تريكة: ما فعلته لجمهور الزمالك لا يليق بأخلاقي

**Spider GirL**(•'.'•) · 16-09-2008 12:55 AM

قال محمد ابوتريكة لاعب النادي الاهلي انه الحركة الانفعالية التي صدرت منه تجاه جمهور الزمالك خلال مباراة الفريقين الافريقية الاخيرة لا تليق باخلاقه.

وقال تريكة في تصريحات خاصة لقناة الاهلي الفضائية " لا اعتقد ان ما قمت به في المباراة يتم لاخلاقي .. انا نادم علي ذلك واكرر اعتذاري لجمهور الزمالك".

وكان ابوتريكة قد اشار لجمهور الزمالك بيده مطالبا إياهم "بالصمت" عقب احرازه لهدف التعادل للاهلي في المباراة التي انتهت بنتيجة 2-2 في الجولة الخامسة لدور المجموعات لدوري ابطال افريقيا .

واضاف ابوتريكة " فوجئت قبل بداية اللقاء بكم هائل من السباب والهتافات العدائية من جمهور الزمالك وهو ما جعلني اخرج عن شعوري عقب إحراز الهدف".

وأكمل " لقد قابلت السيئة بسيئة مماثلة وهو أمر لا يمت لأخلاقي بالمرة".

الجدير بالذكر ان هدف ابوتريكة منح الاهلي صدارة المجموعة نهائيا دون النظر الي نتيجة مباراة الفريق الاخيرة امام اسيك ابيدجان الاسبوع القادم في القاهرة
********
اصل انا بحب ابو تريكة اوى بغض النظر ع اننا زمالكاوية
وحصل خير يعنى وهو مغلطش اوى ولا حاجة وبردو هفضل احبه دايما

**Messi** · 16-09-2008 01:11 AM

والله ابوتريكه ده خساره انه يتكلم

مع عدم احترامى للزمالكاويه يعنى

يعنى ايه انا اكون بنى ادم محترم وانشتم واسكت؟

لاء طبعا ميسكتش بس المشكله انه عنده اخلاق مش زى ناس

جماهير الزمالك دى لو بجد جمهور بيفهم ومحترم مكنوش شتموا حد زى ابو تريكه عشان كلهم عارفين اخلاقه

بيتهيالى جمهور الاهلى عمره ما شتم واحد زى حازم امام عشان ده لاعب محترم

بجد تصرف غبى من جمهور ان شاء الله ربنا هيحرمه من بطوله افريقيا عشان هو ميستحقهاش

وباذن الله يخسر من ديناموز اللى هشجعه زى الاهلى تمام

**Spider GirL**(•'.'•) · 16-09-2008 01:16 AM

شكرا شكرا

**● **TiTaNiC LoVeR** ●** · 16-09-2008 01:35 AM

والله انت بتقول كلام زى الفل يا احمد
قال زمالك قال
ولا واحد فى فريق الزمالك محترم
وخصوصا الواد جمال حمزه

**MeEeGoOoO**(•'.'•) · 16-09-2008 04:17 AM

والله انا مشفتش لاعب محترم زى ابو تريكه وهوا مكنش يستحق اى غلط من جمهور الزمالك

**Dr_Matrix** · 16-09-2008 05:02 AM

بتهيالي برضه لما شيكابالا رفع الجزمه للجمهور
ولما ابو العلا اشار بحركه بايده غير لائقه تماما
ولماا...ولما..ولما....ولما...
حد بيعرف يعد
اظن ما فيش حيوان فيهم اعتذر ولا حاجه
يبقي لما ابو تريكه يشير للجمهور انه يسكت
عشان الجمهور اللي اقل ما يقال عنه ان جمهور لا يرقي لمستوي (حذفت للرقابه) او (متروكه لخيال القارئ) حتي
يزعل

ما يتفلق جمهور الزمالك واحد واحد

ابو تريكه حيفضل كبير على طووووووووووووووول
وتعيش وتديهم على قفاهم يا ابو تريكه

ويارب ديناموز يكسب

**Spider GirL**(•'.'•) · 16-09-2008 06:23 PM

هو انا عامل الموضوع دة عشان اتبهدل انا ولا أية

طيب قول إلا واحدة بس عشان اعديها خلاص انا خلاص هعيط وانا جعانة حرام عليكم
ربنا يسامحكم كلكم

**Dr_Matrix** · 16-09-2008 10:49 PM

ماشي يا مونى الا واحده
بس برضه يتفلق

**| Bugs Bunny ●** · 17-09-2008 12:24 AM

انا مش شفت المباراه
و كنت زعلانه جداااااااا
و عرفت ان ابو تريكه عمل حاجه للزمالك بس معرفتش هيه

شكرا يا قمر على الافاده

و طبعا ابو تريكه ده رجل محترم و ايه يعنى لما عمل استب للزمالك معشان يسكتو و يبطلو كلام
خلى الراجل يركز

**Criss Angel** · 04-10-2008 07:14 PM

هههههههههههههههه
بيعتذر عشان قال لجمهور الزمالك يسكت
ينهاااااااااار أبيض
بجد الراجل ده حيفضل يكبر في نظري لحد ما نظري يفرقع

و هو كده بجد بجد هزأ الزملكاويه صح و خلاهم يشوفوا مدى إنحطاطهم
ما عدا واحده ;)

ربنا يخليك لينا يا أبو تريكه رمز الأخلاق و الحرفنه و كل حاجه الواحد يتمناها في نجم