الرجل بين زمن دبح القطة وبين زمن الرجل القطة

[كوكى]

السلام عليكم ورحمة الله

"العيب عليه أصله مدبحلهاش القطة"

كلمه بنسمعها كتير خاصة من العجائز من النساء
حينما تري زوجه متسلطة تكاد تكون مسيطرة علي زوجها

والغلبان يا عيني لا حول له ولا قوة !!!!!!!!

أصل المقوله ديه يرجع الي عادة كانت منتشرة

قديما بين رجال مصر هي أن يحضر الرجل قطة

ويجهزها ويضعها في غرفة النوم,, وفي ليلة الدخله

يدبح القطة المسكينة قدام عين مراته قال يعني عشان يبرهنلها علي

مدي شجاعته التي ليس لها حدود ..(بيتشطر ع القطة يعني)...

بس صراحة كانت بتجيب نتيجة وأدينا كلنا شوفنا

بين القصرين (الفيلم اللي بسببه لسه الرجاله رافعة راسهه لغاية دلوقت ههههههههههه)

"ايه اللي حصلك يا أمينهههه"

"السوارس خبطتني يا سي السيد"

لكن دلوقتي الراجل بقي هوه القطه (الا ما رحم ربي !!!!!!!!!!)

"سامى, الساعة بقت سابعة قوم يللا حضر الفطارعلي ما آخد الشاور"

"حاضر يا حبيبتي , خلاص بنشر آخر حتة وجاي"

بعد الشاور" سامى, أنا نازلة الشغل , بليز بلاش آجي من الشغل الاقيك لسه مطبختش,,

وباقي شغلك في البيت بقة انته عارفه,,, باي يا ولاد"

طبعا مقدرش أقوول ان رجالة زمان كلهم كانوا زي سي السيد
ولا أقدر اقول بردو ان رجالة النهارده كلهم زي سامى
بس احنا بنتكلم علي الغالب......

في النهاية يا ريت كل واحد يخش ويقول مين من الزمنين

كان أحسن,,, وياريت البنات بالذات تقول تحب مين أكتر

سي السيد الراجل المنغلق الرجعي بس (راجل)

وللا سامى المنفتح التقدمي اللي سبور بس (قطة)

مستنيا آراءكم!!!!!!!!!!!!!!!!!!!!!

[amante romántico]

اولا تسلم ايدك كوكى على التوبيك الرائع دا
ثانيا انا باه ماحبش ولا دا ولا دا انا احب الراجل اه اللى شخصيته قويه معايا ومع غيرى بس فى طيبه وحنيه واحترام ليا ولمشاعرى مش مجرد انه شخط ونطر طول النهار ودا اثبات انه راجل وشخصيه
مش هى الرجوله الرجوله الشهامه محافظته على بيته مش اهانته لمراته وجعلها مالهاش شخصيه معاه ولا مع غيره
دا وجهة نظرى ومرسيه ليك للمرة التانيه على التوبيك
:ق1::ق2::ق1:

[كوكى]

وجهة نظرك من وجهة نظرى يا احلى عروسة وربنا يوفقك ويسعدك يا رب
ونورتى التوبيك وشرفتيه