مصر فريق أفريقيا المُرعِب

**ابو اسكندر** · 09-02-2010 11:54 AM

مصر فريق أفريقيا المُرعِب

مصر فريق أفريقيا المُرعِب .......................
................................ قاهِر فرَق المونديَّال
فرقه تقيله ف قلب الملعب .........................
................................ وولادها دايمًا أبطال
مهما تكون الماتشات أصْعَب ......................
........................ برضو تفوز بتلات تِجوَال
يكـْفِي زيدان والمُتعِب مِتـْعِب .....................
.............................. تلـْقىَ الملعب ولع نار
ـــــــــــــــــــــ
نيجيريا بْجلالتها انهزمِت .........................
........................... بتلاته وكان ممكن أكتر
والكاميرون تعْبـِت وانهدِّت .......................
........................... وفريقنا كان هوّه الأكبر
وجزاير باربعه ما اترحَمِت ....................
........................ وفريقها اترَّقـَّص واتبعتـَّر
وعشان جماهيرنا اللي انظـَلـَمِت ................
............................ كان لازم ناخـُد بالتار
ــــــــــــــــــ
وَعَدُوا يجيبوا لمصر الكاس .....................
....................... علشان تِبقىَ المرّه السابعه
وشحاته دماغـُه هتِنباس ..........................
............................ للمرّه التالته المتتابعه
ويخلـّوا الجماهير والناس ........................
........................... يتفرّجوا ع الفن بمُتعه
فن يمخمخ جوَّه الراس .........................
.......................... أصل الفن دا له أسرار
ـــــــــــــــــــ
هنلاعب غانا وهنفوز ..........................
...................... إن شالله ف مباراة الفاينال
بتلاته أو حتى بجوز ...........................
....................... لاكن بتلاته يكون أفضل
ونجيبهم وقت ما بنعوز ......................
...................... وفريقنا يكون هوّه الأتقل
واما يجيب الكاس ويفوز .....................
......................... هنقابله شايلين أزهار
ـــــــــــــــــــ
إفرحوا بوصول الأولاد .......................
......................... لحِّنوا أغنياتكو وغنـُّوا
أصبحوا ف القاره الأسياد .....................
........................ حققوا ما كانوا بيتمنـُّوا
قيموا الأفراح والأعياد ........................
...................... بعد الانتصارات واتهنـُّوا
سجِّلوا للأحفاد أمجاد ..........................
........................ لفريق كوره كان جبَّار

*********

__________________
ابو اسكندر