مين الغلطان البنات و لا الولاد ؟!

[● TiTaNiC LoVeR ●]

مشكلة العصر و الاولاد و البنات
و هو حصل فعلا
فى مرة قاعد انا و صحابى كنا بنات على ولاد
فى سنتر كبير جدا و مشهور
المهم احنا قاعدين عند الكافى لقينا شلة بنات معدية
الاولى لابسة تى شيرت ضيق و جيبة قصيرة
الثانية لابسة بنطلون جينز و جاكت لابسة تحتية بادى ضيق طبعا
الثالثة لابسة قصير و بادى معرى نص بطنها
الرابعة بقى لابسة بنطلوب برامودا قصير جدا و ضيق بدرجة غبية و شفاف اوووووى و لابسة بادى ضيق جدا جدا جدا من فوق و كاد ان يكون مغطى ربع جسمها
و هما معدين عدوا على شلة شباب الحقيقة ان البنات معملوش اى حاجة للشباب
بس شلة الولاد مقدروش يستحملوا المنظر راحوا مشيوا وراهم و حصل تحرش ((فاهمنى طبعا))
قعدنا نتكلم الولاد مع البنات و نفكر مين اللى غلطان فيهم الولاد ولا البنات ؟؟؟

حبيت اطرح الموضوع وحد يفهمنى مين اللى غلطان

[Messi]

اولا شكراااااااااااااااااااااا ا يا شرشر ع التوضيح الكامل للمشهد انا حاسس انى شوفتهم معاك يا راجل
احممممممممممممم المهم نتكلم فى المهم
اللى غلطان البنات طبعا ودى حاجه اى حد متفق عليها
يعنى ايه بنت تمشى ظاهره اللى الشباب هيموتوا ويشوفوه
ولما يشوفوه لازم هيتحركوا هم مش حجر اكيد يعنى يعنى
دول شباب وليهم مشاعيرهم واحاسيسهم على راى اللمبى
هم لو خرجو نص محترمين مش هيحصل كده او لو حصل حاجه مش هتكون بالدرجه اللى حصلت وهم لابسين من غير لبس

شكراااااااااااا يا مان ع التوبك

[M@GO]

شكرااااااااااااااااا على الموضوع
بس الغلطان اكيد البنات على كلامك انا حاسس ان شوفت المشهد بعينى ده لو كان بن لادن كان مشى وراهم يانجم

[Spider GirL(•'.'•)]

مفيش شك يا شريف البنات طبعا غلطانين
هم محترموش نفسهم ولا احترموا الناس وقبل كدة ما احترموش الدين والعادات والتقاليد
يبقى مش من حقهم اصلا يعترضوا ع عدم احترام الناس ليهم
والولاد والله لو شايف بنت قدامه محترمة وماشية كويسة هيحترمها غصب عنه

[| سندباد ●]

ازيك يا شريف انت واحشنى والله،،
المهم
انا كنت فاكر الموضوع حاجة تانية خالص....

بس فى الحالة دى ،،
البنات بالوصف ده (بنات مش محترمين)
واللى قاعد فى البيت ده مش راجل
-بغض النظر عن عذربعضهم بالبيئة اللى نشأوا فيها-
الا انهم غلطانين....

وسورى للشباب
هما لو كبروا دماغهم وعرفو انهم ماشيين ورا وهم زائف...كانت البنت حست ان محاولتها دى فشلت فأكيد هتتلم....

ولازم نفتكر ان واحد من السبعةاللى يظلهم الله فى ظله يوم لاظل الا ظله ( رجل دعته امرأه ذات منصب وجمال، فأعرض عنها )

ربنا يجعلنا منهم
ولآسف ع الاطالة
....................

[● TiTaNiC LoVeR ●]

شكرا يا ميسى , ماجو , سيبايدر , سندباد
على مروركم
وانا شايف ان ردودكم قريبه من بعض يعنى مفيش اختلاف
لانه صح ان البنات هما اللى غلطانين
وخصوصا ان النهارده الجمعه والخطيب لما كان بيخطب النهارده كان بتكلم على الملابس الضيقه اللى بيلبوسها البنات يعنى بقت مشكله
وربنا يسهل

[بسمة]

لو عايزين تسمعوا ان البنات غلطانه حاضر
البنات غلطانه 100%
هما شباب زي الفل وعندهم احساس كلام جميل (راحوا مشيو وراهم)
ايه الفرق بين البشر والحيوان كلهم عندهم احساس بس الفرق العقل فين العقل في الموضوع
لما بنلحق الغلط بنكون احنا كمان غلط
(حصل تحرش ) ناس بدأت وناس ختمت
انا شايفه الكل غلطان ومفيش محترم بيلحق وحده مش محترمه
والطيور على اشكالها تقع
وشكرا

[Hegazy]

انت اكيد بتتكلم على السنتر اللى فى مارينا صح ولا قصدك السنتر اللى فى مدينة الاحلام
بداية يا استاذ احب اوضح ان اللى انت بتقول عليه ده صعب انه يحصل لان ببساطه اللى انت بتقول عليهم ده و حسب و صفك انت بيبقوا حاجه تانيه و وبعدين اللى انت بتوصفه ده مش هيبقى بالنسبه ليهم الموضوع فى مشكله اصلا بالنسبه للبنت و طبعا مش هقدر اوضح اكتر من كده
عموما و بافتراض ده حصل احب اقولك ان زى ما قالت بسمه الاتنين غلطانين و فوقيهم اهالى الاتنين اللى مقدروش يسيطروا على بناتهم و اهالى الاولاد اللى مقدروش يزرعوا فى اولادهم ان الفضيله عموما هى افضل شىء و حاجه اساسيه
وتقبل مرورى و اسف على الاطاله

[MeEeGoOoO(•'.'•)]

الاول شكرا ياشريف على الموضوع وهوا يعتبر موضوع العصر
وانا كمان بضم صوتى لكل الاعضاء اللى ردوا فى ان البنات هما اللى غلطانين طبعا
لان صح لو هما خرجوا محترمين اكيد الكل هيحترمهم زى ماقالت سبيدر
ولوخرجوا مش محترمين طبعا مش ممكن حد يحترمهم فلازم نضع حل للمشكلة دى لانها فى زيادة مستمرة

[| المقصرة في حق الله ●]

انا شايفة ان الولاد هما اللي غلطانين
ففيه احتمال ان البنات دي طبيعة بيئتهمده لبسهم
** وبالتالي هما غلطانين بس مش قد الولاد
والاحتمال التاني انهم عارفين انه غلط وبيعملوا كده عن عمد
**وبالتالي هما غلطانين
## لكن الولاد وده الاهم عارفين بشتى الطرق ان ده حرام حرام حرام وكبيرة فازاي يعملوا كده
فالاتنين غلطانين بس انا الوم الولد وانا مع بسمة وحجازي