بيقولوا الضمير عربى!!

**Samar Alam** · 17-06-2008 03:36 PM

*معلش طبعا الموضوع جه متأخر جدا بس للاسف مجتش فرصة عشان اقوله غير دلوقتى
لما اغنية الضمير العربى نزلت فالتليفزيون كل الناس اتأثرت وانا أول يوم سمعتها كنت منهارة جدا ومكنتش مصدقة ان فى ناس فعلا بيحصلها كده فالعالم كلنا كنا فاكرين ان دى خيالات بس طلعت فعلا دى الحقيقة
كنت مستغربة جدا من موقف الشعوب اللى بتتعذب دى وصمودهم وصبرهم وهما بيشوفوا الموت كل لحظة
و اتمنيت لو اعلنوا ان الحرب هتقوم عشان نحرر البلاد العربية من اللى هى فيه وطبعا كل دا والدموع نازلة من غير حساب كأنى اول مرة فحياتى اعيط
ولما الاغنية خلصت كانت الجرايد جنبى ع التربيزة قلت ابص فيها
كانت فالايام دى مشكلة الحضرى مع الاهلى!!!!
لقيت عنوان كبيييير فاول صفحة بيقول:
الرئيس يتدخل بنفسه لحل مشكلة الحضرى
ولا تعليق00!!

**Hegazy** · 17-06-2008 03:42 PM

no comment

god help us

**| **Silent Guardian** ●** · 17-06-2008 04:17 PM

الضمير العربي
من الواضح من اسم الاغنية انها بتخاطب اللي عنده ضمير
فلو هنبص على الضمير بقى , فهنلاقي ان الموضوع ده بايظ من ستييييييييييييييييييييييي ييييييييين سنة
بسبب غياب الضمير
و فضل الضمير غايب لحد ما وصل الوضع لدرجة ان ظهور الضمير دلوقتي ملوش لازمة

اغنية الضمير العربي , زيها و زي الحلم العربي اغاني جميلة قوي , بتهدف لهدف عالي قوي
و هو انهم بيعبروا عن ناس مظلومة مش قادرين يعبروا عن نفسهم
بس بنغني بايه , بالعربي؟؟ يا جماعة حرام . ماحنا عاجنين و خابزين و واكلين كمان الموضوع كله
احنا مش محتاجين اننا نسمع اغاني دي
المفروض اننا نسمعها للاخر , و نخليه يتأثر بيها و يحس المشاكل اللي بيعانيها جزء من مجتمعنا العربي
اما بخصوص الريس , فانا مش مع الحزب الوطني , مش مع سياسياته , بس التمس العذر في هذا الموضوع , لان الموضوع متعقد اكتر من اللازم
لو فرضنا اني الريس , فرض بس , انا دولة عندي 75 مليون بني ادم , فيها مشاكلها اللي فيها , و سببها انا والحزب بتاعي , و مش عارف اسيب الحكم بشكل لائق و لا عارف هسيب الحكم لمين ( ده لو انا ضميري صحي يعني و عايز اصلح جزء من اللي انا هببته )
ابص لمشكلة زي مشكلة فلسطين اطرافها فلسطين واسرائيل
اسرائيل متخانق معاها جاهز , و مسنودة من امريكا , و امريكا عندها وسائل ضغط عليا زي الفل
فلسطين , مش راضيين يوصلوا لحل بينهم وبين نفسهم عشان يبقى ليهم كلمة واحدة . فتح بتضرب في حماس و حماس بتضرب في الكل .
في المشكلة الفلسطينية دي , ما بينوب المخلص غير تقطيع هدومه
و انا خلااااااااااااااااااااااا ااص بقينا على اللحم
موضوع الحضري , او رايطة الاهلي , او حتى رابطة الديابية اللي انا فيها , كلها ليست الا لتشتييت الراي العام عشان ميفكرش كتير في المشاكل الداخلية , خليهم مشغولين بالحضري و خناقة تامر و عمرو , و هكذا و انا لما بنشغل بالمواضيع دي بتبقى في الوقت اللي مش عايز انشغل بيه بمشكلة اكبر.
فياريت نحافظ على نفسنا من الانشغال بالمشاكل دي عشان منتوهش , و نؤمنش بالحاجات دي اكتر من اللازم
بث خلاص
انا كتبت كتير
رجوع صاروخي يا سمر
سلاحف

**| Nadooosh ●** · 17-06-2008 05:10 PM

خلى الى يقول يقول

بلا عربى بقى بلا هندى

ومفيش حاجة ممكن تقال فى موقف زى دة غير

(بلا نيلة)

**Spider GirL**(•'.'•) · 17-06-2008 06:59 PM

شكرا كتير سمرا ع احساسك وموضوعك
وانا فاهمه انك تقصدى ان وسط المشاكل الداخلية والخارجية اللى بتمر بينا كعرب ومصريين
الرئيس يتدخل عشان حاجة فى الكرة اى كانت الكرة فى لعب ومفروض الرئيس يكون اكبر من كدة
شكرا كمان سمر