انت بتحب التغيير ولا الاستقرار؟!...ادخل وقولنا..

**..●●**آه...لو**●●..** · 08-09-2008 04:15 PM

ازيكوا يا مفكوكين

كان عندي موضوع حلو عاوز اخد رايكوا فيه

التغيير

ايه الحكايه؟!!
انا هقولكوا
فرضنا مثلا واستغفر الله يعني ان كلنا معانا فلوس كتيير اوي يعني مش عندنا مشاكل مع الفلوس
هل كل واحد فينا بيحب التغيير ولا الاستقرار
يعني نفرض مثلا انت انته معاك موبايل حلو ممكن تغيروا لمجرد انك عايز تغيروا يعني من غير ميبوظ ولا يتسرق حتى

ولا تحب الحاجه تفضل معاك ع طول

في غرفتك في البيت بتحب تخليها ع نظام معين ولا تحب تغير مكان السرير والدولاب والمكتب "ده ع اساس ان كل واحد فينا عندوا الحاجات دي"
وحتى تدهن الغرفه بلون تاني كل فتره ولا تحبها زي مهيا ومتغيرهاش
وطبعا زي مقلت الامكانيات الماديه موجوده
يلا عاوزكلو يقول رايوا بصراحه
انت من اللي بيحبوا التغيير قبل معادو ولا بتحب تستخدم الحاجه لغايه متبوظ او تضيع او يحصل شئ خارج عن ارادتك ؟!!

**Wezooo**(•'.'•) · 08-09-2008 04:26 PM

بص بقى يا معلم تيفه الموضوع جامد
انا بقى بحب التغيير بس بيكون دايمن فى حياتى يعنى بشوف ايه اللى بحبه واعمله وطبعااااا
بحاول اغير من الحاجات اللى الناس شيفها غلط فى حياتى
اما بقى التغيير علشان معايا فلوس فده حاجه تانيه انا بحب كل حاجه عندى يعنى بعتبر انها زكرى يعنى
مش ممكن اغير الموبايل اللى اول مره مسكته اما اى موبايل تانى ممكن اغيره
اانا بدلا معايا فلوس ممكن اقعد اشترى بس
لكن مش بحب اغير
يعنى ممكن اشترى شقه جديده وخلاص وسيب التانيه زى ما هيا

**..●●**آه...لو**●●..** · 08-09-2008 04:32 PM

ماشي يا عم الغني انا مقلتش غني اوي كده احنا لاقيين عشه فوق السطوح لما تقولي شقتين
وشكرا ع مرورك

**| Nadooosh ●** · 10-09-2008 03:45 AM

بص يا تيفة باشا

انا بأعتبارى بنت

فأكيد التغيير دة هيكون خصلة فيا

بس مش للدرجة الى انت بتحكى بيها دى

يعنى طالما انا معايا فلوس للدرجة دى
ممكن اغير الوان شقتى او العفش
ممكن اغير دهب وهدوم والحجات الظاهرية دى بشكل ممكن مستفز للناس الى حواليا

ممكن اغير موبايلى لو مفيهوش الامكانيات الى انا عايزاها بس لو كان فى الامكانيات المطلوبة
فأكيد مش هغير

لان انا بحس ان الناس الى بتعمل كدة بتبقى محدثة نعمة وعندهم سفة

بس عامة انا بحب الاعتدال
يعنى انا اغير بعد ما ازهق من الحاجة وانا مبزهقش بسرعة على الاقل بتاخد وقتها معايا

بس خلاص

**Hot Ice** · 10-09-2008 04:01 AM

كلام جميل وكلام معقول وفيه اراء كتير

شوف ياعم تيفا .. فيا حاجه غريبه أوي

بيحصل نوع من الارتباط الغير عادي بيني وبين

أي حاجه قعدت معايا فترة وارتبطت معاها بأحداث معينه

يعني حتي لو قلم له ذكري معايا استحاله ارميه

اول موبايل شلته مثلا فضل معايا لحد ماعربية داسته

مش ببالغ والله العظيم ومع ذلك عملتله كذا ( جراحه )

علشان ماافرطش فيه .. ولما بئا مجرد شاسيه سبته عندي

واضطريت آسفا أشتري واحد تاني ...

أما مايخص التغيير زي مثلا تغيير شكل ( الاوده ) مثلا

السرير مرة ورا الباب ومرة تحت الشباك .. ماشي

الالوان ممكن وهكذا .. بس

شكرا علي الموضوع ومعلش طولت عليك

**..●●**آه...لو**●●..** · 15-09-2008 05:50 AM

لا مطولتش ولا حاجه يا هوت ووجه نظرك وصلتلي انته ومنتوسه

**NeSsMa** · 23-09-2008 01:03 AM

بص فى حكاية ان يبقى معايا فلوس واغير عشان كده دى حاجة مش عارفة يمكن اما يكون معايا فلوس اتغير وابقى انسانة مستهترة مثلا وممكن أفضل على حالى وده ياريت يعنى.
بالنوسبة للتغيير فأنا بحب التغيير فعلا زى مثلا أوضتى كل فترة لازم اغير نظامها موبيلى ممكن اتبرى منه عادى لكن أصحابى وكده لأ فى الحاجات دى انا بحب الاستقرار لان دول مش بقدر انساهم

**ayota** · 25-06-2009 01:39 AM

بص يابشمهندس فى حجات التغير فيها مطلوب وحجات صعب قوى نغيرها سوء فى فلوس او مش متوفر بس من ناحية الموبيل والغرفة والدهان فاانا من راى ان لتغير فيهم بيحسنى ان الحياة بتتجدد او احيانابتريح الاعصاب بس فى حجات بردةمينفعشى ان ننغير حتى بجود الفوس زى الصحاب والحبايب ع الفرق ان فى ناس بتعتبرها زى الموبيل والسرير ويمن ارخص كمان وفى بردة حجات لايمكن تتغير لا بالفلوف ولا بعدمهم زى ماما ههههههه اكيد بهزر
بس بجد يا تفاتيفى موضوع لو فكرنا فيا بجد هنعف انها مهما قوى باااى

**!..!** · 25-06-2009 02:27 AM

فى حاجات صعب جداً انى اغيرها

حتى لو كانت خلاص متهالكه .. بتبقى عِشره

وذكريات سواء حلوة مرّه .. وحاجات كتير كدا

بس والله اللى ممكن استغنى عنه من اللحظه دى الكمبيوتر المستفز ده !!

غير كدا لأ ..

لكن بالنسبة للأوضة ممكن اظبط فيها شوية ديكورات بسيطة

كل فترة .. لكن برضه اغيرها نهائى لأ .. مش هتهون عليّا ..

**Beauty** · 25-06-2009 03:00 AM

انا بحب التغير اوى اوى فى كل حاجه
بالنسبه لاوضتى انى اغير مكان السرير فا ده لواحده موش كفايه
لازم اعمل تغير فى الشقه كلها وده لكسر الملل مش اكتر
اما الحاجات الشخصيه يعنى موبايلى الكمبيوتر بتاعى
ممكن اغيرهم لمجرد التغير بس مش معنى كده انى ارمى القديم
انا محتفظه باول موبايل جبته
بحب احتفظ بكل حاجه ليها معايا ذكريات
نايس توبيك وسورى طولت اوى فى الكلام