( أزاى أنســــــــاكى )

ازاى انساكى وانسى كل اللى عشته معاكى

ده انتى عشان فارقتينى مقدرش ولا يوم أنساكى

كل اللى فيها دى مشاعرى وانا حر فيها

مبقاش ليكى دعوه بيها

قوليلى ايه معنى الحياة لو انتى موش فيها ؟؟

قوليلى مين هيعوضنى عن حبك ؟؟


أنسى قلبى وأنسى حبى بس متقوليش أنسى حبك

ده حب عشت ليه من كل قلبى

ده حب أديته كتير من عمرى

أزاى أنساكى قوليلى ؟

وانت لسه معايا فى كل مكان بروحه فى كل شىء عنيا بتشوفه

ده صورتك مبتنيمنيش الليل وسهران دايما بفكر فيك

أزاى بتنسى كل ده ؟؟ عايز ايه تانى بعد كل ده ؟؟

موش كفايه عذاب وجراح ؟؟ موش كفايه بعد وفراق ؟؟

عمرى ماهنسى اللى شوفته معاكى

أزاى أنسى عيونك اللى فرحت دايما بلقاها
أزاى أنسى ايديك اللى نسيت الدنيا وانا معااها

هى الغلطة انى حبيتك
ولا الغلطة لما دخلت حياتك

مين هيعوضنى عن جراحى ؟؟
مع مين هشوف اللى شوفته معاكى ؟؟ ده انا على مااشوف حد غيرك هيكون العمر بيجرى

موش صعبان عليا بعادك ؟
ده انا صعبان عليا انك هتكون لغيرى !

أزاى احس الأحساس ده
أزاى اشوفك ومش أتكلم
أزاى أسيب قلبك وحبك

ده انا ياما اتعذبت ولا قولت اه
ده أنا ياما بكيت ولا شوفتى دموعى

كنت عايشلك ولسه عايش ليكى
أزاى اعيش بعدك ولو ثوانى

فى حد بيحب قوى كده .. فى الأخر تبقى نهايته كده
عملت ايه فى حياتى .. عشان يكون ده جزائى


راحت عليا قصة حب بدمى رويتها
راحت عليا ايام بعمرى وروحى فديتها

لو لسه فاكراه الوعد اللى مابنا ؟
ده كفايه انى مقدرش انساكى !
فاكره الحلم اللى حلمته معاكى ؟
فاكره القلب اللى داب لما أول مرة شافك ؟

دى أيام هنت عليكى غبنى فيها
دى ايام محستش بجد انك كنتى بتحبينى

خلاص ماانتى راحه لغيرى
وانا بايدى ايه تانى
وكل اللى عندى انى افضل احب فيكى وأتعذب كل مااشوف عنيكى

لا ليا حظ ولا نصيب معاكى
وبعد كل ده موش هنسى اللى شوفته معاكى
وبدعى من ربى يصبرنى على فراقك