مش كل حاجة !

[wHm]

مش كل حاجة بنتمناها وعايزنها هتكون سبب سعادتنا ..

بالعكس ممكن تكون سبب تعاستنا لآخر يوم في عمرنا

ومش كل حاجة بتلمع بتكون دهب .. الإنسان كدا برضه

مش كل حاجة ضاعت مننا نبكي عليها .. ده إختبار من ربنا

وعايز يشوفنا هنكون أقوى بيه ولّا هنضعف ونضيع !

كان في كتاب ضاع مني من حوالي 7 سنين كنت زعلانة جدًا عليه ودورت عليه كتييييييير

وأخيرًا لاقيته من يومين ... فرحت جدًا وفتحته ..و يارتني ما فتحته

ضيعت كتير من عمري وأنا بدوّر عليه !!

تاني ..مش كل حاجة ممكن تتعبك وعايزها وبتحارب الدنيا علشانها هتكون سبب سعادتك

خليك إنت سبب سعادة نفسك .. متستناش حد يسعدك .. وحاول إنت تسعد غيرك !!

وتوكل دايمًا على الله وخلي نيتك صادقة مع ربنا


ــــــــــــــــــــ

كل سنة وإنتوا طيبين

[Wezooo(•'.'•)]

اولا كل سنه وانتى طيبه
ثانيا الموضوع بجد تحفه وجميل جداااااااا
فعلا لازم ندور على سبب سعدتنا جوانا ومننتظرش حاجه قد تكون سبب سعدتنا او تعستنا بمعنى لا ننتظر شئ بل نسعى اليه

[wHm]

وإنت طيب يا أ/ ويزو

على فكرة في حاجات ممكن نسعى إليها وتبقى مجنونة .. ونهايتها ضلمة .. لازمن لازمن نتعقل ونستعين بالله

ومتسألنيش يعني إيه لازمن

وياريت الخط والألوان تاخد بالك منهم

[| Silent Guardian ●]

و انتي طيبة يا وهم
و انا شايف ان التوبيك ده يعني واحد من افضل الهدايا اللي كان ممكن تهادينا بيها في الشهر الكريم ده
حلو جدا
نحو مزيدا من الابداع

[wHm]

ربنا يكرمك يا مصطفى ..

والتوبيك ينفع كل اللي يشوفه

[فراشة الاسلام]

وانتى طيبة

بجد التوبيك حلو اوى وفعلا مش كل حاجة احنا بنتمناها تحصلنا او نلقيها بتبقى هى السعادة

االسعاده مهما كانت كبيره امور كتيرة يبقى ينقصها شي مهم .
انا اعتقد ان السعاده هي الايمان بالله عز وجل والتقرب له .
والسعاده هي القناعة بما قدر الله لك في حياتك .
وهذه اجمل سعاده بالدنيا والأخره .

[..●●آه...لو●●..]

ممممممم
مش لازمن نكون علطول عقلانين
الحياة تتطلب بعض الجنون حتى لا يطغى العقل ع الحياة ويجعلها بطيئه نوعا ما
فيه حاجات بتحتاج نجربها ونحكم من خلالها
انما لو قعدنا قدامها كتير بنفكر هي دي كويسة ولا وحشة
ممكن العمر يضيع فعلا
بالاضافة هتعرفي اذا كان عندك القدرة عن التراجع في منتصف طريق الخطأ عند ادراك انو خطأ
ولا هيمنعك الكبرياء من ده وتقولي اهو طريق احسن من مافيش
انا شايف اننا نعطي كل حاجة حقها نفكر شوية ولو موصلناش مش هنخسر كتير ادينا بنتعلم وبنجرب
اهي وجة نظر قد تصيب قد تخيب ولكنها تزال قائمة
وكل سنة وانتي طيبة ورمضان كريم وبعودة الأيام
وجودك يعطي رونقك للمنتدى

[Messi]

[CENTER]

[color=#800080][size=4][b]ماشاء الله فى موضوع فى المنتدى وصل سبع ردود وده التامن !!!!
ايه الرد ده؟ مين اللى عمله؟
ياشومان المنتدى بيالف الردود
ده الرد اللى انا رديته امبارح

[wHm]

جميل جدًا كلامك ..

قدرتنا على التقرب لله هي أساس السعادة

وبنقدر نحقق كل اللي بنتمناه في حياتنا وبالتالي ربنا مش هيضيعنا طالما إحنا معاه !!

شكرًا ليكِ يا فراشة

---------- تم إضافة المشاركة في 12:22 am ---------- المشاركة السابقة كانت في 12:12 am ----------

وفي حاجات يا مصطفي مينفعش فيها المجاذفة أو الجنون

هنخسر أكتر ما هنتعلم

و ميمنعش إننا نحاول ونجرب ونجاذف بس في حاجة عارفين إنها مش هتخسرنا نفسنا وحياتنا كلها

علشان لحظة وهــــم !

---------- تم إضافة المشاركة في 12:45 AM ---------- المشاركة السابقة كانت في 12:22 AM ----------

QUOTE=Messi;383146]b]ماشاء الله فى موضوع فى المنتدى وصل سبع ردود وده التامن !!!![/QUOTE]

ما شاء الله وده الــ 11 !!

[Messi]

انا عدلت ردى