ايهما اخطر في نظرك؟

**Messi** · 08-09-2008 03:27 PM

أيهما اخطر؟
أيهما يفزعنا أكثر؟
رجالا ونساء
الفراغ ام الوحده ...؟
الوحدة أن يكون حولك ألف انسان
فلا تحس منهم بأحد
ولا نصف أحد
والفراغ أن يكون حولك كل البشر
تراهم.. وتحس بهم..
لكن وجودهم كالعدم
كلاهما خطير اذا..
وكلاهما من الآخر أخطر؟
خطر الوحدة أن معظم الرجال وحيدون
كمعظم النساء.. وحيدات
حولهن الأزواج والابناء
ويبقين وحيدات
فالوحدة إحساس.. لا انسان هنا أو هناك
ا لفراغ كالوحدة ايضا.. مجرد إحساس
لكنه إحساس يرتبط بالآخر
يرتبط دائما بغياب الآخر
عندما يكون مجرد شيء يتحرك..
يبكي ويضحك..
بلا مشاعر أو إحساس
فيبقى جسدا.. كباقي الاجساد
شيء من بشر.. وشيء من حجر..
وشيء من فتاة
هو قدرنا..
اننا خلقنا في عصر يحتضر فيه الحب
وتولد فيه الوحدة من رحم الفراغ
فأيهما أخطر ؟؟

منقول

**Dr_Matrix** · 08-09-2008 03:44 PM

الاتنين افظع من بعض والله يا مان
يارب ما يكتبها على حد لا الوحده ولا الفراغ لانهم عاملين زي الفيرس اللي بيموت الانسان على مدي طويل
الفراغ والوحده بيخلوا الانسان يشعر وكأن لا قيمة له في الدنيا وهم اول طريق النهايه
شكرا يا ابن عز على الموضوع الجامد ده

**Wezooo**(•'.'•) · 08-09-2008 03:54 PM

الله يامسى بجد موضوع جاااااااااااااامد بس انا شايف ان الوحده
هى اخطر ليه بقى لان الانسان الى اللى عايش منعزل عن الناس اول راح منه الحب
بيبقى حاسس بالوحده وطبعاااااا الفراغ ده بيجى بعد الشعور بالوحده يعنى لو الانسان
مش وحيد يعنى لاقى اللى يديله الامل اظن انه مش هيحس بالفراااغ تمام علشان الحياه هتبقى ليها معنى
وشكرااااااااااااااااااااا ليك ياعم مسى وانا شايف ان الوحده اخطر حاجه

**Spider GirL**(•'.'•) · 09-09-2008 10:37 PM

الفراغ نتيجة للوحده
شعور الوحدة واحنا بين الناس بيخلينا نتمنى اننا نعيش وحدة بجد اننا نعيش فى عالم لوحدنا معتقدين انه هيكون افضل من وحدتنا بين الناس ( عارفة ان هو مستحيل لكن بتكون مجرد احلام للهروب من وحدة مؤلمة )

شكرا احمد ع الموضوع بجد اثر فيا اوى حسيتك بتتكلم عنى (وحدة وفراغ زى ما انت وصفتهم ويمكن اكتر وللأسف معرفش اية السبب يمكن منى ويمكن من اللى حواليا )
اسفة انا اتكلمت كتير وخرجت عن الموضوع يمكن اسفة
الأتنين اصعب من بعض صدقنى

**● **Snow White** ●** · 10-09-2008 04:36 PM

والله ما حسه بفرق لأن فى الحالتين الأنسان لوحده سواء حاسس بيهم او مش حاسس أنت عارف أنك لوحدك و هيا دى المشكله وأعتقد أن الإنسان هوا إللى بيحط نفسه فى القالب ده أنو يبقى وحيد

هوا بيبقى ناتج عن حاله نفسيه أو انو بيبقى عقله و فكره مشغول بموقف أو أشخاص تانيه أو زعلان لدرجة انو مش قادر يحس بحد تانى

بصو بقى دا تقليفى كل الحوار ده أو تقدرو تقولو أستنتاجى من تجاربى فى الحياة لأنى معايشه من زمان

شكرا أحمد على التوبك

**Haneen** · 20-09-2008 06:24 AM

الوحده؟
الفراغ؟
الاتنين يخنقوا وحياة ربنا
شيء بيملل بجد
شكرا ميسي

**● **TiTaNiC LoVeR** ●** · 23-09-2008 11:41 PM

الشعور بالوحده شئ مؤلم ومحبط ويجعل الإنسان يشعر بالكآبة والحاجة للصديق والحبيب
ولكن للأسف لايجده
أما الفراغ هو أن يكون الناس حوله ولكن بلا فائدة فوجدودهم كعدمهم وهو شعور أيضا
مؤلم
ولكن من نظري الوحدة أصعب وأقوى على الإنسان
وان شاء الله يارب ماحد يشعر بهذا الشعور المؤلم ولا يحس فيه لأنه ان حس فيه هيعرف بعد كده قيمة الأحباب
والأصحاااب من حوله
ألف شكر يا احمد على الموضوع الرااااااااااااااااااائع