صايم ولا زى كل سنه ؟؟؟

**Messi** · 30-08-2008 07:21 PM

كل عام وانتم بخير

رمضان كريم

ها ياترى صايمين ولا زى كل سنه ؟؟؟

زى كل سنه طبعا

(( رمضان جانا و فرحنا به بعد غيبه اهلا رمضان ))

ياااه الواحد مش مصدق ان رمضان جايه والايام الجميله والزينه والانوار تغرق الشوارع

والصلاه والقران وحجات حلوه كتير

ويا سلام على الاكل ساعه الفطار والمدافع بيضرب والعيله و اللامه

والخير بيزيد و الايام بتحل عليها البركه

وبعد الفطار

يترمى نص الاكل (( بجد بحس الناس مش بتاكل غير فى رمضان ))

ونخش

على طابور مسلسلات تخلص واحد تدخل على واحد و هكذا ......... الخ

وننسى القران والصيام وشهر رمضان

وتبداء المسخره ونضيع صيام طول النهار

اوووبااا نسيت الحلويات قوم هات قمر الدين والكنافه والقطايف ومتنساش الجولاش ياولاه

اصلى صايم طول النهار وجعان

(( شوفت مسلسل نور الشريف الجديد

لا لا مسلسل ليلى علوى احلى :X

ياعم انت مش بتفهم بتاع نور الشريف احلى واكشن

لا فكك مفيش احلى من ليلى علوى ده حتى الدنيا حر والناس كلها خلعه هدومها ))

ويخلص رمضان على كده ونضيع ثواب كبير

ماهو الالتزام مش بالنهار وانت صايم بس ..!!!

المفروض نقفل التليفزيون ونعمل اكل على الاد

ده حتى الشيطان محبوس طول رمضان ( يعنى مفيش زن )

بس هو كده الانسان صاحب نفس اماره بالسواء

اتمنى تكون فهمت ان رمضان مش اكل ومسلسلات

دى فرصه تقرب فيها من ربنا وتعوض جزء من الى فات

كل سنه وانتم طيبين

**● **Snow White** ●** · 30-08-2008 08:57 PM

وأنت طيب يا احمد

بس أنا والله بقالى كتير مش بتفرج على مسخرات(مسلسلات) رمضان مع أنى بيتشرح عليها حجات فى الكليه

و على العموم شكرا انك فكرتنا و إن شاء الله رمضان السنادى أحبى و أجمل من كل سنه و هنعرف نقدره بجد إن شاء الله

**| Mannora ●** · 31-08-2008 12:03 AM

والله بجد عندك حق بس انا من رأيى
فى امل الواحد من كتر المسلسلات
بقى بيمل ويقول اروح اصلى احسن
وشكرا على الموضوع وكل سنه وانت طيب

**Spider GirL**(•'.'•) · 31-08-2008 04:46 AM

كل سنة وانت طيب أحمد
والحمد لله الواحد ما بيتبعش مسلسلات لا فى رمضان ولا غير رمضان
المهم اننا نستغل رمضان السنة دى كويس

**MeEeGoOoO**(•'.'•) · 31-08-2008 05:01 AM

كل سنه وانتا طيب يا احمد
وجزاك الله كل خير

**Dr_Matrix** · 31-08-2008 04:50 PM

كل سنه وانت طيب يا اونكل احمد
ورمضان كريم
بس انا زعلان الناس عندنا هنا مش محسسني ان رمضان بكره
واااااااااااااااااااااء
وبالنسبه للمسلسلات انشاء الله مش حنكتر هو مسلسل واحد بس
اما الحلويات بقى مش اوعدك

هابي رمضان يا مان

**raheeq** · 31-08-2008 07:17 PM

كلام 100% وان شاء الله نكون من الصالحين
ورمضان كريم

**| Nadooosh ●** · 01-09-2008 02:30 AM

وانت طيب يا احمد باشا

وان شاء الله يكون رمضان السنة دى كل غير كل الى فاتوا

ونتمنى اننا نديلة حقة

ربنا يقدرنا

ويبدل حسناتنا سيئات فى الشهر الفضيل دة

شكرا على التوبيك
وكل سنة وانت طيب

**● **TiTaNiC LoVeR** ●** · 01-09-2008 02:32 AM

كل سنه وانت طيب يا احمد
ان شاء الله انا بستغل رمضان كويس
بس هو مسلسل واحد بس اللى بتفرج عليه وكفايه عليا
وكمان مابكملوش
وكمان ده شهر فى السنه
فبستغل الايام القليله دى فى الخير
وكل سنه وحضرتك طيب