كـيـف تـعـرف الـمـصـري من بين الناس ؟

[| لولا ●]

لو اديت لواحد فلوس... وبدأ يعدها بصوت عالي وبدأ بقوله الله واحد .. ومع الورقة الثانية مالوش تاني، ومع الورقة الثالثة: العدد ثلاثة .. يبقي أكيد مصري ابن مصري

. لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
...
. إذا سمعته بعد أن يضحك يقول " خير اللهم إجعله خير " .. فتأكد أنه مصري ...

. لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري ...

. لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا

. لو دخلت عليه وكان بياكل ولو حتى عيش حاف لازم يقولك اتفضل الأكل ويعيدها عليك ثلاث أربع مرات

. و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض ........................ هم دول المصريين

. لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

. لما تلاقي سيدة في الرايحة والجاية عمالة تدعي لأولادها ... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين

.لو شفت واحد ماشى فى الشارع وفجاه مد ايده على لقمه عيش مرميه على الارض ورفعها على راسه وباسها قبل ما يحطها جنب الحيط يبقى اكيد مصرى

.لو شفت عامل اول ما ياخد اجرته قام رفعها على راسه وباسها وحمد ربنا يبقى مصرى ابن مصرى

. لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

.. لما تيجي تدفع الأجرة لواحد أول مرة تعرفه، يحلف عليك تخلي بأه. هو مصرىىىىى

.. لما تلاقي ست البيت بتحوش برطمانات المربي الفاضية وعلب الحلاوة سنين طوال بدون استخدام يبقي أكيد دي مصرية اصيله

..لما تلاقى واحد فى بلد غريبه عمره مازارها قبل كده وعرف ناس من اول يوم ليه مصرى ابن ستين مصرى

.. ولما تلاقى شعب فى اكبر ازمه بيمر بيها ... مابيناسش يضحك
ويضحك اللى حوليه
وكل العالم يتكلم عليه ....
يبقى انت اكيد تقصد اعظم شعب ... شعب مصر

عجبتنى جدا فنقلتها لان اى حد مصرى أكيد بييعمل كل ده
ياللا اللى عنده دلائل على المصرى يكتبها
مش عايزه كسل

[فراشة الاسلام]

هى حلوة اوىىىى بجد

انا هقول حاجة يمكن معروفة كتيييييير بس انا بحبها اوى ى ى ى ى وبجد بتأثر فيا

لما تلاقى فى جرحك الف عين تبكى عليك وتلاقى فى فرحك زغريد وزينة من حوليك يبقى اكيد انت فى مصر واللى حوليك مصريين



وتسلم ايديكى على التوبيك الجميل ده يا قمر

[..●●آه...لو●●..]

. لما تلاقي ست البيت بتحوش برطمانات المربي الفاضية وعلب الحلاوة سنين طوال بدون استخدام يبقي أكيد دي مصرية اصيله

فيها حاجة حلوة
لا
فيها حاجات حلوة
بس طعم المر بيغطي ع الحاجات دي يا لولا

[| Amino2 ●]

كل اللى انا قريته ده يؤكد مصريتنا وكلها حاجات تبين مدى الترابط والحب والطيبه بتاعه الشعب ده
اما احنا شعب طيب بشكل
شكرا

[smile]

فعلا لازم نفتخر بكوننا مصريين لو لم اكن مصريا لوددت ان اكون مصريا ميرسي توبيك حلو تقبلي مروري

[| Silent Guardian ●]

نسيتو حاجة
لما تلاقي واحد جايب الريموت كنترول و لافه في كيس بلاستيك يبقى اكيد مصري و ابن ستين مصري
الحركة دي بتستفزني موت
بس حلو الموضوع قوي يا لولا
تسلم ايديكي

[Messi]

LIKE
shokran ya lola

[| لولا ●]

بشكركم جدا لمروركم وتشريفكم للموضووع تقبلوا جميعا ارق تحياتى