احنا فين من القمر

**golden boy** · 13-02-2010 10:21 AM

احنا فين من القمر

***********************

احنا فين من القمر

احنا أية وسط البشر

بعنينا شا يفين جروحنا

بس بنضحك على روحنا

سنيين يا قلبى واحنا

بنلوم ع والقدر

اخنا فين من القمر

احنا اية وسط البشر

************************

احنا الدموع واحنا الاهات

احنا اللى عايشين ع الذ كريات

لاعارفين نعيش حيا تنا

ولا قادرين ننسى اللى فات

ما بين وبين ** عايشين سنيين

تايهين ضايعين

مش حاسين بالخطر

احنا فين من القمر

احنا اية وسط البشر

*****************
احنا ملوك الكلام

والاغانى والافلام

احنا التوة والضياع

والكدب والاوهام

من سنيين من بدرى

والعالم كلة بيجرى

واحنا لسة ف مكا ننا

عايشيين ف العصر الحجرى

ما بين وبين عايشين سنيين

تايهين ضا يعين

مش حاسين بالخطر

احنا فين من القمر

احنا اية وسط البشر

تحياتى
Golden Boy
منقووووووووووووول

**Eshoo_m7m** · 13-02-2010 01:38 PM

:ولد::حلو::ولد::حلو::ولد:
احنا الدموع واحنا الاهات

احنا اللى عايشين ع الذ كريات

لاعارفين نعيش حيا تنا

ولا قادرين ننسى اللى فات

ما بين وبين ** عايشين سنيين

تايهين ضايعين

مش حاسين بالخطر

احنا فين من القمر

احنا اية وسط البشر

:ولد::حلو::ولد::حلو::ولد:
تسلم ياداك
شكلك كدا هتبدا تبدع وتعقأدنا
:ايه::ايه::ايه:

**كيوبيد** · 13-02-2010 04:21 PM

جميل يامؤيد..
ربنا يحميك

**محمود دياب** · 15-02-2010 01:28 AM

يا عم اكتب صاحب الكلام او اكتب منقول لكن تعرض نفسك

والمنتدى للمسالة القانونية وتأخذ حق ومجهود غيرك لية

محمود دياب

شاعر غنائى

وصاحب الكلام الحقيقى

وع الاخوة الاعضاء الدخول

على جوجل بسم القصيدة

ليعرفوا الحقيقة عشان مينفغش

اعمل دعاية لمنتديات اخرى

محمود دياب العبد لله

صاحب هذا الكلام

**كيوبيد** · 15-02-2010 07:53 AM

محمود ازيك...
الأول أحب أرحب بيك في منتدى حكاية وقسم الشعر بالذات..
..
أنا طبعا ماتشرّفتش بحضرتك...
بس أحب طبعا اتشرّف بيك..
..
بالنسبة للقصيدة أنا لقيتها مكتوبة هنا يوم 13-2-2010
وهناك في منتدى كريزي مان لقيتها مكتوبة في نفس اليوم..
.

..
..

.
بس هنا الساعة 10 و21 دقيقة صباحا
وهناك في كريزي مان 2 و30 بعد الظهر...
عشان كده لازم الأول نسمع تعليق مؤيد على الموضوع...

وبعدين يكون الكلام بطريقة أهدى من كده..
..
أرجو ان تتذكر ...وجادلهم بالتي هي أحسن...
ده طبعا بالنسبة لجدال الكفار..
احنا هنا نتناقش بهدوء عشان احنا في قسم الشعر وانت عارف قد ايه هدوء ورومانسية الشعر...
..
أتمنى منك انك تاخد جولة ..وانت مدعو لكافيه قسم الشعر في المواضيع المثبّتة..
أتمنى انها تعجبك..
..
تشرّفنا مرة تانية..
ومستني ردّ مؤيد

**كوكى زمالك** · 15-02-2010 08:20 AM

الناس بتقول الاول سلامو عليكو ما علينا علشان انت بس لسه جديد هنقولك منور المنتدى يا استاذ محمود وزى ما تكرم الاخ والصديق الفاضل كيوبيد او اسلام ان فرق التوقيت لينا هنا يعنى حوالى 4 ساعات و9 دقايق أظن ان الوقت كافى جدا ان يكون الموضوع بتاعنا بس برضة دا مش يمنع اننا نستنى مؤيد ويرد على كلامك لان هنا فى المنتدى الحمد لله لينا وضعنا ومش بناخد حاجة بتاعت غيرنا وأظن مؤيد مقلش أنها من وحى خياله بس عموما منور برضة المنتدى وياريت نتشرف بحضرتك ....... كريم الوديعى

The Dark Knight · 15-02-2010 01:08 PM

انا شايف ان انت اللي بتعمل دعاية لنفسك
و بعدين موضوع المسألة القانونية
السيرفر بتاعنا في المانيا , يعني في شركات امريكية نفسها مش عارفة تطولنا فيه
و هناك ولا في حقوق و لا محقوقش
يعني حتة المسالة القانونية دي معندناش اي نوع من انواع القلق فيها !
و من المعروف ان طالما الحاجة نزلت على النت خلاص كده بقى مسموح انها تتنقل في اي حتة , و متقدرش تتحكم فيها
غلطتك انك سمحت انها تنزل على النت من الاول
و لو هي كلمة منقول دي اللي هتريحك
ضيفنالك كلمة منقول
اكتر من كده معنديش ردود يا اخ محمود
منور السايت

The Dark Knight · 15-02-2010 01:16 PM

يا كيوبيد
بالنسبة لموضوع الساعة ده
انا دخلت على الموقع التاني
و بعد الفحص لقيت ان الساعة عندهم مقدمة 8 ساعات
و ده خطأ في الاعدادات او ممكن يكون مقصود الا انها مش مشكلتنا
بس على توقيتنا المصري
اللي منتدى حكاية ماشي بيه
التوبيك اللي في الموقع التاني نازل يوم 13 فبراير 2010
الساعة 6:28 صباحا
و التوبيك اللي عندنا نازل في نفس اليوم
الساعة 10:21 دقيقة
يعني نازل عندنا بعدها باربع ساعات
دي شهادة لله فقط