مهم جدا للبنات

[Messi]

الموضوع مهم جدا يا جماعه للبنات
فياريت محدش يتهاون فيه
هو للامانه منقول مع شويه تعديلات عشان انا عارف البنات عندنا فى المنتدى وطريقه تعاملهم
نخدش ع الموضوع







عزيزتي.. ده انتى يعنى

لو ربنا فك عقدتك.. واتخطبتي..

فلازم وللابد وحتما تاخدى بالنصايح دى وده عشان تاخدى بخطيبك من مركب الخطوبة إلِّي محدش عارف هاترسى على إيه

.. إلى مثوااااه الأخير في قفص النسانيس .. قصدي قفص الزوجية السعيد..



أجمل ما في الخطوبة العزومات الرومانسية يومين تلاته مهو الواد لسه مخبوط فى دماغه وفرحان بيكى

.. على أحلى محلات أكل فى البلد.. واللي عمرك ماهاتشويفها بعد الجواز..

المهم بقى شويه النصايح دول تحطيهم حلقه فى ودانك اياكى تنسيهم....

اللهم بلغت اللهم فاشهد

1

- الأول لازم تعرفي إن الشوكة والسكينة بيتمسكوا من إيديهم من الطرف يعني

مش من الوسط زي الخنجر ولا من فوق طبعًااا



2-العيش أوعي تفضحينا وتقطعيه بسنانك

.. ولا الرغيف نصين بأيدك وتاكلى نص لقمة وتحشري أوعي

...العيش بيتقطع بالسكينة فى الطبق

. وبعدين تاخدي لقمة.. لقمة.. بالعافية.. قال يعني نفسك مسدودة..

اضغطي على أعصابك جامد جدااا وبعدين لما تروَّحي.. إبقي حِفِّي زي مانتِ عايزه... .



3- الشوووربة.. أبوس كعب رجلك..

بند الشوربة ده مهم جدًاااا

.. الشوربة تتشرب من غير صوت خالص. . ومن غير ماتقعدي تنفخي فيها

.. زي القهوجي اللي بينفخ فى الحجر للزبون.. وطبعــاً عايزك تنسى خالص

.. السلطانية اللي بتشربى منها من بقك ف البيت.. وتدلدقي على روحك..


بالمعلقه ومن غير صوت.. سخنة ولعة برضه بدون صوت

.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....





4- الرز طبعاً .. بيتاكل بالشوكة.. أوعي إيدك تتمد ع المعلقة. .

وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه.كده بالظبط.



5- المكرونة.. الاسباجتي.. برضه بالشوكة.. تتلف على طرف الشوكة..

لحد ما تخلص وبعدين تحطيها فى بؤك من سكات.. مش تشفطي المكرونة عود عود..



6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص..

بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح..

شيلي السلسلة بالشوكة والسكينة وحطيها ف جنب الطبق وكملي أكل النص التاني

.. وبدل الفيلم الهندي ده.. نصيحة.. ماتكليش السمك خالص..

قولي مابحبش السمك وخلصي نفسك..



7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين..

آل يعني زهقانة من كتر أكل الجمبري الجامبو ف بيت بابـا..

وأتنهدي جامد وقولي.. برضه..؟؟؟

وتروحي قاطعة راس الجمبريياية.. بالشوكة.. أنا فى عرضك إنسي المصمصة دلوقتى..



8- البطاطس سواء مسلوقة أو محمرة.. أوعي تهرسيها وتدبيها على الرز وتدي ...لا..لآ...لآ...

بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي..



-
9-الفاكهة.. لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة..

وبعدين فى طفاية السجاير اللي على الترابيزه

.. أوعي يا مام من نظام التفتفة للبذر.. إنسي....كده الخطوبه تنفسخ فى وقتها واحنا فى عرضك عاوزين نخلص



10- ولما تخلصي أكل تحطي إيدك على بطنك..

-اللي عصافيرها بتصوصو من العينات اللي كلتيها-..

وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....



وبعدين تمسكي الفوطة اللي دايمًا موجودة على التربيزة من غير لازمة.. وتبوسيها..

آل يعني بتمسحي بؤك..

وبعدين تستأذني منه لدخول التوليت لإصلاح ماكياجك..اللى اتبهدل من كتر اكلك

وتخشي التواليت وتطلعي من شنطة إيديك..

لفة الفول والطعمية اللي جايباها معاكي.
وتنسفيهم عن اخرهم
والله المستعان
ويابنات ياريت تاخدوا بالنصايح

[Wezooo(•'.'•)]

هههههههههههههههههههههههه
يخرب عقلك يا مسى بجد موضوع جامد ولازم كل بنات تاخد
بالها من الموضوع الاكل ده
واهم حاجه فى الموضوع ده لفه الفول والطعميه
وفى النهايه هقول ايه هما كده دايمن يا خويا يا مسى بيضحكو علينا لحد
ما نقع فى الاقفص وبعدين انت عارف بقى

[| المقصرة في حق الله ●]

لا بجد والله ضحكتوني هيء هيء
يا بابا هي البنت عموما لو كلت باي طريقة هي هيكون راضي و هيموت بس عشان ترضى تخرج معاه

[Messi]

خلاص خلاص ياويزو
ربنا امر بالستر

[Messi]

ده كان زمان
دلوقتى هى اللى مبتصدق يقولها تعالى اعزمك
تقوم شابطه فى دراعه على طول

[| المقصرة في حق الله ●]

ليه ان شاء الله عشان كده بتروح تطلب ايده
بس بس يابابا دول بيتحايلوا على اهلها يقنعوها تخرج معاه
وبعدين مالهم بنات المنتدى ومالها طريقتهم يا بابا

[Spider GirL(•'.'•)]

هو احنا هنتجوز من برة مصر
ما كلنا زى بعض ولا تمثيل عالفاضى بس ما يمنعش شويا ذوق كدة بس كدة تعقيد هيكون اكل تعجيزى يا بنى

[بسمة]

ياسلام
( ويابنات ياريت تاخدوا بالنصايح )
شكراا مش عايزين ناخد حاجه
الي عايزنا بطبعتنا اهلا وسهلا والي مش عايز ...........
الموضوع جميل شكراااااااااااااااااااااا اا

[Haneen]

هيء هيء هيء هيء هيءهيءهيءهيء هيء هيء هيء
هيء هيء هيء هيء هيء هيء هيء هيء
هيء هيء هيء هيء
هيء هيء
هيء
لاء والنبي ده للبنات ؟ راجع نفسك يا ميسي وانت هاتعرف الموضوع متوجه لمين بالظبط
هههههههههههههههه شكرا قال نصايح قال ماشي ياعم مردودة لك

[● Snow White ●]

it's right but soooooo old

thnx messik