خطاب اخر زمن!!!!!!

**| Mannora ●** · 07-09-2008 02:28 AM

رابطة برسيم
لا لا دى
حبة ورود جابها محروس
داخل بيقول ماما ماما فين الأمورة
اول مادخلت شوفت المحروس
قلت لا دى مصر المحروسة
شخص قدامك اه بعنيين لكن دى مش عيون
دى ابسط مانقول حفرتين سوود مدلدل منهم حبة رموش
ويارتها رموش فيها حاجات صفراء ولازقة
ولما أساله يقول
ماما ماما فين الصابون
صابون ايه يامحروس ده انت بدك لتر جاز وكلور
خلاص خلاص
نسيت العيون طب الايدين
بخاف اسلم احسن ينسى المحروس ويبوس ملاقيش صابعى الصغيور وبعده ملاقيش اللى جنب الصغيور
ياساتر لما يجى يقول انا نفسى اقول بس مكسوف
قال ايه محروس مكسوف مكسوف من ايه (قال ايه عايز يروح الbath room)
خلاص خلاص
نسيت الحفرتين والايدين
طب اعمل ايه فى كرش المحروس
ده انا علشان اسلم
احسن لى اخليها لمس اكتاف
ياااااااااااااااااااااااا اااااااااااااااااه
دى الأخبار بتقول ان فى جاموس مطلوق
قلت
يكونش انت يامحروس
يا عريس الغفلة ياأمور
محروس عايز عروسة وأنا بقى لاقيت العروس
بنت اصول
جاموسة جبتهاله من السلخانة وهى بتقول
هاااااااااااهاااااااااااا اااا فين محروس انا كنت همووووووت
بحبك يامحروس قال ايه الندل ساب حبيبته
وجاى يقول
ماما ماما فين الأمورة
يلا ايامنا عجب والرجاله بقى دى حالها ربنا يرحم ايام زمان
لما كان فى رجاله
معلش يا بنات ده حال الدنيا ولكن فرج الله قريب
ههههههههههههههههههههههههه هه

**Hot Ice** · 07-09-2008 04:21 AM

اللهم اني داخل علي صياااااااام !!

وللسبب المذكور عاليه مش هرد عليكي يا جي جي !

ولا اقولك خليها بيني وبينك .. وكلي كويس علشان

تستحملي اللي هيحصلك .. قال حال الرجاله قال !!

..........

**| Mannora ●** · 07-09-2008 06:50 AM

معلش يا باشا انت الكبير
بس هو دا الحال ولو فى قله قليله من الشباب اللى كان زى زمان
شهامه ومروءه وجدعان وكده يعنى اما الايام دى الاغلبيه
والله ما انا عارفه اوصفهم بس مفيش حاجه عندهم من اللى انا قولتها خالص
وشكرا على مرورك ويسعدنى ديما انك ترد على موضوعاتى:X:X

**Hot Ice** · 07-09-2008 07:18 AM

أه كدا ممكن نلغي التهديد والوعيد السالف ذكره

لأن كدا الكلام مختلف .. كدا الكلام علي شباب الايام

المايله زي وسط أي وسط مايل حتي لو وسط البلد !

كدا انا معاكي لأني ضد الموجه اللي بدأت تاخد الشباب وأتمني يكونوا قلة

لعمق بحر عمرهم مانزلوه ولا مبادئنا ولا شرقيتنا ولا قيمنا تسمح

بنزوله .. ممكن نقول لطريق ابعد مايكون عن الرجوله !!

نجحتي في تحييدي .. واسف للرغي الكتير وتقبلي مروري

**| Mannora ●** · 07-09-2008 07:47 AM

شكرا لردك بس واللهدا اللى بيحصل
وهقولك مثال صغير حصل معايا شخصيا مثلا فى الموصلات والدنيا زحمه جدا لان موصلات بلدنا زحمه اوى والوقت متأخر وعايزين نروح علشان اتأخرنا مش الشباب يقولو دول بنات والمفروض يجوا على نفسهم شويه وهم عادى لمل يتأخرو اما احنا فيها مشاكل ولكن تلاقى الشاب من دول ولقف يزاحم ويزق كأن اللى واقفه دى ولد مش بنت ولا يهمه خالص المهم يروح وكمان نادر الولاد اللى ما تلاقى بنت واقفه ويسيب مكانه ليها
وغيروا وغيروا بس الواحد كاتم فى نفسه وساكت