موضوع عن الحب الحقيقي

**Green Eyes** · 01-06-2010 04:21 PM

إلى الإنسان الذى عشت معه لحظات الحب الحقيقية
إلى من كنت لا احسبه سوى صديقا وافيا
ووجدته حبيبا مخلصا وقلبا نابضا
إلى الحب الطاهر والابتسامة الوافية
إلى من كان له فضل التغير في حياتي
إلى الانسان الذى ارغم قلبى على حبى له
وجعلنى لا اتمنى سوى انا اراه سعيدا
إلى من اصبح كل حياتى
إلى من اخذنى الى دنيا جميلة
كم تمنيت أن اظل بها
كيف يكون الحـب
كيف يكون الحب اذا لم يكن الذى اشعر به هو الحب ؟
كيف احب اذا لم اجـد من يحبنى ؟

كيف استطيع ان اميـز بين الحب الحقيقى وحب المراهقة ؟

كيف استطيع ان اتحكم فى مشاعرى واحاسيسى تجاه من احب؟
كيف استطيع ان احافظ على هذا الحــب ؟

هل يمكن ان يكون عامل السن سببا فى عدم استمرار الحب ؟

ما هي المواصفات التى اتمناها فى فتاة او فتى احلامى ؟

هل الشك اذا دخل بين المحبين ضـاع الحـب ؟

ما هى الاسباب التى تؤدى الى انفصال العلاقة مع وجود
الحب بين الطرفيــن ؟

ماذا افعل اذا ضاع الحب تجاة من احـب ؟

هل الصراحة تخدم الطرفين فـى كل الاحوال ؟

كيف اكون الزوج المثالى او الزوجة المثالية مع وجود مشاكل ؟

هل المال عامل اساسى على استمرار الحــب ؟

اذا استطعت ان تجيب على هذة الأسئلة فانت تستطيع
ان تكون حبيب مثــالي

**yoyo 2010** · 01-06-2010 05:24 PM

شكراا جداا ع الموضوع

**كيوبيد** · 01-06-2010 06:01 PM

موضوع رائع يااحمد ربنا يكرمك..

**Green Eyes** · 02-06-2010 12:36 AM

بناء على طلب كيوبيد حبيبى انا هجاوب على الاسئلة اللى انا كتبتها

كيف يكون الحب اذا لم يكن الذى اشعر به هو الحب ؟

حب ممل ولا يعنى حب لان الحب شعور متبادل وليس من شخص واحد

كيف احب اذا لم اجـد من يحبنى ؟

احب الطبيعة فقط لانى اذا لم اجد من احب فليس لدى شئ اخر احبه

كيف استطيع ان اميـز بين الحب الحقيقى وحب المراهقة ؟

يقاس بكثرة المشاكل بين الاثنين لان حب المراهقة يكون قائم على كثرة المشاكل واسباب شخصية الحبيب فقط اما الحب الحقيقي ليس لديه اى اعتراض عل المناقشة بين الشخصين

كيف استطيع ان اتحكم فى مشاعرى واحاسيسى تجاه من احب؟

بان لا اجرح من احب لان احب ليس امتلاكا

كيف استطيع ان احافظ على هذا الحــب ؟

بقلة المشاكل التى تحدث بين الطرفين وان يوجد تفاهم بينهم

هل يمكن ان يكون عامل السن سببا فى عدم استمرار الحب ؟

لا فمن يحب يكون مثل الطفل فعامل السن لا تقوم عليه اساس الحب

ما هي المواصفات التى اتمناها فى فتاة او فتى احلامى ؟

ان تكون محترمة ومثقفة و وتحترمنى وتسمع كلامى وانت تكون جميلة الروح وليست جميلة الشكل

هل الشك اذا دخل بين المحبين ضـاع الحـب ؟

نعم فالشك يؤدى الى ضياع الحب لان الشك من اقوى اسباب تفتت علاقة الحب

ما هى الاسباب التى تؤدى الى انفصال العلاقة مع وجود
الحب بين الطرفيــن ؟.

الخيانة والشك فهذين السببين تؤدى الى انفصال العلاقة لان اصعب شئ عند الحبيب هى الخيانة

ماذا افعل اذا ضاع الحب تجاة من احـب ؟

يجب على ان ارى الحبيب الذى احس معاه انى فى اسعد حالاتى والا فهو ليس حب لان الحب شعور

هل الصراحة تخدم الطرفين فـى كل الاحوال ؟

اكيد لان الصراحة بالنسبة للحب اقوى شئ لانه اذا فعل شئ ما يجب عليه ان يصارح حبيبه قبل فوات الاوان

كيف اكون الزوج المثالى او الزوجة المثالية مع وجود مشاكل ؟

معلش انا مش هعرف اجاوب على السؤال ده لانى مش متزوج انا عامل السؤال ده للى متزوج

هل المال عامل اساسى على استمرار الحــب ؟

لا فان المال ليس ضروريا فهؤلاء اللذين يقولون ان المال ضروريا لاستمرار الحب فهم يفعلون المال شماعة لاخطائهم امام حبيبهم

انا كده جاوبت على الاسئلة يا ريت اللى يدخل يشوف التوبيك يرد ويشوف نا مفهومى خاطأ بالنسبة للحب ولا لا

**كيوبيد** · 02-06-2010 10:33 AM

انت روووعة ياأحمد...
وبليز الكل يقول رأيه في اجابات أحمد...
أو على الأقل يجاوب اجاباته هو...
..
وانا هاجاوب لما ارجع المكتب الظهر..
..
بجد يااحمد انت طلعت حكاية..
يارب تعيش حب بجد عشان تشوف البهدلة..
ههههههههههههه

**Green Eyes** · 02-06-2010 05:31 PM

الحب مرمطة وليست بهدلة كيوبيد

ههههههههههههههههههههههههه

**كيوبيد** · 02-06-2010 05:48 PM

كيف يكون الحب اذا لم يكن الذى اشعر به هو الحب ؟

الحب عندما يأتي ..لا نشعر به...فهو ليس كطرق الأبواب..
إن الحب احتلال...
احتلال غاشم..
يحتل كل كيانك...
فيطهّرك من الداخل...
عندما أحس بالطهر...
فإني أحب

كيف احب اذا لم اجـد من يحبنى ؟

أحب الحياة...
وأعمل من أجل الحياة...
وأخلص في العمل..
من أجل الحياة..
فتمنحني الحياة الحب والعشق لكل تفاصيلها

كيف استطيع ان اميـز بين الحب الحقيقى وحب المراهقة ؟

الحب اللي تكون عارف هدفك منه في النهاية..وبتسعى للهدف ده -مهما كان صعبا- وبتحارب عشانه ..هو ده الحب الحقيقي...
..
حب المراهقة بينهار أمام أول اختبار حتى لو كان الاختبار ده عبارة عن حب جديد بيحاول يغزو قلبك...
..
والحبين مالهومش علاقة بالسن على فكرة..
في مراهقة بعد الستين..
وفي حب حقيقي من سن 9 سنين

كيف استطيع ان اتحكم فى مشاعرى واحاسيسى تجاه من احب؟

ببساطة إنك تحطّ نفسك في مكانه في أي موقف أو كلمة وتشوف رد فعلك ده هايضايقك لو انت ف مكانه؟؟؟؟؟؟؟!!!!!!!!!؟؟

كيف استطيع ان احافظ على هذا الحــب ؟

بإن يكون إسعاد اللي بتحبه...هدف رئيسي من ضمن أهداف حياتك

هل يمكن ان يكون عامل السن سببا فى عدم استمرار الحب ؟

ممكن لو الطرفين نفسهم حاسين بفرق السن ده....
لو حبهم غلب احساسهم بفرق السن....
أكيد هايستمر...

ما هي المواصفات التى اتمناها فى فتاة او فتى احلامى ؟

ده كل واحد بقى وذوقه...
انا شخصيا ..
شايف التربية والاخلاق والذكاء والجمال
بترتيبهم زي مانا حاططهم

هل الشك اذا دخل بين المحبين ضـاع الحـب ؟

طبعا..طبعا ...طبعا...
لأن كل واحد خلاص أعطى التاني قلبه..
يبقى ايه اللي ممكن يشك فيه تاني؟

ما هى الاسباب التى تؤدى الى انفصال العلاقة مع وجود
الحب بين الطرفيــن ؟.
ح

حاجات كتير...
منها الخيانة..والتفاهة...والغباء. ..وفراغة العين..

ماذا افعل اذا ضاع الحب تجاة من احـب ؟

حسب التاني...
لو يستاهل الحب..
ممكن أحاول استعيد الحب بأي طريقة..
ولو مايستاهلش...
يبقى ألف حمد وشكر ليك يارب

هل الصراحة تخدم الطرفين فـى كل الاحوال ؟

99,9%

والباقي هو كذب الحبيب على حبيبته انك اجمل واحدة وآخر حاجة..وموت المووووووت..
ههههههههههههههه

كيف اكون الزوج المثالى او الزوجة المثالية مع وجود مشاكل ؟

1-انك دايما في مشاكلك مع الطرف الاخر..خلّي تركيزك على المشكلة...
وانسى الشخص اللي قدامك..
واذا مراتك أخدت منك اي انتقاد بشكل شخصي...
وقف النقاش ووصيها نفس الوصيّة..
ياريت يكون تركيزنا ع المشكلة نفسها..
مش على مين اللي هايطلع صح ومين اللي هايغلب...

2-انك تعامل زوجتك على إنها أمانة عندك ...
ربنا ادهالك عن طريق باباها..
اللي برضو كان محافظ عليها لأنها أمانة من ربنا...
..
وشوف بقى ربنا سبحانه وتعالى معطيك أمانة...تتصرف معاها ازاي؟؟؟

هل المال عامل اساسى على استمرار الحــب ؟

لالالالالالالالالالالالال ال
واكتر نسبة طلاق بتحصل في المجتمعات الغنية والراقية ماديّا...
ولو مش مصدق ادخل الجووجل واعمل سيرش...
...
..
ميـــــــــرسي يااحمد على التوبيك الرائع..
وانا حاسس اني في برنامج تووك شو
هههههه
ه

**Green Eyes** · 02-06-2010 05:55 PM

ميـــــــــرسي يااحمد على التوبيك الرائع..
وانا حاسس اني في برنامج تووك شو
هههههه

ليه توك شو هههههههههههههههههه

بصراحة يا كيوبيد ردك جامد جدا ودخل قلبى ياريت الكل يكون عنده نفس الاحساس ده

**Rome mazen** · 02-06-2010 08:23 PM

كيف يكون الحب اذا لم يكن الذى اشعر به هو الحب ؟
الحب ده اروع شئ فى الوجود الحب ده اللى يخليك تتغير دائما وابدا للاحسن علشان تبقى جدير بحبك ده بيحسسك انك اسعد انسان فى الدنيا بيخلك طاير فى السما بيخد لبيعد بعيد قوى انت وحبيبك لدنيا تانيه تبقى انتو الاثنين وبس بتنسوه فيها اى حاجه وكل حاجه.
كيف احب اذا لم اجـد من يحبنى ؟
حبها لحد ماتيجى وتظهر فى حياتى تخيلهاهى هتكون ازاى عامله ايه هتقدر تسعدها ازاى عيش معها بخيالك لحد متلاقيها واول مهتشوفها هتقول هيا دى.
كيف استطيع ان اميـز بين الحب الحقيقى وحب المراهقة ؟
بكثرة التفاهم بينكم والحب والسعاده وزى ماقال سمسم بالظبط حب المراهقه مع اول مشكله بتقابله بينهار لكن الحب الحقيقى بيستمر رغم المشاكل الكتير اللى بتمر بيه ولو ظهر الحب الحقيقى فى حياتك يبقى هو ده اول حب فى حياتى حتى لو جه قابله كتير مش هيتسمى حب لكن الحب الحقيقى فى حياة اى انسان هو اول حب فى حياته.

كيف استطيع ان اتحكم فى مشاعرى واحاسيسى تجاه من احب؟
بالتفاهم بجد انا بحس لو الاثنين متفاهمين كل حاجه هتتحل وكل شئ هيعدى باعطائها مساحه من الكلام لكى تعبر عن ماحدث حتى لا يكون فيه سوء فهم للموضوع بالتماس الاعذار للطرف التانى ووضعك مكانه فى جميع المواقف
كيف استطيع ان احافظ على هذا الحــب ؟
بالتسامح والحب وعدم جرحك ليه بالصراحه بنكم بالاحترام المتبادل بنكم فى غياب بعض قبل تواجدكم مع بعض
هل يمكن ان يكون عامل السن سببا فى عدم استمرار الحب ؟
جايز لو الفرق بنهم كبير قوى يعنى انا من وجهة نظرى انه ممكن يسبب مشاكل لو كبير قوى لكن فى ناس كتير بتختلف معايا فى الراي ده يعنى لو هي اكبر من هو كتير قوى حاسه انه مش هيستمر
ما هي المواصفات التى اتمناها فى فتاة او فتى احلامى ؟
اولا يعنى بعد الاخلاق والاحترام يكون مجنون قوى يكون رومانسى خيالى وطبعا طبعا يكون بيحبنى وبيموت فيا
هل الشك اذا دخل بين المحبين ضـاع الحـب ؟
اكيد طبعا ولو كملو مع بعض يبقى بيضحكو على بعض فيسيبو بعض وفى ذره احترام بينهم احسن من كده
ما هى الاسباب التى تؤدى الى انفصال العلاقة مع وجود
الحب بين الطرفيــن ؟
الشك والكدب والخيانه
ماذا افعل اذا ضاع الحب تجاة من احـب ؟
لو ضاع الحب حاول انك ترجعه بشتى الطرق لكن لو لسه احساسك متغيرش يبقى خلاص
هل الصراحة تخدم الطرفين فـى كل الاحوال ؟
اكيد طبعا لازم الحب يكون مبنى اصلا على الصراحه هيفرق كتير قوى وده اللى هيخليها تستمر بس بشرط يكون الاثنين يقدرو الصراحه دى
كيف اكون الزوج المثالى او الزوجة المثالية مع وجود مشاكل ؟
بذكاء فى حل المشاكل يعنى مثلا لو هو مضايق ومتعصب لازم هى تكون هاديه جدا وتحاول تبعد عنه فى الوقت ده والعكس طبعا وبيعدين لما يهدى يتكلمو ا بمنتهى الهدوء. بالتنازل من اجل الطرف الاخر والعكس طبعا وتنازل فى حاجات معينه طبعا مش كل المواقف
هل المال عامل اساسى على استمرار الحــب ؟
لا طبعا لو المال موجود ومفيش حب يبقى مفيش سعاده لكن لو الحب موجود ومفيش مال اكيد هيبقى فيه سعاده وعمره طبعا مكان عامل اساسى فى الحب بس كتير قوى من الناس بيعتبره عامل مهم جدا