ازاى تعكنن على واحد نايم؟؟؟؟

[golden boy]

عزيزي الصاحي اذا كنت تعاني من أرق لأي سبب

و حاقد على واحد نايم او اذا طق فيوز النداله فجأه عندك أو عرق

الرذالة بيوجعك وقدامك واحد نايم كأي بطيخة تحترم نفسها

ماعليك الا ان تتبع الخطوات التاليه


وصدقني ممكن يقتلك فيها



أولا : اذا كان في عز نومه وانت مانمتش أو مش جايلك نوم ادخل الغرفه وشغل النوووور

واطلع بمنتهي البرود كأنك لم تفعل شيء.

إذا كان نومه خفيف هايصحي وقولك ( إطفي النور يا زفت انت ) .

طبعا إحنا اتفقنا إنك بارد عشان كدا

متديلوش أي إهتمام و تذكر القانون الثالث لنيوتن في التنفيض

" لكل فعل تنفيضة مساوية له في المقدار و مضادة له في الإتجاة " .



أما لو كان نومه تقيل يبقي تستعمل الطريقة رقم 2


ثانيا : اكتشف إن في بيتكم سرير وعايز تتأكد إن كل حاجه تمام و إن السرير
رجليه مظبوطة

طبعا دا السرير إللي أخينا

نايم عليه ويمكنك ساعتها القيام بالكثير من التخبيط و الدقدقه وتحريك
السرير ولكن إنتبه ممكن يصحى من النوم فيجدك تحت السرير

او رأسك في متناول يده فلا أحد يعلم ساعتها ماذا يمكن أن يحدث
لو كان من هواة النوم وبجوارهم مفتاح إنجليزي


.. لذلك أنصحك أن تهز السرير هزات عنيفة حتي يستيقظ وقبل أن
يفيق تماما أجرى بأقصي سرعة
ومتنساش المثل اللى بيقول
الجرى نص المجدعة
دلوقتى بئا يا حبيبى هو المجدعة كلها

ثالثا : اذا كنت مقهــــــــور من واااحد ناايم العصر او الظهر أدخل الغرفه

وغطيه كويس و إقفل التكيف واطلع ومتنساش

تقفل البيبان والشبابيك كويس اوى.

واذا كانت في دفايه بالغرفه , ياعيني شغلها بقي علي أسخن حاجة وسيبه
واطلع بره كأنك لا تعرف عن الأمر شيء .




لسه ما قامش ؟؟



إوعي تيأس



رابعا :
لو كان لسه ماقامش !!!


ماتعملش حاجة من اللي سبق ذكره إنما بهدوء

حط ايدك على الراديو وشغل محطه خرباااانه

و يا سلام لو كانت بتاعت أغاني هابطة من نوعية

( حبيبي فوق حبيبي تحت حبيبي رايح حبيبي جاي )


وعلي الصوووت على الآخر و امشي إنت كمل فرجة على التليفزيون .

خامسا :
اذا كان لسه نايم وانت شبعااان نوووم بس عايز تتونس

جيب ماية ساقعة وقرب من النايم ونقط على وشه نقطة نقطة هايترعش
ويمسح وشه فاكرها نمله ولا حاجة .

واقعد كده لحد ما يصحي أو يقوم يرزعك قلم محترم علي وشك ويكمل نوم
ما تمشيش برده
سادسا :
خذ منديل ولفه لحد ما يبقي على شكل عود كبريت كدا... الغرض ان يكون نهاية
طرفه حاد ..

وبس بقى .. أخينا رأسه أصبحت ملعب وأنت الهداف

ممكن تحطها في ودنه ( الحركة دي مستفزة جدا ومجربة ) .

ممكن تحطها في بؤه

ممكن تحطها في منخيره

ممكن تمشيها على وشه


انت و ضميرك بئا


لو صحي يبقي إحتمال إنه يفرجك علي عنبر الكسور في أي مستشفي قريب من
بيتكم




واذا مانجحتش كل الطرق اللي فوق... تأكد انه مش آدمي . . خليه نايم

[شروق الامل]

:حلو:
:5:

[Eshoo_m7m]

:حلو::حلو::حلو::حلو:
:ولد::ولد::ولد::ولد::ولد:

طول عمرك شقى وموضيعكزيك تمام يامؤيد
تسلم ايدك على الرخامه ديه
ههههههههههههههههههههههههه ه

[RoOH Teflah]

ههههههههههههههههههههههههه هههههههههههههههههه
ينهاري
انت كده بتلعب في عداد عمرك
ههههههههههههههههههههههههه هه
لا بجد رزاله اخر حاجه
مش بعيد لو جربتها في البيت مش الاقي نفسي تاني
وحلوة اوي الاغنيه ديه
حبيبي فوق حبيبي تحت حبيبي رايح حبيبي جاي
ده صوووووووووت
هههههههههههههههههه
مش بعيد يصحي يولع فيا وفي اللي بيغني

[فينوس]

ههههههههههههههههههههههههه ههطول عمرك مجرم

[golden boy]

اييييييه رايك يا فييييييينوس !!

طريقه اهي عشان لو موووني نامت منك في الشغل او حتي لو فكرت تنام . اديكي عرفتي هتعملي ايه معاها :ولد:

ولا عزاء للسيدات يا موووووووووووووني

[كوكى]

ماشى يا مؤيد اما قطعت رقابتك انا هاوريك ومش نايس توبيك ولا حاجة

[golden boy]

بطه بتحب بطوط وفرخه بتحب كتكوت وسمكه بتحب قرموط وانا بحب

اعاكسك موووووووووووووت يااااااااااا مووووووووووووووني :ولد:

[bosbos88]

هههههههههههههههههههه
رخامة اخر حاجة
ممكن كمان لو حد نايم تيجى جمبه تصحي جامد وتقعد تقوله قوم قوم قوم هو طبعا هيقوم مفزوع واول مايصحى تسأله انت نايم
ساعتها ممكن يقتلك فيها

[golden boy]

منورين والله يا جماعه وشكرا لكل من مر بالموضوع

ونصيحه مني ما حدش يعمل كده مع واحد نايم