يا ارض

[فراشة الاسلام]

يا ارض ما تحزنيش
انا و الشهيد اخوات
انا ال مش عايش
لكنه هو ما مات
انا ال عشت اعمى
لكنه شاف حقك

فكان نصيبه حداد
يومين و يتعدوا
اوقات و بيعدوا
و الشعر لو يتكتب
رح يتكتب بعده
حتى القصايد ورق
و الحبر رح ينسى
و الحزن ليه اتخلق
و بعده ليه بسهى
واكتب ف شعر جديد
و شوية بنعاني
يومين و بالتحديد
اكتب و اقول تاني
نفس الكلام يتعاد
لكنه مش بمعاد
و ادي الورق بيزيد
و اهتف و اقول الحقوق
و احس اني بفوق
و ارجع لبيتي انسى
و الحلم يبقى بعيد
اصحى و فك القيود
زي ال مات ع الحدود
حاول تشوف الفروق
بين الحياة و الموت
احنا الشباب و بجد
مش باقي منا كتير
علشان نحط لكو حد
و ننادي بالتغير
طب مين هيبني الوطن
و يبدأ التعمير
اصبح نصيبنا الكفن
علشان يعيش الغير
يا جندي رحت بلاش
و احنا اتغدر بينا
بس احنا ما قدرناش
و سكتنا و مشينا
ياجندي سامحني
انا عشت طول الدهر
و ضهر..كان محني
موتك يا جندي خلاص
كشفني و فضحني
اوعى تكون زعلان
ما انا اصلي لو انسان
كنت ارفض النسيان
ولا اخلي يأس الحياة
ف لحظة يلمحنى

---------- تم إضافة المشاركة في 09:04 pm ---------- المشاركة السابقة كانت في 09:01 pm ----------

هو الخط ما عرفش عمل كدة ليه ولا ايه اللى حصل بس المهم دى اخر حاجة انا كتبتها ومن قلبى

---------- تم إضافة المشاركة في 09:29 PM ---------- المشاركة السابقة كانت في 09:04 PM ----------

انا اولا كتبت الكلام ده وهو بجد من جوايا ومن اللى انا شوفته بعينى وحسيتى انا من مديبنة للأسف ماقمتش فيها ثورة كانوا بيكتفوا بس باتباع الاخبار اى نعم كان فى لجان شعبية وبعض مظاهر البلطجة ظهرت بعد الثورة بسبب الفوضى بس لما لقيت البلد ولما لقيت ان ما فيش حد هيستجيب ليا روحت القاهرة وميدان التحرير ويوم الغضب وموقعة الجمل كله حصل قدامى واحنا تقريبا كنا سبعة رجعنا تلاتة بس يعنى اربعة من اعز اصحابى ماتوا فى الثورة هما مش اصحابى بس دول اخواتى واكتر وماحدش حس بحاجة اه شهداء وحقهم ودمهم والاعلام والكلام ده لكن ما كسبناش او ما حصلش حاججة غير قهرة لالام والاب على اولادهم واقهرنا احنا عليهم محدش متخيل ايه احساسك لما حد من اخواتك يموت قدامك وانت مش عارف تعمل لا واللى بيقتله هو المفروض اللى يحميك ويحيمه بجد اصعب احساس حسيته كنت حاسة بزنب كبييييييير اوووووووووووووى لأنى السبب فى انى شجعتهم على انهم يجوا معايا مش عارفة هو قدر بس انك تتخيل انه كان ممكن ميحصلش لو انت ما قررتش وخصوصا لو كان فى فراق واحد ولا موقعة الجمل واللى حصل فيها لا اعلام ولا فديهوات ولا غيره وضح اللى حصل بالظبط ولا اللى ماتوا ماتوا ازاى



عدى وعدى وعدى ايااام لحد ما قرار التحى اتقال يوميها انا حسيت بفرحة وسعادة محستهاش فى حياتى كلها حسيت ان جزء من احلام الشهداء اتححقق اللى هما ماتوا عشانوا بس فى حاجة حصلت فجاة لقينا الاخوان وناس غريبة ماكتش معانا من الاول بدات تدخل وبدأت حاجات كتيرة غريبة تحصل فى الاول يمكن ما فهمتاش بس اللى فهمته بعدها بشوية ان الثورة اتسرقت مين اللى سرقها معرفش بس المتأكدة منه ان الاخوان جزء منه وعلى فكرة انا مش ضدضهم ولا ضد اى حد ويمكن لما ناس تقرأ الكلام ده تقول ان هى بدور وبتلف عشان كدة لا لا لا انا بقول اللى حصل واللى ناس كتير مش تعرفه المهم رجعنا بلدنا وفرحنا وانتوا ابطال وانتوا اللى شيلتوا النظام والكلام ده بس بجد اصعب حاجة اونت داخل على اهل الشهيد مش عارف تقول ايه

وبعدين الهوجة ولالنتخابات اللى حصل والكلام ده اولا انا مشركتش فى اى حاجة مش سلبية بس ما حبتش اشترك فى حاجة هتضر بلدى لأ نى بعد الثورة وبعد التنحى الميدان والناس اللى فى الميدان مش الثوواار الاحرار لأ مش هما دول قررت انى ابعد خاااالص فهمت وقتها ان البلد خلاااااااااااااااص مش هتبقى احسن فى ناس كتير استغربت من رأى ده ومن تصرفاتى وانتى ازاى وانتى امتى وانتى بتكلمى ازاى واحنا داخلين على ديمقراطية وحرية وانا كلمتى الوحيدة لكى الله يا مصر

ولما الللى حصل حصل ومرسى وصل قررت اصبر واصبر واصبر وانا لما بقيت ضده بفيت ضده فى موقف واحد لما راحوا الاتحادية مش دستور مش غيره بجد الموقف ده اللى خلاه فى نظرى ولا حاجة يمكن هو راسى وعليا احترامه بس الدستور اللى يتبنى على دم شهداء مينفعش يبقى حكم للمسلمين


ومن الاخر حق الشهيد راح حق اللى ماتوا راح وحق اللى هيموتوا هيروح وانا تعبت وبجد نفسى ربنا يرحنى


وانا اسفة على التطويل بس كان لازم اقوووووووووووول اللى جواااااااااااااية كله

[Wezooo(•'.'•)]

الله كلام جميل جدااااااااااااااااااااااا ااا
ويلااااااااا استمرى وطول ما فى مرسى انا عارف انك هتكتبى كتييييييييييييير

[فراشة الاسلام]

ههههههههههههههههههههههههه هههههههههههه طبعا ده مرسى ده اخ اخ اخ اخ والمشكلة ان احنا عارفين ده من الاول بس كنا بنكدب نفسنا يلا اما نشوف اخرتها معاه او اخرتنا احنا معاه

وهستمر

وشكرا

[Wezooo(•'.'•)]

طول ما فى مرسى فى بلاوووى شوفتى حصل ايه قى السعوديه عاوزين حاجه بقى
يكون بدايتها يافقر طول ما انت ماشى سبت فى كل بلد مصايب
قطرات واتوبيسات وتاكسيات اصبحت للموت حارس
دى بلد عيشين فيها ولا قبر وانت علينا وارث

كملى انتى بقى انا الفتها حالاااا وانا بكتب الكومنت