خاص بدكاترة فكك مني

**| **Silent Guardian** ●** · 03-09-2008 11:50 PM

شباب
انا عندي صدااااااااااااع 24 ساعة في اليوم
سبع ايام في الاسبوع
365 يوم في السنة
الكلام ده من سنتين
صداع متواصل مبينتهيش في مقدمة الرأس
كشفت اكتر من مرة و معظم التشخصيات كانت ارهاق و الحل في الراحة
بس مفيش حل .. و لا راحة و لا نوم و لا شغل و لا اي حاجة
حد عنده فكرة؟
و اللاه اكبر دماغي
بس بجد خلاص دماغي كبرت قوي لدرجة اني مش بعرف ادخلها من التيشرت
سلاموعليكم

**| Mannora ●** · 04-09-2008 12:13 AM

مصطفى ممكن تكشف عند دكتور مخ واعصاب

وممكن يكون الصداع ده سوء تغذيه او ارهاق وقله نوم حاول تاكل كويس اكل به فيتامينات ومغذى مش دليفرى وكمان ريح نفسك يا ريس شويه صحتك عندنا بالدنيا وانت الكبير بتاعنا

**| Mannora ●** · 04-09-2008 12:18 AM

كان ليا واحده صحبتى كانت حالتها كده والكتور قال لها دى حاجه نفسيه ويا معلم لو مضايق من حاجه ولا يهمك مش هناخد من الدنيا حاجه وروق كده وان شاء الله خير ومفيش حاجه خطيره

**Dr_Matrix** · 05-09-2008 06:18 AM

بطل اللي انت بتعمله وانت تبقى كويس
واخد بالك انت معايا
وعدي عليا في الصيدليه وانا حشهيصك وحخليك تعمل دماغ اخليك تجيب صداع للصداع نفسه

**| **المقصرة في حق الله** ●** · 05-09-2008 10:08 AM

الف سلامة روح لدكتور عيون ماي بي من عنيك اصل انا دخلت طب من يومين

**| **Silent Guardian** ●** · 08-09-2008 05:40 PM

هو انا فعلا التخصص الوحيد اللي مش روحته هو مخ و اعصاب
و بما ان ابويا جاله العصبي لاني مش بعمله اي حاجة بسبب الصداع ده
فكان بيقترح عليا من كام يوم حوار الكشف تاني
بس انا قلتله ربنا يسهل لما اخلص التدريب و افضى هشوف
اما حوار الاكل ,, غصب عن عين ابويا لازم يبقى ديليفري 5 ايام في الاسبوع على الاقل
و السبب معروف يعني
احنا 14 ساعة في الشارع , طبيعي لازم يكون كله ديليفري

انا شاكك اساسا ان ده السبب فعلا

بس مكبر دماغي ..
مطنش

لا مش واخد بالي

و بخصوص الصيدلية, ممكن نتقابل بقى فيالجامعة و نشوف الموضوع

بس فهمني عشان مش فاهم

ههههههههههههههههه
ممكن برده
كل حاجة ممكنة
بس ربنا يسهل و ان شاء الله الصداع ده يروح لحاله

**| **Silent Guardian** ●** · 08-09-2008 05:42 PM

اتقدم باجمل كلمات الشكر لجيجي و ماتريكس و ميني على الاهتمام
و ان شاء الله كله هيبقى تمام

**..●●**آه...لو**●●..** · 08-09-2008 05:47 PM

الف سلامه عليكي يا شومانتي يا صغنطوطه
تعالى اقعد يومين عندي وانا انسيك اسمك
و هخليك تقولي انا زهقت
انا عاوز اصدع

**Hot Ice** · 08-09-2008 06:23 PM

اولا الف سلامه عليك ياشومان ..

ثانيا بما اني راسب طب قديم .. مسببات الصداع كتير جدا

هقولك وانت شوف كدا ايه ممكن ينطبق عليك

1 - قيس الضغط ممكن يكون عالي أو واطي

2 - لو بتشكي من حاجه في الجيوب الانفيه دا ممكن يعمل الصداع

ده خصوصا لو كان يميل لاتجاه الجبهه أو مؤخرة الرأس .

3 - لو بتلبس نظارة راجع حالتها ممكن يكون الزمن بهدلها ومحتاجه تتغير

او حتي لو مش بتلبس وبدأت تحس بأعراض الزغلله او عدم وضوح الرؤيه .

4 _ لو عندك مشاكل في الجهاز الهضمي ( امساك مثلا ) دا يعمل صداع .

5 _ سؤ التغذيه والارهاق اللي ممكن يوصل لحالة الانيميا برضه يعمل كدا

** المهم انصح سيادتك بأيه هتراجع كل اللي فوق ده وتلاشي الموجود منه

* اذا ماكانش اي حاجه موجوده عندك من اللي فوق يبقي تروح معمل تحاليل

طبيه وتعمل صورة دم كامله للأطمئنان علي نسبة الهيموجلوبين والصفائح

** اخر حاجة بئا تراجع طبيب مخ وأعصاب

** لو كل ده فشل اديني رنه وسيبلي نفسك علشان هنبحث بئا في الناحيه الروحانيه !!

الف سلامه عليك يا شومان وربنا يشفيك ويعافيك .