادة اللوز عمل اللى عليه وزياده وبعت معايا واحد وخلصت بسرعه ومستنى ميعاد الشهاده

دى كانت المكالمه

المهم ولنفرض ان انت مثلا تمتلك واسطه تخرجك مع العلم ان الكل بيهرب من التجنيد بالذات

هل ها توافق بيها مثلا ؟ ام تقف موقف الرافض ؟

مع العلم معاك سنه او ثلاث سنوات ضياع

او هل توافق بالواسطه فى اى مجال من مجالات حياتك ؟ سواء بالوظيفه او غيره

مع العلم بان الاولويه لكل واحد معاه واسطه

انا عن نفسى اوافق ونص وتلت تربع

**Haneen** · 16-09-2008 03:51 PM

اذا كان رب البيت بالدف ضارب فاشيمة اهل البيت 0000
اذا كان استحق المكان اللي بيلزمله وسطه
وليش لحتي ارفض
اما اذا مش كفء لها
خليني مكاني افضل
بلا جمايل ياراجل
شكرا ياكابتن ع الموضوع

**● **TiTaNiC LoVeR** ●** · 16-09-2008 04:20 PM

اذا كان على الواسطه طبعا
اقبلها بس فى حاجه تفيدنى
على رايك يا احمد احنا كمان بنجيب العيش بالواسطه
شكرا يا باشا

**| Mannora ●** · 16-09-2008 06:18 PM

والله يا احمد الموضوع كبير وفى ناس ما تستحقش بتاخد مكان ناس تستحق وده كله من وراء الواسطه وده اللى بيضايقنى فيها
بس لو انا مثلا عايزه اشتغل والطريقه الوحيده ليا هى الواسطه اكيد هقبل بيها بس اهم حاجه انى اكون اهلا لشغل ده ومجيش على حق حد يكون احقى منى
وشكرا ليك يا احمدعلى الموضوع الجميل

**MeEeGoOoO**(•'.'•) · 16-09-2008 06:32 PM

من الاخر طول ما فى واسطه مبقاس حد يخاف من حاجه
لان زى منتا ذكرت يا احمد ان كل حاجه بقت بواسطه واللى انتا نسيته وده الاهم
ان الكليات العسكريه كمان بقت بواسطه يعنى الواحد يكون لابس نضاره ومبيشوفش بيها كمان
وتتفاجئ انه دخل شرطه او حربيه وده ليه علشان وسطته جامده
فانا عن نفسى بما انها بقت كده فاهقبل الواسطه بس برضه تكون فى حاجه مناسبه ليا

**| Amino2 ●** · 27-04-2010 10:23 AM

لو نهر النيل ده كله صلصه مش هيكفى الكوسه اللى فى مصر
بس مع ذلك انا لو جاتلى فرصه اكيد هشتغل بس بظروفها
يعنى مش هرو اكلم حد يشغلنى لا انما لو هو اصلا فى المكان ده وساعدنى انى اشتغل يبق كويس
بس لازم انا اكون استق وجدير بالوظيفه
شكرا