ياشباب حافظوا على كرامتكم أنتم غاليين ولا تهينوا أنفسكم في المعاكسات

**بسكوتة** · 24-08-2008 11:19 PM

قد يؤلمني كثيراً أن أرى شاب من الشباب أو مجموعة من الشباب يقفون على ناصية شارع من الشوارع لمعاكسة الفتيات ، أو يعاكسون بالتليفون أو غيرها من فنون المعاكسات التي لا تنتهي

أو عندما اسمع عن التحرش ( عافانا الله ) تعرضت له فتاة في مكان من الأماكن

الصراحة ، بعض الشباب خلوا سمعة الشباب أصبحت في الطين

أين
الكرامـــــــــــــــــــ ـــــــــــة

لن أتكلم في الموضوع من منطلق الحلال والحرام الآن ولكن أين الكرامة ؟

كيف لا يخجل شاب من نفسه وهو يسمع كلمة لا تسره من فتاة أو سباب ، كيف يرضى أن يذل نفسه بهذه الطريقة ؟ حافظ على كرامتك وكن عزيز النفس ، يعني بالله عليك لو نفس هذه الكلمة قالتها لك أختك أو أخوك بضحك أو مزاح ، ماذا ستفعل ... وقتها الشاب يعمل إن عنده كرامـــــــــــــــة

طيب بالمثل المصري ... خلي الطابق مستور

أنت إنسان قد كرمك الله فلا تفعل ما يهدم مروءتك ، نريد أن يعود الشباب للعفاف مرة أخرى ، حتى وإن كنت تجد في نفسك ميل للجنس الآخر ، فهذا بيكون بالمعروف وبالطريق الذي أحله الله ، لا يكون بالمعاكسة

الصراحة عندما اسمع عن جرائم المعاكسات والاغتصاب والتحرش وغيرها ، احزن بشدة واخجل (لاأعترض أبداً على قضاء الله ، ولكني أبوح لكم بشيء يحز في نفسي )

وكأني اسمع اتهامات كثيرة من الفتيات إن الشباب كذا وكذا ............. وما بيجروا إلا وراء شهواتهم ، هل يسرك أن تسمع هذا الكلام ؟

يعني نفسي أقول للشباب الذي لا يبالون ويتحرشون بالفتيات .... كفاية بقى بجد فضحتوااااااا الشباب، حرام عليكم

أرجو من إخواني الشباب يكون عندهم حياء وعفاف يفوق البنات ( العفيفات طبعاً )

وللعلم بعض الفتيات ( الكاسبات العاريات ) هداهن الله يخرجن للشارع ويتزين ونفسهم حد يعاكسهم ، فأنت لو ما عبرتهم ، تكون نصرت دين الله لأنهن بعد ذلك سيحتشمون في ملابسهم التي يظنون أن الشباب بيعاكسوهم علشانها ، والشيء الثاني ستكون سبب في عدم تشجيعم وتماديهم في المعصية وتوقيفهم

نريد أن نقتدي بالصحابي الجليل عثمان بن عفان رضي الله عنه الذي كانت تستحي من الملائكة ، وقبله نبينا محمد صلى الله عليه وسلم الذي كان أشد حياءاً من العذراء في خدرها ، ويوسف الصديق عليه السلام ، وغيره الكثير ، فقصص السلف تمتلئ بقصص أصحاب العفاف

لا للمعاكسات ... نعم لرضى الله والحفاظ على الكرامة وعزة النفس والرأس مرفوعة

**بسكوتة** · 24-08-2008 11:21 PM

اه نسيت أقول ان الموضوع منقوووول

وكنت اتمنى انى اكون انا اللى كتباه

**igetmylovestory** · 24-08-2008 11:51 PM

والله معاكى حق بس تفتكرى ان
الحل عند الشباب بس ؟؟؟؟؟؟؟؟
تعالى نفكر بعقل الشاب ليه بيتحرش بالبنت او بيعاكسها ؟؟
هل هو اتولد كده ممكن يكون اتربى غلط او حتى مترباش
بس البنت هى اللى سهلت له الفرصه فخلت نسبة مقاومته ضعيفة
وعلى فكره انا مش بقول ان الشباب مش غلطانين
بس الموضوع لازم يتحل من الاهل الاول
لازم الاهل يشوفوا بنتهم لابسه ايه قبل متنزل من البيت
ولازم الاب يسأل ابنه انت اتأخرت ليه انهارده كنت فين وبتعمل ايه
كده الموضوع ممكن يتظبط شويه
وارجو ان تتقبلى مرورى

**| **Silent Guardian** ●** · 25-08-2008 03:43 AM

انا برده منكرش اني في يوم من الايام عاكست بنات
بس سوري انا عمري ما عاكست بنت من الباب للطاق كده
كانت دايما هي اللي بتثير اللي قدامها انه يعاكسها
محدش بيعاكس اي حد سواءا ولد او بنت من غير السبب الا المرضى النفسيين
غير كده انا مش هتريق على حد او اعاكسه الا لو استفزني
و انا لو عاكست عمرها ما كانت بغرض التعارف
اساسا لو بنت قبلت انها تتعارف عليا عشان انا ضايقتها تبقى مش ....
انما بتبقى المعاكسة بغرض التريقة ليس الا .. يمكن تحس بالغلط اللي هي عاملاه
شوفتوا , طلعت من دور الغلطان الى المصلح

المشكلة في الطرفين و محدش بيعاكس حد الا لو كان مريييييييييييييييييييييض نفسي عايز يتعالج

**Criss Angel** · 25-08-2008 04:00 AM

طبعا أنا موافق على كل كلمه جميله إتقالت في الموضوع
بس ده من وجهة نظر ديقه جدا
مسألناش نفسنا اللي بيعاكس ده بيعاكس ليه
ياااااااااااااااااااااااا اااااااااااااه في ملايين ملايين الأسباب
و منكن أطلعلك العالم كله غلطان فيها
طبعا مننكرش إن الولد بردو غلطان لكن بنسبه أقل كتير من اللي بنحملهالوه
يعني لو البنت دي محترمه و محجبه حد هيعكسها ؟؟؟
إستحااااااااااااله و إلا يبقى مريض و في حاجه مش مظبوطه
لو البنت دي في حالها و مشيه مشي عدل غالبا محدش حيعاكسها
طيب تعالو نكبر دايرة الإتهام ;)
لو إحنا عايشيين في مجتمع بينظر للمرأه بالظبط كما ينظر للرجل
يعني لو إحنا بنقول إن البنت زيها زي الولد و الكلام ده إترسخ في دماغ الأطفال من الأول حيبقى الولد مع البنت غالبا مجرد زميله دراسه أو عمل
واحد طالع يقوللي يعني الشهوه حتتلغي ؟؟؟ لأ طبعا بس حنحصر جموحها !!! يعني إيه ؟؟؟
تعاله نبص للوضع الحالي
البنت في نظر الناس إتولدت عشان تلاقي اللي يتجوزها و يأكلها و يشربها !!
من الآخر لازم تبقى مزه جامده عشان تجذب عرسان أكتر و والنبي محدش يقول إن الكلام ده غلط !!! طبعا مش عند كل الناس في ناس تفكيرها أرقى من كده بكتير لكن الأغلبيه زي ما بقول كده فتلاقي البنت ماشيه و هيه عامله زي المغناطيس و الشباب لمؤاخذه مش ملايكه !!
****
في معظم مدارس الحكومه الإبتدائيه و الإعداديه و الثنويه الولد لوحده و البنت لوحدها
طيب ده بيعمل إيه ؟؟؟ الممنوع مرغوب
همه ليه باعدين البنات عني ؟؟ طب أنا بقى حقابل البنت و حكلمها و أعاكسها و أمشي معاها و كده
طيب حتى لو معملش كده
حيجي في الكليه بقى يرجع مع البنات فجأه
عنده تعطش و دي حاجه جديده و غريبه ( إقفشششششششش ) ههههههههه
فهمتوني ؟؟
من الآخر يا إمه نبقى مختلط على طول فحيبقى وجود بنت جنبي محترمه كانت أو غير محترمه أمر معتاد و لا يجذب إنتباهي إلا البنت اللي بجد هحترمها و هحبها و ساعتها أكيد مش حرضى إني أعاكسها
يا إمه نمنع الإخطلات خالص لحد ما نطلع من السن الحرج ( سن المراهقه )!!!!!!!
************
موضوع جميل
شكرا