مابنكسر صابر لو فرصتي تمضي والحظ لو عاثر بصنع انا حظي

**حكايه** · 18-06-2010 08:03 PM

هلا ومرحبا فيكم

بعد النجاح الكبير لروايتي (بحط قلبي بين ايدينك هديه)

واللي بصراحه ماتوقعته

اليوم سأضع بين ايديكم روايتي الثانية

وانشاءالله انها تكون بمستوى الروايه الاولى

والله لايبيح ولا يحلل اللي بينسب الروايه لنفسه زي الروايه الاولى

{{مابنكسر صابر لو فرصتي تمضي والحظ لو عاثر بصنع انا حظي}}

البدايه..

ابو فارس// خير جوزيف خوفتني

جوزيف//مابعرف شو بدي قلك بس ريتا تعبانه كتير

وبدا تشوفك ضروري
ابو فارس//طيب هي وين ؟

جوزيف// بالمشفى

ابو فارس// يالله مشينا

*في المستشفى*

ريتا //ابو فارس انا تعابنه كتير وحاسه اني

راح ودع هالدنيا وبدي اعطيك امانه

ابو فارس// لا انشالله ماعليك الا العافيه.طيب وين اهلك ؟

ريتا // انا مقطوعه من شجرة وهالشي بيعرفه جوزي منيح
وانتا عارف بعد الخلاف يالي صار بينا ماشفته من سنتين

وحتى عنوانه بالسعويه مغيرة
بدياك توصله هالامانه وتقوله انه كان ظالمني والدليل بهالظرف

ابو فارس//انا صارلي سنه ماادري عنه بس بحاول ادور له

ريتا // بليز ابو فارس حاول تلاقيه باي طريقه وقله يخلي باله على ...

ابو فارس// كملي يخلي باله على مين؟

ريتا توقف قلبها عن النبض وودعت الحيااااة

رجع ابو فارس من استراليا للسعوديه ودور

لصاحبه عشان يسلمه الامانه بس مالقااه

الاحداث السابقه حدثت قبل 13سنه

*******

البدايه

سحر/انس انس وصمخ

انس/خير خير وشوله الصراخ؟

سحر/وين بطاقات الشحن حقتي؟

انس/افهم من كلامك اني انا المقصود بسرقتها؟

سحر/ايه انت ليش فيه غيرك؟
انس/الله يسامحك يااختي الكبيرة يعني هذي نظرتك لي

سحر/ اقول اخلص وهات البطايق
انس/يعني الساله جد والله كنت احسبك تمزحين
سحر / لاياشيخ قال امزح قال
انس / والله مااخذتها ولا ادري عنها.ويعني مافي البيت الا انس؟

سحر/بالهي من بياخذها راكان والا حسام؟ هذولا موراعين هالحركات

انس/والله اهم شي انه مو انا

صوت دقه عالباب

سحر/مين؟

شوق /انا شوق

سحر/ادخلي

شوق/خير ليش صوتكم عالي

انس/شواقه الحقي على سحر تقول عني حرامي

شوق/سحر وش السالفه؟

سحر/انا حاطه بطاقتين بميتين على الكمودينه قبل ادخل الحمام

شوق/طيب
سحر/ولما طلعت مالقيتها ةين بتروح يعني؟اكيد هو خذها

شوق/وليه متأكده كذا؟

سحر/ مدري بس ماجا في بالي غيرة

شوق/طيب يمكن انا

سحر/ههههههههه ياقلبي انتي لو اشوفك بعيوني مااصدق

شوق/طيب اذا مو انس ولا انا اجل مين؟؟؟

ايناس/اناااااا

الكل التفت للباب

سحر/انتي اللي خذتيها؟

ايناس/ ايه انا عندك مانع؟

سحر/ لاوالله ومن سمحلك تاخذينها ؟اصلا من سمحلك تدخلين غرفتي

ايناس/والله جوالي كان فاضي وشحنته .وبعدين لاتكبرين السالفه عندك

انس خليه يجيبلك غيرها ههههههه

سحر/ وبهالبساطه تقولينها؟هذا اللي تعلمتيه بالمدارس

انك تاخذين شي مو لك وبدون اذن بعد

ايناس/ اووووووووه لاتسوين لي سالفه على شي تافه

شوق/ لا مو شي تافه

ايناس/ محد طلب رأيك انتي اوكي

انس/ صدق ماتستحين ولك عين تراددين بعد

ايناس/ اففف ماصارت بطاقه ذي .طلعت وصفقت الباب وراها

شوق/ الله يهديها

سحر/ الا الله ياخذها هي دوم كذا انانيه وماعندها ذوق

شوق/ لا حرام لاتدعين عليها توها صغيرة ومع الايام بتعقل

انس/ والله اشك في جملتك الاخيرة ياشوق

سحر/ هي انت تراها تؤامك فلا تنسى بس زين انك ماطلت زيها

الشغاله تدق الباب

سحر/تفضل

سونا/بابا يقول يبغى انتو كله ينزل تهت

سحر/خلاص بنجي هالحين

انس/ اكيد هالسوسه عبت راسه علينا كالعادة

شوق/انس

انس/ خلاص بانطم

سحر/يالله خلونا ننزل ونشوف ابونا العزيز وش يبي

نزلوا تحت وحصلو ابوهم وامهم جالسين بالصاله وايناس جنب ابوها

سحر/خير يبه بغيتنا؟

ابوراكان/من اللي مزعل ايناس؟

سحر/يعني ضربني وبكى وسبقني وشكى؟

بدال ماتهاوشها تقوم تسألني من زعلها؟

ابوراكان/ليه وش سوت حبيبه ابوها هههههه

سحر قالتله السالفه

ابوراكان/وبس هذي هي السالفه اللي هاوشتيها عشانها؟

سحر/ ايه اهاوشها لانه مو من حقها تدخل

غرفتي اصلا وتاخذ شي مو لها
ابو راكان / وخير ياطير بطاقه بدلها مئه بطاقه الحين اديك بدلها
شوق /بسً كذا يبه انت تشجع ايناسً عالغلط
ام راكان / اعط شوق نظرهـ يعني شغلكُ بعدين , شوق حست بنظرتها وسكتت
ايناس / شفت يابابا كلهم يكرهوني ماقلتلك
ابو راكان / لآ يابابا مايكرهونكُ هذولآ أخوانك ويحبونك ويموتون عليك
سحر (ايه مرة )

ابو راكان/واذا على البطايق اجيبلها غيرها وماعليك
ياحبيبه بابا اي شي يعجبك اخذيه وانا ببدله لهم ههههه اهم شي ماتزعلين

ايناس تناظر لهم بنظرة تحدي
سحر/ بس يبه مايصير كذا
ام راكان/ وبعدين معكم خلاص انتهينا وكل واحد على غرفته

وانتي ياشوق تعالي المطبخ ابيك شوي

شوق /حاضر يمه
كل واحد راح غرفته وشوق راحت المطبخ تنتظر امها

جات ام راكان وجلست / سويلي عصير
شوق/من عيوني

ام راكان / انا كم مرة قلتلك لاتدخلين نفسك في موضوعيخص ايناس هاة

شوق ......
ام راكان /اللي صار اليوم مابيه يتكررمفهوم

شوق......

ام راكان/ مفهوووووم

شوق/ايه مفهوم واسفه اني تدخلت

ام راكان/ انا رايحه اريح شوي واي احد يسأل عني غير ام شاكر لاتصحوني اوكي

شوق/ابشري من عيوني

راحت ام راكان وشوق جلست تقرى مجله في الصاله

راكان/ وانا اقوول الصاله منورة اثاري الشوق هنا

شوق/ منوره بوجودك
راكان / وش تسوين؟

شوق/ اقرى مجله من الطفش
راكان/ طيب عطيني الرموت من جنبك

شوق/ تفضل

راكان حط على قناة اغاني/آآآآآه فديتك وفديت هالرقص
شوق/ راكان غير هالقناة
راكان/لا لا خليني امتع نظري
شوق/بصراحه انته غريب
راكان/ ليش؟
شوق/ اخوان صاحباتي مايخلونهم يشوفون القنوات اللي كذا وانت عادي ماتقول شي

راكان/هذولا متخلفين بالعكس تفرجي عشان تتعلمين الرقص الزين هههههه
شوق(فرق بينك وبين حسام)
شوق/ بس انا مااحب ارقص

راكان/لازم تتعلمين لان الواحد يحب البنت اللي ترقص له

شوق/ عن اذنك بروح غرفتي

راكان مسك ايدها/اجلسي غرفتك ماراح تطير

حسام/ السلام عليكم

شوق +راكان/ وعليكم السلام

حسام/مو عيب عليك جالس تناظر هالمسخرة واختك جالسه؟

راكان/وخير ياطير خلها تشوف

حسام/ شوق قومي على غرفتك
شوق/ طيب عن اذنكم
بعد ماراحت شوق غرفتها

حسام/انت تبي تفسد اخلاق البنت بهالخياس؟
راكان/اقول بلا محاظرات مالها داعيوبعدين لاتنسى اني اخوك الكبير ولازم تكلمني بأدب
حسام/ المشكله انك الكبير يعني المفروض تكون قدوة حسنه
راكان/يمدحون النوم تصدق عن اذنك
حسام/الله يهديك بس ..سونا سونا

سونا/ نأم بابا هسام
حسام/ اذا شفتي سيارة ياسر جات صحيني اوكي
سونا/ اوكي بابا

هذولا كانو عايله ابو راكان

ابو راكان سالم تاجر كبير وزوجته الجوهرة بنت واحد من كبار التجار وعندها مشغل كبير
راكان الولد الكبير 24سنه طايش وراعي بنات شهر في الوظيفه وشهر مفصول
معتمد على فلوس ابوه وامه
حسام 22 سنه توه متخرج ومتعين مدرس دين اخلاقه عاليه مملوح ويخاف على خواته خاصه شوق

سحر 18 سنه حلوة وبيضاءوتحب ولد عمها هاني

شوق 16 سنه احلى وحده بالعايله هاديه ومطيعه عيونها زرق وملامحها مميزة و شعرها طوييييييييل

انس وايناس 14سنه تؤام طيق الاصل بس يختلفون في الطباع والفكير

انس مرح ويحب الدراسه ودايم يدافع عن شوق لانها ماتحب المشاكل

ايناس دلوعه ابوها وامها وابوها مدلعها زيادة عن اللزوم يمكن لانها كانت

مريضه يوم كانت صغيرة بس هالحين صحتها ممتازة

ياسر ولد اخو ابو راكان وعيش عندهم من يوم عمره 10سنوات بعد موت امه وابوه بحادث
يشتغل بالشرطه طويل ورزة وله جاذبيه خاصه عنده مزرعه للخيول تركها له ابوة
وحالته الماديه ممتازة

**حكايه** · 18-06-2010 08:04 PM

&الجزء الثاني&

حلا / هنودة هنودة قومي بسرعه

هند/ يالله صباح خير وش عندك تو الساعه 7

حلا/ الحين قومي وغسلي هالفبس وبعدين اقولك

هند راحت تغسل وجهها وجات

هند/ خير وش السالفه اللي ماتتاجل لين اقوم من كيفي

حلا/ ابد بس حبيت اسألك حلمتي فيني والا لا ههههههههههههههههههه

هند/ لا يالملعونه وعشان هالسبب التافه مصحيتني

حلا تهرب برا الغرفه مجاح مجاح الا تحبين المجاح ههههههههههه

هند/ حسبي الله عليك من بنت طيرت النومه من راسي

نزلت حلا تحت ولقت امها تتقهوى

حلا / صباح الخير على الحلويييين

ام بندر/ فديت عالصباح تعالي تقهوي معي

حلا / لا مابي قهوة

ام بندر/وش مصحيك بدري واليوم خميس؟

حلا /لا مابعد نمت هههه بس عفيه يمه لاتقولين لبندر

ام بندر/ وليه يمه تسهرين لهالوقت؟ اكيد على هالنت لابارك الله فيه

حلا/ خلاص اوعدك ماراح اطول بالسهر بي لاتقولين لبندر

ام بندر/ههههههلهادرجه تخافين من بندر؟ترى ابوك احق انك تخافين منه اكثر من بندر

حلا/ وه فديت ابوي وفديت قلبه الطيب .ترى مو خوف من بندر بس هو متحلف
فيني اذا عديت الساعه2 بالليل بيشيل النت

ام بندر/والله ابركها من ساعه

حلا/ حراااام يمه تدرين ان النت صار شي مهم بهالوقت ههههه

والله لو جربتيه راح تنسين الدنيا باللي فيها

ام بندر/الله لايقولها وشلي بهالخرابيط انا يالله روحي نامي قبل يصحى بندر ويسوي لك سالفه

حلا/ايوالله صادقه يالله انا بروح

راحت حلا غرفتها وقفلت عليها بالمفتاح ونامت

هند حاولت تنام ماقدرت لانها من النوع اللي اذا انزعج ماينام بسرعه
نزلت تحت ولقت امها بالصاله

هند/صبحك الله بالخير يمه

ام بندر/هلا والله صبحك الله بالنور والسرور غريبه اشوفكم اليوم

نشيطين وقمتو من وقت

هند/ من تعنين؟

ام بندر/قبل شوي حلا والحين انتي بس غريبه انتي مو بالعاده تقومين الخميس قبل الظهر

بس والله القومه بدري زينه يمه

هند/هذي حلا الله يرجها قومتني من احلى نومه الا هي وين؟

ام بندر/راحت تنام من البارح مواصله

هند وعيونها طارت لقدام/الحين تنغص علي نومتي وتروح تنام لابالله مانامت وانا اوريها

ام بندر/ههههههه اجل هي اللي مزعجتك

هند راحت لغرفه حلا وحصلت الباب مقفول وجلست تدق وتدق الين تعبت ولا حياة لمن تنادي

لان حلا نومها ثقيييييل >>>ياحظها حظاه

*****************
نجلاء / بندر بندر

بندر/ هممممم

نجلاء/ يالله قوم وش ذا النوم غريبه

بندر يتمغط/ صباح الخير

نجلاء/ صباح الظهر هههههه

بندر/ اما عاد من جد والله ماحسيت بنفسي

نجلاء/بلاك من سهرة الخميس اللي ماتتركها انت وياسر

بندر/ يانجول انتي تعرفين اني ماافظى الا هاليوم ولازم ارفه عن نفسي شوي

نجلاء/ امزح معك حبيبي لاتزعل وبعدين لو غير ياسر كان فيها علوم هههه
يندر/اوخص وتهدد البنت اقول وخري مناك بس
نجلاء/لايكون زعلت؟
يندر/ ههههه فيه احد يزعل من روحه بس احيانا احس ان ياسر واحد من اخوانك
من كثر ماتمدحينه . ترى انتي ماعندك اخوان الا فيصل وسامي
نجلاء/ادري ان ماعندي غيرهم بس والله من كثر مااسمع عن اخلاقه وطيبته اتمنى انه اخوي فعلا
يندر/ هيييي ترى بديت اغار من هالياسر
نجلاء/ههههههه تخيل بس انك تغار منه فديتك انت عندي بالدنيا كلهاااااااااا
بندر يقوم من على السرير/ يابعد عمري اذا ماغرت عليك من عليه بغار ؟
اييييييييه على فكرة ذكريني الساعه 2ونص اروح استقبل هاني
نجلاء/ههههههه اذا انا نسيت خالتي ماراح تنسى
****
هذي عايلة ابو بندر
ابو بندر علي وهو اخو ابو راكان عنده معرض للسيارات
زوجته حصه ربه منزل وطيبه وحنونه على عيالها وتحب ياسر لانه يتيم
يندر الولد الكبير25سنه يشتغل مع ياسر في الشرطه وصديقه الروح بالروح
متزوج من بنت خالته نجلاء 23وعندهم معاذ 3سنوات
هاني 23سنه يدرس براا وتوه مخلص وراجع
هند18سنه حلللوة ورومنسيه بالحيل
حلا16سنه صديقه لشوق مرررررة وتحب الرجه والهبال
اخر العنقود دلع عمرها14سنه وهذي سالفتها سالفه وراح تتعرفون عليها من خلال الاحداث

*******************************

(بيت ابو راكان)

ام راكان/اقول راكان جبت الكتلوجات اللي وصيتك عليهم؟

راكان/اوووووه والله نسيت يمه

ام راكان/نفسي مرة وحده اوصيك على شي وماتنساه

راكان/خلاص يمه قلنالك نسينا .شوق ابيك اليوم تسوين لي حلى من ايدينك الحلوة
لاني مواعد الشباب وابي اذوقهم حلاك ياحلوةهههههه
شوق/ ابشر من عيوني
ام راكان/وليه شوق يعني ؟انت تدري ان الشغاله تعرف للحلويات بكل انواعها
راكان/بس ايد شوق غير فديتها وفديت ايدينها
ام راكان/اقول لاتكبر راس البنت علينا
سحر/ من جد يمه شوق لها نفس في الاكل غير شكل
شوق/خلاص عاد تعرفوني استحي
راكان/لااوصيك يالشوق هاه .يالله باااااي
ام راكان/لحظه ابيك توصلني بطريقك
راكان/يمه مو فاضي خلي السواق يوصلك باي
ام راكان/حسبي الله عليك من ولد حتى ماسالني وين بتروحين

البنات / هههههههه

ايناس/ ماما وين بتروحين؟
ام راكان/بروح عند ام مؤيد عندها عيد ميلاد

ايناس/ عيد ميلاد ولدها والا بنتها؟
ام راكان/ لا عيد ميلادها هي

سحر توشوش شوق/ههههه والله هالعجزو مو سهله وتسوي عيد ميلاد بعد
شوق/ههههههه
ام راكان/خير وشوله الضحك؟
ايناس/ ماعليك منهم مامي خلك معي انا
ام راكان/فديتك والله
ايناس/مامي ابي اروح عند سوسو اذاكر عندها
سحر/ اظن حسام قالك مافيه روحه والا لازم تعاندين
ايناس/ انتي مالك خص فاهمه .هاه مامي اروح والا
ام راكان/لاحبيبتي روحي وماعليك من احد .
وانتي ياست سحر اذا انا كنت موجوده مال احد دخل بايناس اوكي
يالله حبيبتي روحي البسي وانا بنتظرك
ايناس/ لاماما اذا مستعجله روحي وبعدين السواق يرجعلي

ايوالله مستعجله اوكي اخليه يرجع لك يالله باي

ايناس تمد لسانها لاخواتها وتروح فوق
سحر/ هالبنت يبيلها تكسير راس
شوق/ انتي عارفه امي وابوي كلنا بكفه وايناس بكفه
سحر/ بس كذا غلط البنت كل شي على كيفها ليه
شوق/ والله انا مااقدر اتدخل واقول شي انتي عارفه امي تعصب علي بسرعه
سحر/ انا لازم اكلم حسام يشوف لها حل

شوق/ لاتكفين خلي اليوم يمر على خير تعرفين راح يتهاوشون وفي الخر بيطلعون حسام هو الغلطان
سحر/ افففففف من هالبنت

**************************

ياسر كان يقرى جريده وسمع صوت السواق وهو ينادي ايناس

طلع من الملحق وشاف ايناس تفتح الباب وتبي تركب

ياسر/ هلا وغلا بأنناس هههههههه على وين؟

ايناس/ ميه مرة قلتلك لاتقولي انناس انت ماتفهم؟؟؟

ياسر/ اوخص والله تعرفين تعصبين بعد الا ماقلتي على وين العزم؟

ايناس/ بروح عند صاحبتي

ياسر/ ومن بيروح معك؟

ايناس/ محد انا بروح بروحي

ياسر/ بتروحين وحدك؟لا ياقلبي روحي خذي وحده من خواتك تروح معك والا ارجعي داخل

روحه مع السواق بروحك مافيه
ايناس/ لاوالله وانت وش دخلك ماما سمحت لي اروح
ياسر/ اقول ترى ماراح اعيد كلامي مرتين يالله بسرعه داخل

ايناس/ الله ياخذك من وين طلعتلي انت .. وراحت داخل وهي معصبه
سحر/ خير وش عندنا معصبين هههههه
ايناس/ من هالعله اللي بالملحق الله ياخذه
سحر/ ياسر؟؟؟؟
ايناس/ ايه ياسربلا في شكله ماخلاني اروح قال ايش روحه

مع السواق بروحك مافيه .وجع وهو وش دخله فيني بس والله لاخلي بابا يأدبه ..وطلعت فوق

سحر/ هههههههه كفو ياياسر والله ماهجدها غيرك

شوق ماعلقت على الموضوع

******************************

بندر/ هلا وغلا تو مانورت جده

هاني/ هههههه ادري وعشان كذا رجعت قلت حرام محرومين من النور

بندر/ هههههه الله يرجك باقي على سواليفك

هاني/ يااااااه والله وحشتوني وفكرت ارجع كذا مرة بس قلت خلني اكمل احسن

وصلو للبيت

ام بندر/ كلللللوش يالله حي وليدي والله خفت الموت يسبقك وياخذني

هاني/ سلامة راسك يالغاليه كيفك وكيف صحتك هههههه شكلك عجزتي وتبين ندور للوالد عروس
الكل/ ههههههههه
ام بندر/ياويل حالي من جدك انت لا لا اكيد تمزح والله اني وش زيني

بندر/ يابعد عمري يمه والله كل الزين فيك

ابو بندر/ وانا اشهد انك صادق

حلا/ هههههه والله وصدناك يابو بندر وانت تتغزل بامي

ام بندر/بنت عيب استحي على وجهك

حلا/ يمه ماقلت شي يزعل

بندر/ ياجماعه تامرون على شي انا بروح عندي كم مشوار ضروري

هاني/ ههههه شكلك متزوج بالسر ونجلاء ماتدري

هند/ هاني شكلك بتخرب على بندر الله يعينه عليك

بندر/ احم احم ترى الشرع محلل اربع
نجلاء/ وشقلت ترى ماسمعت زين
بندر/ هاه لا اقول ربي يحفضلي ام معاذ ويخليها وترى التعدد مو بزين
الكل / ههههههههههههههه

**************************

ياسر/ الوو

بندر/هلا ياسر
ياسر/وينك؟

بندر/هذاانا جاي وبعدين تو الناس
ياسر/لاموتوالناس تدري ابي اخلص بدري لان وراي دوام وابي انام
بندر/يعني انا اللي ماوراي دوام؟يالله دقايق وانا عندك باي
ياسر طلع اللي يبي من الخزنه حقته وحطها بشنطه وطلع ولقى بندر عند الباب
ياسر/هلا بولد العم كيفك؟
بندر/يخير وعافيه يالله مشينا؟
ياسر/اقولك وش رايك نروح البحر شوي
بندر/ليش اجلت المشوار؟
ياسر/لا بس فكرت اخليه بعد المغرب احسن عشان محد ينتبه ويعرفنا
بندر/قصدك بعد ماتظلم الدنيا؟
ياسر/ايه احسن والا
بندر/ايه احسن والله يجزاك بالخيرعلى اللي تسويه
*******************************
هند/الو هلا والله رغوده كيفك
رغد/كويسه بس طفش
هند/طيب تعالي عندي
رغد/اممم بشوف واردلك خبر
هند/خلاص انتظر منك الوو
رغد/اوكي باي
حلا/هنوده
هند/خير
حلا/اممم فيه بنت عندنا بالمنتدى عندها مشكله وطلبت مني اساعدها وانا ماني قادره
هند/ خير وش هي مشكلتها يمكن انا احلها لها
حلا/ هي تحب واحد وتموت عليه وهو مو معطيها وجه بالمرة
والمشكله انها تعرف انه فاشل وراعي بنات
هند/حلاااااا ترى انا مو خبله وقسم بالله لو ماتنقلعين عن وجهي لاكسر راسك
حلا/ طيب ليه معصبه انا كنت ابي اساعد البنت هههههه
هند/ ادري انك تقصديني بهالكلام بس هذا شي مايخصك فاهمه

*********************************

سونا /بابا ياسر

ياسر/خير سونا

سونا/ ماما كبير يبغى انتا
ياسر/طيب قوليلها بجي هالحين

ياسر راح عندي فله عمه ولقى ام راكلن جالسه بالصاله

ياسر/ خير ياخاله بغيتي شي

ام راكان /انت بأي حق تهاوش ايناس وتمنعها من الطلعه؟

ياسر/ ياخاله ايناس بعدها صغيرة وغلط ترورح مع السايق بروحها
ام راكان /مو شغلك وترى هذي اخر مرة اسمحلك تتعرض لها.المرة هذي

هاوشتها المرة الجايه مااستبعد انك تفكر تمد ايدك عليها

ياسر/والله انا بحسبة اخوها الكبير ومو عيب لو علمتها الصح من الغلط

ام راكان /بنتي مو في حاجه لك او لغيرك عشان يعلمها ,وبعدين

احمد ربك اني باقي متحمله وجودك ببيتي

ياسر/انا جالس ببيت عمي ولاتخافين كلها كم شهر وفلتي تخلص وبترتاحين مني

ام راكان /ياليت تستعجل شوي لان ماعاد عندي صبر

ياسر حس بالاهانه بس مابين /ابشري طال عمرك والعذر والسموحه لو تدخلت في شؤؤن بنتك المصونه

ام راكان / كأني اشم ريحه استهزاء؟
ياسر/عن اذنك ياخاله

ام راكان (روحه بلا رده ياولد منيرة)

*******************
نهايه الجزء2

**حكايه** · 18-06-2010 08:06 PM

&&الجز الثالث&&

رغد/تكفى زياد ساعه بس ماني متأخرة

زياد و/الله موفاضي بس تدرين دامك قلتي تكفى راح اتكرم واوديك هههههه
بس الرجعه خلي مازن يرجعك
رغد/مو مشكله اي واحد يرجعني اهم شي اروح هههه

نجلاء/ الله وش هالحلى الزين متى سويتيه؟

هند/ هههههه تقولين كذا وانتي باقي ماذقتيه اجل لو ذقتيه وش بتقولين؟

حلا/بتقوول وع وع مو حلو هههههه

هند/ليه على بالك الناس كلها زيك ماعندهم ذوق

حلا/لااااا لماذا تقولين لي هكذا ؟ويحك انني مرهفه الاحساس وبكلامك هذا تجرحين مشاعري

نجلاء/هههههه الله يغربلك ياحلا

هند/انتي وييين والاحساس وين

حلا/خلينا الاحساس لك ياست هند عن اذنكم

نجلاء/تعالي وين رايحه؟

هند/ماعليك منها ماعندها سالفه

نجلاء/الا من بيجيك؟
هند/رغد صديقتي
نجلاء/ ياحليلها والله احسها طيبوة مرة

هند/ فديتها هذي اعز صديقه عندي

زياد وصل رغد وراح
هند/هلا وغلا بروحي وقلبي رغودة

رغد/ احم احم احرجتيني يابنت ههههه
نجلاء/ هلا بك رغد كيفك
رغد/ والله تمام انتي كيفك وكيف معاذ ؟

نجلاء/ بخير حبيبتي ماعينا

هند/ اقول تعالو نروح غرفتي اخاف هاني ينزل ترى هو مايدري ان عندي احد

نجلاء/ خلاص روحو وانا بجيب القهوة والحقكم

راحت هند ورغد فوق
هند/ اقول رغودة ادخلي غرفتي وانا بروح انادي حلا

تجي شكلها زعلت مني وماراح تجي لين اراضيها

رغد/ اوكي بس لاتطولين هههه

راحت هند لحلا

هند/ حلا وينك ترى رغد جات

حلا / طيب وش اسوليها
هند/ لا شكلك زعلانه من جد
حلا/ وليه ازعل هو انا عندي احساس زي الناس؟
هند/ ههههههوبس هذا اللي مزعلك طيب خلاص اسفه وحقك على

حلا....

هند/ يالله عاد مايصير انا الكبيرة ةواترجاك
حلا/ هههههههه ومن قالك اني زعلانه بس ابي اشوفك وانتي تترجيني شكلك توحفه

هند/ مالت عليك ههههه اجل يالله خلينا نروح البنت بروحها

رغد جلست على السرير تنتظر هند وبعد لحظات انفتح باب الحمام وطلع منه هناني وهو يغني ولاف المنشفه عليه

رغد رفعت راسها وانصدمت من اللي تشوف وغطت بايدينها على وجهها وصرخت

هاني جلس لحظات متجمد مكانه من الصدمه وبعدها طلع يجري وصدم في هند وحلا

هند/ هاني !!!!!!!!!!!!!!
هاني/ والله ماادري عنها ولا من وين طلعتلي

هند/ منهي ؟لايكون ياويلي

هاني/الله لايبارك فيكم .وراح على غرفته

هند دخلت الغرفه ولقت رغد تبكي

هند/ رغدر والله ماكنت ادري انه هنا وحتى هو مايدري اصلا مدري وش مدخله غرفتي

رغد اعطيني عباتي بروح البيت

حلا/ والله ماتروحين وانتي زعلانه انا بروح اشوف هاني وافهم منه الموضوع دقيقه وراجعه

راحت حلا عند هاني

هاني/ كيفها الحين اكيد زعلانه وتظن اني متعمد وبعدين من هي وليش ماقلتو ان عندكم احد

حلا شوي شوي عشان اعرف اتكلم

اولا انت ايش موديك حمام هند ماتقولي

ثاني شي هذي صديقه هند

ثالث شي توها جات وماامدانا نقولك

هاني / الصخان اللي بحمامي اخترب وعندي مشوار مهم ولازم اطلع وابي اخذ دش

قلت اروح حمام هند لانه الاقرب ويوم طلعت الا البنت بوجهي

حلا/ وش هو المشوار المهم هاه

هاني/ والله انك سخيفه انا وين وانتي وين

حلا/ ههههه سوري بس تعرف اختك تحب تعرف كل شي

هاني / طيب الحين البنت راحت وهي زعلانه وش بتقول لاهلها ياربي وش هالفشله

حلا/ من ناحيه زعلانه فهي زعلانه ومصره تروح وهي توها جايه

بس ماعليك انا بفهما السالفه يالله عن اذنك

راحت حلا عند البنات وفهمت رغد الموضوع وهدوها وجاتهم نجلاء بالقهوة

وقالولها السالفه وكملو سواليف

هاني لبس وطلع وقبل ينزل تحت مر على غرفه هند

هاني/ هند هند
هند/ هلا هاني خير
هاني بصوت عالي / قولي لصديقتك انا اسف على اللي صار والله ماكان قصدي شي

اصلا ماكنت ادري انها باغرفه والعذر والسموحه منك يابنت الاجواد وحقك على يالله عن اذنكم

نجلاء/ هاه رغودة باقي زعلانه ؟؟

رغد/ هو مو زعل بس انا مرة تفشلت وانا مقابله له وهو .وحطت ايدها على وجهها

حلا/ يابنت الحلال احمدي ربك انه طلع وعليه منشفه ههههههه

هند/ حلا اطلعي برا لاكسر راسك

البنات/ هههههههههههههههه
*************

دلع/الو هلا عفاف

عفاف / هلا فيك كيفك
دلع/تمام وانتي
عفاف/ بخير وش قاعده تسوين؟
دلع/ ولاشي بس العب رياضه
عفاف/ يابنتي وش تبين بهالعضلات
دلع/مو شغلك
عفاف/طيب تعالي عندي انتي وحلا

دلع/والله انا عندي مباراة وابي اتفرج عليها بعد
شوي .وحلا مو فاضيه عندهم صديقه هند
عفاف/طيب ليش مو جالسه معهم؟
دلع/ تعرفيني مااحب هالجلسات احسها كلها كلام
فاضي
عفاف/امممم على راحتك اجل اخليك الحين

دلع/الله معك
***********************************
ابو راكان /اقول ياام راكان

ام راكان/ نعم وش بغيت

ابو راكان /خذي هذا المصروف حق العيال وزعيه

زي كل مرة
ام راكان /خلاص العصر اوزعه الحين مو فاضيه

ابو راكان / على كيفك يالله انا بروح تبين شي؟
ام راكان /لا سلامتك
................
راكان/ايناس وين شوق؟

ايناس/مدري عنها

راكان/قومي ناديها وقولي لها تجي غرفتي
ايناس/لاوالله اشتغل عندك انا
راكان/انناس ترى لو مارحتي برضاك بتروحين
ورجلك فقو راسك فاهمه يالله اشوف

ايناس/ اف انا كم مره قلت لااحد يقولي انناس

راكان/ والله اذا ماسمعتي الكلام بقولك
انناااااااااااااااااس هههههههه

راح راكان غرفته وايناس راحت تدور على شوق
زلقتها تسقي الزرع بالحديقه

ايناس/شووووق روحي لراكان يبيك بسرعه

شوق/ هو وين ؟
ايناس/بغرفته
شوق/ طيب اخلص الي بيدي واروح له
شوق خلصت وراحت لراكان
شوق/ هلا راكان بغيتني؟
راكان/ايه تعالي اجلسي
شوق/ لامرتاحه كذا
راكان/ طيب افتحي الدولاب وخذي الكيس الاحمر منه
شوق راحت للدولاب واخذت الكيس
شوق/ تفضل
راكان/ لا هذا لك انتي شوفيه وقولي رايك
شوق فتحت الكيس ولقت فيه فستان زهري
شوق/ مشكور راكان بس شكله مرة قصير
راكان/ لاماعليك بيطلع عليك حلو يالله روحي البسيه وتعالي ووريني
شوق/ لابعدين موالحين
راكان/لا الحين يالله بسرعه
شوق ماتقدر ترفض طلب لراكان لانه الكبير
راحت غرفتها ولبست
شوق( يوه والله قصير وانا مااحب البس كذا بس شسوي براكان)
>>>الفستان كان يوصل للركبه
شوق رجعت لراكان وهي مستحيه
راكان/ياهوووووه والله طالعه قمر يابنت خذي لفه اشوف
شوق لفت لفه وجلست عالكرسي
راكان/ليش مستحيه ؟
شوق/ لا بس
راكان/لابس ولاشي وخلك كول واي شي اجيبه لك البسيه اوكي
شوق/اوكي طيب الحين تبي شي والا اروح
راكان/لاخلاص روحي
شوق طلعت وكانت بتروح غرفتها بس الشغاله قالت لها ان حلا تحت وتبيها
شوق/ هلا وغلا بالحلا كله
حلا/ احم احم ادري والله مايحتاج تقولين ههههه
شوق/ فديتك والله تعالي غرفتي احسن
راحو البنات فوق
حلا/الله وش هالفستان الحلو
شوق/ من جد بس مو كنه قصير واجد؟
حلا/ بالعكس والله حلو ومطلعك كيوت مرة يالخاينه ماقلتيلي متى شريتيه ؟
شوق/ لاهذا راكان جابه لي هديه
حلا/راكان؟؟؟
شوق/ايه راكان
حلا/ وعادي عنده تلبسين فوق الركبه؟؟؟
شوق/راكان عادي عنده اي شي وهذا مو مريحني
حلا/والله بندر لو لبست كذا يكسر راسي هههههه
شوق/ تصدقين حلا انا اخاف واحترم حسام اكثر من راكان
حلا/كيف يعني؟
شوق/ امممم حسام مايحب اللبس الماصخ وحتى التلفزيون فيه بعض الاشياء مستحيل نطالع لها وهو موجود
اما راكان عادي تخيلي ذاك اليوم يقولي اقوم ارقص له زي اللي بقناة الاغاني
حلا/ اما عاد
شوق/ والله بس انا مارضيت وقلتله مااعرف
حلا/ هههههههه اما لو شاف راقصك كان انهبل هههههه
شوق/ اقول عن الفضايح
حلا/ والله من جد انتي رقصك جنااان
شوق/ اقول غيري الموضوع
حلا/ طيب نغير الموضوع امممممم ايه تذكرت ههههههههههه
شوق/ خير هههههه
حلا / اما صار لرغد صديقه هند موقف وهي عندنا لاتحسد عليه
شوق/ وشو ؟؟؟؟
حلا قالت لشوق الموقف
شوق/ هههههههههههههههه ياحليلها اما موقف الله لايحطني مكانها
طيب وهاني وش سوى؟
حلا/ابد بس خانقنا شوي وبعدين قال لهند تعتذر منها وانه مو قصده ومن هالكلام
شوق(فديته من يومه وهو وذوق)
حلا/هيييييي وين رحتي؟
شوق/ هاه معك معك الا اقول حلا
حلا/ قولي بس لاتكثرين هههههه
شوق/ هاني باقي شكله زي اول والا تغير؟
حلا/ ههههههه لاتخافين باقين حلو فديته اخوي المزيون
شوق/ اقول ترى كلنا مزايين مو بس انتي واخوك ههههههه
حلا/انتي ماراح تضيفيني شي؟وجع وش هالبخل
شوق/ههههههه انتي لسانك دوم متبري منك ؟خلاص بروح اجيبلك شي تطفحينه
راحت شوق وجابت عصير وكيك وكملو سوالف وبعدين راحت حلا بيتهم
************************************
ام راكان بعد ماتعشوا وراح ابو راكان ينام
ام راكان/اذا خلصتو عشاء تعالوا الصاله ابيكم
العيال تعشوا وراحوا لام راكان
ام راكان وقدامها 6ظروف
ام راكانهذا مصروفكم كل واحد ياخذ واحد
اول وحده خذت مصروفها ايناس
ايناس/ ماما ايش هذا بس خمسه الاف؟ انا قلتلك ابي اجيب هديه لسوسو وهذي يادوب تكفيني لوحدي
حسام/ اقول عن الدلع الزايد واحمدي ربك غيرك مو محصل ربع اللي عندك
ايناس/ انت مايخصك
حسام/ ترى بيجيك كف يعدل اسلوبك معي
ايناس/ ماما شوي ولدك
ام راكان/ حسام خل اختك بحالها وانتي انوسه لاتزعلين نفسك .اقول ياشوق
شوق/ نعم يمه
ام راكان/ هاتي مصروفك
شوق......
ام راكان/ اشفيك شوق ماتسمعين؟؟
شوق/ الا اسمع تفضلي

ام راكان اخذت ثلاث الاف وعطتها ايناس ورجعت لشوق الفين

شوق انقهرت من تصرف امها بس هي بطبعها كتومه لابغد حد

سحر/ يمه حرام كذا مايصير

ام راكان/ لاوالله انتي بتعلميني الحلال والحرام؟

حسام/سحر معها حق هذا مصروف شوق ومو عدل تاخين منه وتعطين

هالدلوعه وهي عندها مصروف

.شوق خذي هذي بدال مصروفك

شوق/ لامشكور حسام

ام راكان/ حسام يعني تبي تكسر كلامي؟

حسام/ يمه انا

ام راكان/ وصمه انشالله انا امكم وادري باللي محتاج واللي مو محتاج

ويالله كل واحد على غرفته .عيال اخر زمن

الكل راح على غرفته وشوق حاولت تنام وماتفكر بتصرف امها بس ماقدرت

شوق(ليه يمه تسوين كذا؟ انا عمري ماخالفت لك كلمه وديم انا الوحيده اللي

ينفذ كلامك ورغباتك بدون معارضه.احيانا احس انك مو امي بس ارجع واستغفر ربي

هالحين وش اسوي بهاالالفين ؟

اعطيها لريوف بدال اللي استلفتها منها الشهر اللي راح والله ماكان

ودي اتسلف من احد بس

بسبب راكان

لانه طلبني نص مصروفي وانا ماقدرت اطلبك يمه وطلبت من ريوف.

والا اشتري اغراض لي والا ايش؟الله يسامحك يمه)

جلست شوق تقلب افكارها لين غلبها النوم