ازاى تصالحها لو ظبتطك بتخونها..ادخلوا بسرعه

**حكايه** · 05-05-2010 01:28 PM

دارت فقرة " اسألوا رجاء "الليلة حول موضوع فى غاية الطرافة والاثارة أيضاً ..استهلها عمرو اديب بالمقدمة المعهودة : فقرة اسألوا رجاء النهارده عن موضوع مهم جداً ، واحد صاحبى محتاج استشارة ، مراته ظبطنه بيخونها ، عايز يعرف : يعمل معاها ايه عشان يراضيها ؟

عايز نصيحة يعرف ازاى يخليها تسامحه
السؤال : المتلبس بالخيانة يعمل ايه ؟ هل فيه حاجات المفروض يشتريها او حوارات معينة تتقال ؟

كان رد الفنان عزت ابو عوف ان الحل الوحيد هو ان يطرد الزوج من المنزل ، وقال مايجيبلهاش حاجة ولا يقرب منها يسيب البيت ، ويفضل قاعد زى الخروف الحونى ، اليف وبدون كلام تماما حتى تسمح لك بانك تقرب
ساله عمرو : ايه الخروف الحونى ده ؟
قال عزت ابوعوف : نوع من الخرفان بيسموه كده بيبقى اليف وقاعد على طول مدلدل ودانه ما بيعملش حاجة !!!

وقالت رجاء الجداوى : اذا ظبطته متلبس وشافت بعينها تبقى المسألة صعبة جداً ، لكن اول خطوة انه يحس انه غلطان لكن لازم نمر فترة لغاية ماهى تهدا شوية ، تضرب بوز وتكشر وده حقها لكن مايسيبش البيت ويثبت لها انه مقتنع تماما انه غلط وان ده لن يتكرر اطلاقاً
واثبات حسن النية
قاطعها عمرو : يعمل ايه يعنى انتى ست خبرة ..
قالت : تبقى انسان لطيف او تخرجها او تجيب هدية الخ

ردت مشاهدة : يخش فى عينها ويقول لها اللى انتى عايزاه اعملهولك لو دلع فيها بتزيد زيادة ، خلاص انتهى الموضوع ، لو اديتها مجال للاسف هتقوللك ليه وهى احلى منى فى ايه ؟؟؟

:ه4:

**شروق الامل** · 06-05-2010 03:16 AM

ردت مشاهدة : يخش فى عينها ويقول لها اللى انتى عايزاه اعملهولك لو دلع فيها بتزيد زيادة ، خلاص انتهى الموضوع ، لو اديتها مجال للاسف هتقوللك ليه وهى احلى منى فى ايه ؟؟؟

انا لواكتشف ان حبيبي يخوني رووووحه اخدهاااا مش ارضى بهديه ولا حتى كنوووووووووووووووووز الدنياااااا يارب ما تعرض لها الموقف

:

**حكايه** · 06-05-2010 04:07 AM

الحمد لله انك قلتيلى طبعك من دلوقتى عشان نبقى على نور
قبل متشغلى السكاكين والسواطير
:ه:

**amante romántico** · 06-05-2010 05:22 AM

انا عن نفسى لو حصل حاجه زى دى حتى لو كان بالنسبالى ايه هقوله ماعتش عاوزه اعرفك تانى وعمرى ماهسامحه مهما حصل وحتى لو عمل ايه
عشان اللى بيخون مره بيخون عشره