تعـــــــــــــالو اختارو احلا موقف محرج للمعرس

[اغادير الوله]

بسم الله الرحمن الرحيم




&
&















7
7
7
شوي شوي لا تتزاحموون <<<<<ماطول عليكم






الموقف الاول

عريس توووه أخذ عروسته من أهلها وموديها للبيت
(طبعا كان الوقت متأخر والشوارع تقريبا فاضيه في حارتهم )
قال العريس : وش رايك اوريك حركه حلوه ؟
(قصده يفحط , !! )
قالت :لا ما يحتاج ( البنت موناقصه ترويع كافي عليها أنت !!! )
قال : إلا إلا شوفي هذي ......................... .......
ولا صحت إلا بالمستشفى , وقضوا أجمل شهر عسل على الاسره البيضاء









الموقف الثاني

أيضا عريس اخذ عروسته من القاعة , جو أهلها بيسوون لها موكب والعريس
راسه يابس, وهو رايح, يابن الحلال مو عشانك عشان بنتنا !!
ولا فيه فايده , المهم أخذ زوجته وراح يتمشى فيها(مسوي فيها رومانسي)
ورجها طوال الطريق : وش تبين تتعشين؟
وهي تقول : سلامتك ما ابغى شيء
ويقول :لالالالا لازم تأكلين شيء ؟؟
وهي تقول : والله ما أبغى شيء
ويقول : لالالالالا وش هالكلام ....... ( ياخي فقعت مرارتها موناقصتك )
وأصر أنه لازم يشتري لها شىء
قالت : خلاص ببسي
(يا عمري بسيطه )
المهم نزل الأخ يجيب لها ببسي ( وطبعا ترك السيارة شغاله عشان ماتفطس
من الحر ) ,, يوم رجع ؟؟
وين السيارة ؟؟؟؟؟؟؟؟؟ وين زوجتي ؟؟؟ وين ما وين !!!!
طبعا السيارة وأكيد البنت انسرقو
( فيه مجرم بيشوف له سياره فخمه وبداخلها عروس كاشخه ويقول لا !!!!)




الموقف الثالث


عريس دخل على عروسته وحط يده على جبهتها !!!!!!!! وبعدين سكت
ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه
واخر شيء قال " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!
(معذوره وش ذااااااا الأخ بيسافر!!! )



الموقف الرابع


عرسان يسولفون لليلة العرس (مكبرين المجلس ) , ومافيه موضوع إلا وتكلمو
عنه (طبعا هذا أول يوم والسوالف الحلوة ) ووصلو لموضوع جدول
الضرب ( أنا مدري وش اللي وصلهم له!! يبدو انه مدرس رياضيات)
قالت العروسه : تصدق حتى الآن ما حفظته .
قال : ولا يهمك وجاب ورقه وقلم وجلس يعلمها
3 في5 = 15 قولي وراي ......................... . (قلبها حصة)


الموقف الخامس


فريقي
عرسان يسولفون , سألها : وش هو الفريق اللي تشجعينه ؟؟ قالت : (.....)
قال لها : وع ع ع ع ع ع من زينهم هم ولعبهم أساسا فريقي (.... )
هزئهم في الدوري 3/0 , وفريقي اخذ الكأس 10 مرات وفريقك ما أخذوه
إلا مرتين , واساسا مدربهم ما عنده سالفة , واللاعب اللي جايبينه من برا
ماسوا لهم شيء ولاعبكم اللي شايفين أنفسكم فيه هزئه المدافع حقنا و...... و.................... و....................

( الأخ أخذ جو وجاب السيرة الذاتية والتفصيلة للفريقين بـــــس مالاحظتو ا
شيء غريب أن البنت ساكتة و فريقها يتهزأ )
وبعد ماخلص المحاضرة الطويلة , قالت له : تعال أبيك برا الغرفة !!
يوم طلعو دخلت وصكت الباب بوجهه ونام المسكين في المقلط
( يا غبي وش محك لسانك تهزأ فريقها !! كان صبرت كم يوم وبعد كذا
قل كل اللي بطبلونك )


الموقف السادس


أخذ العريس عروسته واتجه إلى بيت أهله ( عشانه يسكن معهم) لكن
فوجئ انه كل أبواب البيت الداخلية مقفلة , وجلس بالحديقة هو وزوجته حاول الولد يدخل
للبيت باي شكل لكن مافيه فايده , ولا عنده تلفون عشان يكلم ولا يقدر
يروح ويترك زوجته لوحدها بالحديقة , ولا يقدر يروح لفندق لانه مامعه
أي إثباتات , ولا معه سياره أخوه وصلهم وراح لهذا اضطر يقعد قعده محترمة
لحد الفجر لما رجعو أهله






وســــــــــــــلام

[HADDER]

تسلمى