ازاى تطفشى خطيبك

**Wezooo**(•'.'•) · 11-09-2008 05:27 AM

ازاي تطفشي خطيبك

زهقتي منه؟
حاسه انك مش قادره تبصي في وشه؟
هنوريكي ازاي تطفشي خطيبك,خدي عندك ياستي:

وشك:كل ماتعرفي انه جايلك او عازمك على خروجه اقلبي نفسك قرده,زي مابتلعبي بالمكياج وتخلي نفسك قمر, اعملي العكس وخليه يبص في وشك, يعني يبصلك يلاقي بلياتشو

هدومك: مافيش اي مانع انك تستلفي شويه هدوم من الشغاله وتقطعي فيهم, ده طبعا مع البقع, يعني بقع بطيخ شغال,بقع طين مايضرش,بقع زفت مافيش مانع,بإختصار خليه يتكسف يجيب سيرتك قدام الناس
ولو قابلك في اي مكان ممكن يطلع من جيبه ربع جنيه ويزكي عن صحته

الريحه: اوعي تخليه يشم منك اي ريحه حلوه, ونوعي له في الروايح الفظيعه, اشي بصل واشي توم وعليهم شويه بنزين واياك تنسي الجاز في شعرك

اصحابك: مهم جدا تفهميه ان معظم اصحابك اولاد, وهم اللي بتخرجي معاهم, ومابعرفيش تنقي هدومك غير وهم معاكي, ولازم تأكدي عليه انك مش ممكن تستغني عنهم ابدا

وقيعه: ضروري تعملي وقيعه بينه وبين اهلك , يعني تقوليله مثلا, والله انا مكنتش عايزه اقولك علشان مازعلكش بس اعمل ايه في ضميري مش قادره اخدعك,ماما مش طايقاك وبتقول عليك طفس ودمك تقيل

مبدأ: اتمسكي بمبدأ من فات قديمه تاه, استعملي حيل سعاد حسني,الملح الانجليزي او اي دواء ملين واهريه عصير وكيك بالملينات ولو اتكلم قوليله .

**Spider GirL**(•'.'•) · 11-09-2008 05:57 AM

اية يا بنى الطرق دى كلها
كدة هطفشه ومش هتخطب تانى عشان مفيش واحد عاقل يتخبط فى عقله ويخطب واحدة مجنونة هههههههههههههه
خلى بالك لخطيبتك تعمل فيك كدة

**Dr_Matrix** · 11-09-2008 06:07 AM

ليه كده بس يا ويزو
هي البنات لاقيه رجاله
لما يطفشوهم
ياعم دول ما بيصدقوا يتخطبوا
حكاية التطفيش كانت موضه قديمه وخلصت
دلوقتي مادام الراجل كويس واخلاقه حلوه ومقتدر البت بدوس
تزهق بقى ما تزهقش يعني مش بقت بتفرق قوي

وعلى العموم هي مش حترضي تطفشني اصلها بتح.....

**Hot Ice** · 11-09-2008 06:13 AM

الحاجات دي من علي ايامي انا يا ويزوووو

فين ياعم الحاجات التكنولوجيه الجديده

**Haneen** · 11-09-2008 01:50 PM

هههههههههه
بالله شو؟
شكرا ويزو

**Wezooo**(•'.'•) · 11-09-2008 03:38 PM

لا مش تخافى
وبعدين انا بشكرك كتيييييييييير ليه بقى علشان انتى الواحيده اللى اختى بالك
من الطروق دى اصل مافيش واحد عاقل يخطب اساس
اما بقى اللى بحصل اننا بنتجنن قبل ما بناخد الخطوه دى

**Wezooo**(•'.'•) · 11-09-2008 03:45 PM

اصلها بتح انا بقى هكملهلك اصلها بتحلم
شكراااااااا ليك يا باشا على الرد الجميل
وعل رايك هما ما بصدقوا يلاقوا حد يخطبهم وبعدين يانت تخلص منها يااما هى تخلص عليك

**Wezooo**(•'.'•) · 11-09-2008 03:47 PM

يا عم هما بقى مش عارفين حاجه اسمها تكنولوجيه
وبعدين اثبت الدراسات العلميه ان الطرق دى هى الاحسن واساس فى علم التطفيش الحديث
وشكرااااااا ليك يا باشا

**Wezooo**(•'.'•) · 11-09-2008 03:48 PM

هههههههههه
يلااااااااا اى خدمه انا عارف انك ممكن ....
ونورتى الموضوع

**| Mannora ●** · 11-09-2008 04:23 PM

حلوه الطرق دى اوى بس اللى هتعملها تبقى حاجه من اتنين يا اتهبلت...يا اتهبلت...ههههههههههههه
وبعدين لو عايزه اطفش خطيبى هقوله بص بقى انا مش طايقاك وامشى من وشى والا............!!!!!
وهو عارف هيحصل ليه ايه........ههههههههههه
وشكرا يا باشا على الموضوع الجيل وعلى النصائح الاجمل